Кізільнік вастралісты

Кізільнік вастралісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Яблыневыя Род:  Кізільнік Від:  Кізільнік вастралісты
Міжнародная навуковая назва
Cotoneaster acutifolius Turcz., 1832
Сінонімы
Cotoneaster acutifolius var. acutifolius Cotoneaster acutifolius f. glabriusculus Hurus. Cotoneaster acutifolius var. pekinensis Koehne Cotoneaster niger var Cotoneaster sinensis hort. ex Rehder
Сістэматыка на Віківідах Выявы на Вікісховішчы ITIS   501648 NCBI   690308 EOL   230468 GRIN   t:11701 IPNI   722393-1 TPL   rjp-1086

Кізі́льнік вастралісты (Cotoneaster acutifolius) — від кветкавых раслін роду Кізільнік (Cotoneaster) сямейства Ружавыя (Rosaceae).

Батанічнае апісанне

Лістападны галінасты куст вышынёй да 3 м, з тонкімі паніклымі парасткамі. Маладыя парасткі апушаныя. Лісце эліптычна-яйцападобнай формы, завостранае, з шырокай клінападобнай асновай, на чаранках. Увосень лісце набывае барвова-жоўты колер. Кветкі дробныя, бледна-ружовага колеру, у шчыткападобных суквеццях. Плод — яблык чорнага колеру, з двума костачкамі.

Распаўсюджанне і экалогія

Распаўсюджаны ва ўсходняй частцы Сібіры (Бурація, Іркуцкая вобласць), у Манголіі, на поўначы Кітая, на Тайвані і Карэйскім паўвостраве. Расце на схілах, лугах, у лясах і ярах, горных далінах. Цвіце ў красавіку—маі. Плады паспяваюць у верасні—кастрычніку.

Ахоўваецца на тэрыторыі Бураціі і Іркуцкай вобласці Расіі.

Літаратура

• Бабарэка Я. З. Кізільнік // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 16—17. — 588 с., іл. — 10 000 экз.

Спасылкі

• Cotoneaster acutifolius var. lucidus (Schltdl.) L. T. Lu // ИАС «ООПТ России» (руск.)