З’яўляецца шкоднікам хлебных раслін: пшаніцы, жыта, ячменю, злакавых траў, часам аўсу, кукурузы, проса. Клапы і іх лічынкі вельмі шкодзяць пасевам. Найбольшую шкоду яны наносяць вясной слабаразвітым раслінам, праколваючы аснову сцябла. Пашкоджанае зерне становіцца шчуплым, мае нізкую ўсходжасць і дрэнныя хлебапякарныя ўласцівасці.
Трапляючы ў муку пры малацьбе, клоп надае ёй жоўты колер і непрыемны смак. Хлеб з такой мукі адмоўна адбіваецца на здароўе людзей.
