Hollywood Undead

З Вікіпедыі, свабоднай энцыклапедыі
Hollywood Undead
Асноўная інфармацыя
Жанры рэп-рок[1] і ню-метал[2]
Краіны
Адкуль Лос-Анджэлес
Лэйблы A&M Octone Records[d], Polydor Records[d] і Universal Music Group
Склад
hollywoodundead.com (англ.)
Лагатып Вікісховішча Медыяфайлы на Вікісховішчы

Hollywood Undead (з англ.: «Галівудская нечысць») — амерыканскі рок-гурт з Лос-Анджэлеса, заснаваны ў 2005 годзе. Творчасць калектыву грунтуецца на змешванні рок-музыкі з хіп-хопам і, адпаведна, у асноўным класіфікуецца як рэп-рок.

На дадзены момант гурт выпусціў восем студыйных альбомаў: Swan Songs (2008), American Tragedy (2011), Notes from the Underground (2013), Day of the Dead (2015), Five (2017), New Empire, Vol. 1 (2020), New Empire, Vol. 2 (2020), Hotel Kalifornia (2022), тры міні-альбомы: Swan Songs B-Sides EP, Swan Songs Rarities EP і PSALMS. А таксама зборнікі Desperate Measures (2009) і American Tragedy Redux (2011). Удзельнікі гурта на канцэртах і фотасесіях носяць маскі. Усяго было прададзена больш за 10 мільёнаў копій альбомаў гурта па ўсім свеце. У студзені 2013 года дэбютны альбом Swan Songs атрымаў плацінавую сертыфікацыю ад Амерыканскай асацыяцыі гуказапісвальных кампаній[3].

Гісторыя[правіць | правіць зыходнік]

Фарміраванне (2005—2007)[правіць | правіць зыходнік]

Гурт быў створаны ў 2005 годзе пасля Deuce (Арон Эрліхман) і J-Dog (Джорел Деккер) размясцілі на MySpace песню пад назвай The Kids. Атрымаўшы станоўчы водгук, яны знайшлі іншых удзельнікаў гурта ў Інтэрнэце. У 2005 годзе склад гурта быў такім: Shady Jeff (Джэф Мэцью Філіпс), Johnny 3 Tears (Джордж Артур Рэйган), Funny Man (Дылан Пітэр Альварэз), Charlie Scene (Джордан Крыстафер Тэрэл), Da Kurlzz (Мэцью Бусек) і The Phantasm (Джасцін Лафаэт Раман). У інтэрв’ю часопісу Shave J-Dog растлумачыў: «Той, хто ў патрэбны момант быў у пакоі і граў на інструменце, стаў удзельнікам гурта»[4]. Датычна назвы «Hollywood Undead» J-Dog распавёў, што першая сумесна запісаная песня называлася «Hollywood» (пазней назва была зменена на «No.5»), а гурт планавалі назваць проста «Undead». Убачыўшы дыск з песняй, адзін знаёмы гурта сказаў: «Undead Hollywood», а затым, прачытаўшы наадварот: «Hollywood Undead? Крутая назва!»[5].

Shady Jeff пазней сышоў з Hollywood Undead і адкрыў сетку аўтазаправачных станцый, якія спецыялізуюцца на біяпаліве[6]. Адной з асаблівасцяў гурта сталі маскі, з дапамогай якіх музыканты хаваюць сваю знешнасць. Па меры росту папулярнасці калектыву на Hollywood Undead звярнулі ўвагу ў нядаўна створаным лэйбле MySpace Records, і іх песня «No.5» ўвайшла ў зборнік Myspace Records Vol. 1; тады ж гурт зняў відэакліп на гэты трэк. Свайму поспеху на MySpace яны шмат у чым абавязаны іх агульнаму сябру Джэфры Стару, які да таго часу ўжо быў сур’ёзна раскручаны ў гэтай сацыяльнай сетцы і дапамагаў ім прасоўваць старонку гурта.

Кантракт з лэйблам, Swan Songs і Desperate Measures (2007—2010)[правіць | правіць зыходнік]

Крыху больш за год спатрэбілася Hollywood Undead на запіс трэкаў для альбома. Яшчэ каля двух гадоў яны займаліся пошукамі лэйбла, які не будзе падвяргаць цэнзуры іх альбом. Першапачаткова ў гурта быў падпісаны кантракт з MySpace Records але пасля таго як лэйбл паспрабаваў падвергнуць цэнзуры іх альбом, гурт разарваў з ім кантракт і стаў шукаць іншы лэйбл. У выніку гурта падпісаў кантракт з A&M/Octone Records і выпусціў свой дэбютны альбом Swan Songs 2 верасня 2008 года. Альбом прадзюсавалі Дон Гілмар (Don Gilmore) і Дэні Лонер (Danny Lohner), вядомыя па працы з такімі гуртамі як Linkin Park і Nine Inch Nails. За месяц да выпуску альбома гурт даў свой першы live-выступ на Virgin Mobile Festival з такімі песьнямі, як «Undead», «Black Dahlia», «California».

Swan Songs дэбютаваў на 22 месцы ў Billboard 200 з 21 000 копій альбома, прададзеных за першы тыдзень[7]. У канцы 2009 года гурт выйграў Rock on Request Awards у намінацыі «Лепшая кранк/рэп-рок-гурт»[8].

Канфлікт з Deuce[правіць | правіць зыходнік]

У 2009 годзе вакаліст і заснавальнік гурта Deuce нечакана не прыняў удзел у Vatos Locos Tour. Charlie Scene заявіў у інтэрв’ю: «Ён хацеў асабістага памочніка (сябар Deuce, Джымі Юма, які прымаў удзел у стварэнні масак, а таксама запісваў разам з Deuce песню „This Love, This Hate“) падчас тура. Ні ў каго з нас не было асабістага памочніка, мы ж не эгаманьякі. Нам гэтага не трэба, а ён хацеў, каб гурт плаціў за гэта цягам чатырох месяцаў… Мы паехалі ў аэрапорт, каб вылецець на наступны выступ. Ён не з’явіўся. Мы патэлефанавалі яму, але ён не ўзяў слухаўку. І на працягу двух тыдняў мне давялося спяваць замест яго»[9].

Тады гурт запрасіў свайго старога сябра Даніэля Мурылья выконваць вакальныя ролі Deuce падчас тура[10]. Даніэль пагадзіўся, перапыніўшы тым самым кар’еру вакаліста ў пост-хардкор гурце Lorene Drive і выступ у вядомым шоу American Idol. У сярэдзіне студзеня 2010 года гурт афіцыйна абвясціў яго новым удзельнікам, даўшы псеўданім Danny. Увесну 2010 года Deuce запісвае песню «Story of a Snitch», у якой сцвярджае, што яго выгналі з гурта. У адказ на гэта Hollywood Undead заявілі, што не будуць паддавацца на гэтыя правакацыі, каб «не апускацца да яго ўзроўню». Пасля сыходу з Hollywood Undead Deuce заняўся сольнай кар’ерай.

American Tragedy і Redux (2010—2012)[правіць | правіць зыходнік]

Даніэль на канцэрце World War 3 Tour у 2011 годзе.

На пачатку 2010 года гурт пачаў запіс матэрыялу для новага альбома[11][12]. 1 красавіка на iHeartRadio адкрываецца станцыя «Undead Radio»[13]. Гурт сумесна з кіраўніком лэйбла A&M/Octone Джэймсам Дынерам (James Diener) заявілі, што збіраюцца выпусціць альбом восенню 2010 года. Дзінер таксама выказаў меркаванне, што «альбом чакае поспех, бо гурт зрабіў вялікі крок наперад»[14]. Таксама гурт пацвердзіў, што прадзюсарам альбома стане Дон Гілмар.

Запіс альбома скончыўся ў сярэдзіне лістапада. 8 снежня 2010 года гурт анансаваз сінгл «Hear Me Now». 13 снежня песня трапляе ў ратацыю радыёстанцый. Лічбавы сінгл выходзіць 21 снежня. 11 студзеня гурт паведамляе, што новы альбом будзе называцца American Tragedy, і прызначае яго выхад на 8 сакавіка 2011 года[15]. На наступны дзень на YouTube канале гурта з’яўляецца прэв’ю альбома. 21 студзеня становіцца даступная дэма-версія трэка «Comin’ in Hot»[16]. 22 студзеня гурт адпраўляецца ў Nightmare After Christmas Tour разам з Avenged Sevenfold і Stone Sour[17]. 5 лютага 2011 года становіцца даступнай для запампоўкі песня «Been to Hell»[18]. 22 лютага гурт пераносіць дату выхаду альбома на 5 красавіка[19]. 15 сакавіка 2011 года выходзяць адразу два сінглы ў падтрымку альбома — «Been to Hell» і «Coming Back Down».

5 красавіка 2011 года адбыўся выхад альбома American Tragedy. У першы тыдзень было прададзена каля 67 000 капій альбома. Альбом заняў чацвёртую пазіцыю ў Billboard 200 і першае месца ў Top Hard Rock Albums. У Канадзе альбом заняў 5-е месца, а ў Вялікабрытаніі — 43-е. Рэміксаваная версія песні «Levitate» гучыць у гульні «Shift 2: Unleashed». Песня «Glory» выкарыстоўвалася ў рэкламе спартыўнага тэлеканала «ESPN».

У падтрымку альбома Hollywood Undead ў красавіку — маі 2011 года гастралявалі разам з 10 Years, New Medicine і Drive-A ў турнэ Revolt Tour[20]. Пасля гэтага гурт адыграў некалькі канцэртаў у Еўропе, Аўстраліі і Канадзе. У сярэдзіне лета гурт разам з All That Remains і Hyro Da Hero адправіліся ў Endless Summer Tour[21]. У жніўні быў абвешчаны конкурс аматарскіх відэа, лепшыя з якіх увойдуць у відэакліп на песню «My Town», якую планавалася выпусціць сінглам. Аднак сінгл і кліп так і не выйшлі.

У жніўні 2011 года гурт абвясціў пра выхад новага альбома, American Tragedy Redux, які складаецца з рэміксаў песень з альбома American Tragedy. У канцы жніўня быў абвешчаны конкурс фанацкіх рэміксаў на песні «Le Deux» і «Bullet», лепшы з якіх увойдзе ў альбом, а пераможца атрымае грошы, футболку і аксэсуары з атрыбутыкай Hollywood Undead. У кастрычніку гурт зняў і выпусціў сінгл і кліп на рэмікс песні «Levitate». 1 лістапада 2011 года гурт адправіўся ў тур «World War III» разам з гуртамі Asking Alexandria, We Came As Romans, Borgore і DRUGS[22][23]. 21 лістапада адбыўся рэліз альбома American Tragedy Redux. Пасля гэтага гурт адправіўся ў турнэ «Buried Alive» разам з Avenged Sevenfold, Black Veil Brides і Asking Alexandria[24].

Notes from the Underground (2013—2014)[правіць | правіць зыходнік]

Пасля працяглых гастроляў на працягу 2011, у падтрымку свайго другога студыйнага альбома, American Tragedy, і першага альбома рэміксаў, American Tragedy Redux, Charlie Scene абвясцілі аб планах пачаць працу над трэцім студыйным альбомам у канцы лістапада 2011 года. Гэта заява была зроблена пасля заканчэння тура «World War III» у якім Hollywood Undead удзельнічалі разам з групай Asking Alexandria. Charlie Scene заявіў, што гурт пачне запісваць дэма-версіі песень падчас турнэ «Buried Alive» і пачне запіс фінальных версій трэкаў адразу пасля заканчэння турнэ, у снежні 2011 года. Ён таксама заявіў, што альбом будзе гучаць больш падобна на Swan Songs, чым на American Tragedy. Каментуючы розніцу ў гучанні на гэты раз, ён заявіў: «Я б сказаў, што на гэты раз лэйбл даў нам поўную свабоду ў плане творчасці. Я думаю, гэта будзе больш падобна на Swan Songs, чым на American Tragedy. Гэта будзе сумесь і таго і іншага, я маю на ўвазе, што мы ўсе расцем як музыкі, мы сталеем, і мы займаемся музыкай даволі-такі доўга, таму я думаю, гэта будзе больш падобна на Swan Songs, думаю, нашым фанатам гэта вельмі спадабаецца.»[25] Пазней у інтэрв’ю Charlie Scene заявіў, што гурт не збіраецца зацягваць з выхадам альбома і плануе выпусціць яго ў канцы лета[26]. У студзені 2012 года музычны часопіс ArtistDirect назваў новы альбом адным з самых чаканых альбомаў года[27].

19 кастрычніка гурт выклаў трэк «Dead Bite» для вольнай загрузкі[28]. «We Are», першы сінгл з альбома, выйшаў 29 кастрычніка 2012 года. Назва альбома была абвешчана — Notes From The Underground. 10 снежня выйшаў кліп на песню «We Are». Выхад альбома адбыўся 8 студзеня 2013 года, за два дні да гэтага альбом быў зліты ў сетку.

Day of the Dead (2015—2016)[правіць | правіць зыходнік]

Праца над чацвёртым альбомам пачалася ў працэсе «Notes from the Ground Tour» у 2013 годзе. Альбом запісваўся з снежня 2013 года па красавік 2014 года.

20 кастрычніка Дарэн Пфайфер, сесійны бубнач гурта, абвясціў аб сваім вымушаным сыходзе з гурта. Прычынай стаў пераезд Дарэна ў Філадэльфію, да сваёй жонкі, і цяпер у іх ёсць дзіця.

21 кастрычніка Hollywood Undead выпусціў першы трэк з чацвёртага студыйнага альбома пад назвай «Day of the Dead». Аднак 17 кастрычніка відэа са стрымам песні было выпадкова апублікавана на іх афіцыйным канале. Відэа знаходзілася ў публічным доступе каля васьмі гадзін, а затым было прыбрана ў асабісты доступ.

3 лютага адбыўся афіцыйны анонс альбома, Hollywood Undead паведамілі, што чацвёрты студыйны альбом выйдзе 31 сакавіка.

5 лютага стала вядома, што здымкі кліпа на песню «Day of the Dead», пройдуць у бліжэйшы час, а рэжысёрам стане Спенс Нікалсан. Раней ён ужо працаваў з Hollywood Undead над відэа на сінгл «Everywhere I Go».

8 лютага з’явілася інфармацыя, што кліп на «Day of the Dead» выйдзе ў апошні тыдзень лютага.

10 лютага з’явіўся ўрывак новай песні «Usual Suspects», першай з пяці песень, якія гурт прадэманструе да выхаду альбома, а таксама ўрывак з відэа на песню «Day of the Dead». Гэтак жа стала вядомая дата пачатку предзаказа альбома — 17 лютага (Дзень выхаду сінгла «Usual Suspects»).

16 лютага ў сетку злілі трэк «Usual Suspects» (песня выйшла раней з-за розніцы ў часе: 11 гадзін), гэтак жа выпушчаны сінгл — «Gravity» — 22 лютага. 9 сакавіка выйшла песня «How We Roll». Кліп на «Day Of The Dead» першапачаткова павінен быў выйсці 2 сакавіка, але ў сувязі з міні-турам па Аўстраліі, мантаж спыніўся. Праўда лэйбл запэўнівае, што паспрабуе выпусціць кліп як мага хутчэй. Акрамя гэтага з’явіўся трэк ліст Deluxe выдання альбома.

16 сакавіка выйшаў чацвёрты сінгл з новага альбома гурта «Live Forever», а 24 сакавіка выйшаў сінгл «Disease». Альбом «Day of the Dead» выйшаў 31 сакавіка.

Five, сыход Da Kurlzz (2017—2018)[правіць | правіць зыходнік]

Пасля доўгага зацішша, 19 ліпеня 2017 года адбываецца зліў ў Інтэрнэт першага сінгла пад назвай «California Dreaming». У адрозненне ад папярэдніх рэлізаў гурта, гэтая песня па стылі бліжэй да груў-металу і металкору, чым да рэп-року або хіп-хопу. З лістапада па снежань 2017 года ў гурта быў запланаваны сусветны тур. На 2018 год у гурта запланавана еўрапейская частка тура ў сувязі з выхадам новага альбома. На здымках кліпа да сінгла «California Dreaming» не было шостага ўдзельніка гурта Da Kurlzz. У жніўні было афіцыйна заяўлена, што ўдзельнікаў засталося пяцёра. Пяты альбом гурта, названы «Five», выйшаў 27 кастрычніка 2017 года. 24 ліпеня гурт афіцыйна выпускае сінгл «California Dreaming» і кліп на яго. 18 жніўня адбываецца зліў другога сінгла пад назвай «Whatever It Takes». 25 жніўня гурт афіцыйна выпускае другі сінгл «Whatever It Takes» і кліп на яго. 27 верасня адбываецца зліў «Renegade» у сетку. 29 верасня кліп на гэтую кампазіцыю быў апублікаваны на афіцыйным канале гурта. 12 кастрычніка выходзіць тызер песні «We Own The Night». Дата выхаду трэка і кліпа — 13 кастрычніка. 20 кастрычніка альбом Five злілі ў Сеціва ў свабодны доступ.

Psalms EP (2018)[правіць | правіць зыходнік]

21 мая новы сінгл з’яўляецца на Радыё 94.1 Zone. 1 чэрвеня гурт афіцыйна выпускае сінгл «Gotta Let Go». «Кожны раз, калі мы азіраемся ў мінулае, мы бачым у ім толькі цяжкасці і нягоды. Мы занадта часта забываем пра добрае, таму што мы аслеплены тым болем, праз які мы ўсе праходзім. Гэтая песня пра тое, што гэты боль трэба адпусціць, каб убачыць, што жыццё можа быць выдатным» — Johnny 3 Tears пра песню, якая выйшла. 27 чэрвеня выйшаў музычны кліп на песню «Gotta Let Go». 18 ліпеня быў зліты другі новы сінгл «Another Level». 27 ліпеня гурт афіцыйна выпусціў новы сінгл «Another Level». 25 кастрычніка ў афіцыйным Instagram-акаўнце гурта з’явіўся першы тызер новага альбома. 29 кастрычніка стала вядома што міні-альбом пад назвай «Psalms» будзе выпушчаны 2 лістапада і ў ім, акрамя выпушчаных раней у гэтым годзе «Gotta Let Go» і «Another Level», будуць прысутнічаць 3 Новыя песні: «Bloody Nose», «Live Fast Die Young» і «Something To Believe». 31 кастрычніка песня «Bloody Nose» з’яўляецца на радыё SiriusXM. 1 лістапада міні-альбом «Psalms» быў зліты ў сетку. 2 лістапада гурт афіцыйна выпусціў новы міні-альбом «Psalms».

New Empire, Vol. 1 (2019—2020)[правіць | правіць зыходнік]

Летам 2019 года, пасля чарговага зацішша, гурт даў інтэрв’ю, дзе паведаміў пра тое, што рыхтуе альбом, які плануе разбіць на 2 часткі. Першую частку планавалася выпусціць восенню 2019 года, а другую вясной 2020 года, аднак абодва рэлізы не выйшлі ў пазначаную дату. 25 кастрычніка 2019 гурт афіцыйна выпускае сінгл «Already Dead». 31 кастрычніка 2019 гурт афіцыйна выпускае музычны кліп на песню «Already Dead». 11 лістапада 2019 у сваім Instagram гурт паведамляе пра сюрпрыз да 15 лістапада. 15 лістапада 2019 гурт выпускае новы сінгл «Time Bomb» у якім сваю вакальную ролю маюць усе ўдзельнікі гурта, а праз некалькі гадзін у сваім Instagram гурт анансаваў новы альбом «New Empire, Vol. 1», выхад якога быў прызначаны на 14 лютага 2020 года, то бок на пачатак сумеснага еўратура з Papa Roach. 10 студзеня 2020 гурт афіцыйна выпускае сінгл і музычны кліп на песню «Empire». 7 лютага 2020 альбом «New Empire, Vol. 1» злілі ў сеціва ў свабодны доступ. 14 лютага 2020 гурт афіцыйна выпусціў новы альбом «New Empire, Vol. 1».

New Empire, Vol. 2 (2020)[правіць | правіць зыходнік]

20 жніўня 2020 года гурт афіцыйна выпускае музычны кліп на песню «Idol».

18 верасня 2020 года гурт афіцыйна выпускае песню «Coming Home».

16 кастрычніка 2020 года гурт афіцыйна выпускае песню «Heart of a Champion (Remix)».

13 лістапада 2020 года гурт афіцыйна выпускае песню «Gonna Be OK».

4 снежня 2020 года гурт афіцыйна выпусціў новы альбом «New Empire, Vol. 2». На альбоме прысутнічаюць песні, сумесныя з «Tech N9ne», «Killstation» і «Hyro The Hero».

Hotel Kalifornia (2022)[правіць | правіць зыходнік]

25 лютага 2022 года гурт выпусціў сінгл «CHAOS», які ўвойдзе ў іх будучы восьмы альбом. Вакальныя партыі ў гэтай песні былі выкананыя ўсімі пяццю ўдзельнікамі. 3 сакавіка гэтага ж года на гэтую песню выйшаў кліп.

23 красавіка выходзіць яшчэ адзін сінгл — «Wild In These Streets». Кліп з тэкстам песні быў аформлены ў стылі гульні-франшызы «GTA».

6 чэрвеня гурт анансаваў вокладку альбома і яго назву — «Hotel Kalifornia». Для фанатаў, якія аформілі платную падпіску ў іх афіцыйным дадатку, быў адкрыты ранні доступ да трэцяга сінглу — «City of the Dead», які выйшаў у агульны доступ 8 чэрвеня. 7 чэрвеня стала вядомая дата выхаду альбома — 29 ліпеня, а таксама трэк-ліст, які складаецца з 14 песень. Праз пару дзён дата рэлізу альбома была перанесена на два тыдні — на 12 жніўня.

8 ліпеня гурт выпускае чацвёрты сінгл са свайго будучага альбома «Trap God», у якім, гэтак жа, як і ў першых двух сінглах, удзел прымалі ўсе вакалісты.

Альбом «Hotel Kalifornia» выйшаў 12 жніўня.

Музычны стыль і размеркаванне вакальных роляў[правіць | правіць зыходнік]

Музыка Hollywood Undead уяўляе сабой шырокую разнастайнасць музычных стыляў, у асноўным сумесь хіп-хопа з альтэрнатыўным рокам і альтэрнатыўным металам. Аднак, многія адносяць іх да рэп-року, кран-кору або ню-металу.

Палова песень у Swan Songs адлюстроўвала змяшаны стыль, у той час як іншая палова паказвала больш цяжкае гучанне. Многія крытыкі заяўлялі, што былі ў замяшанні з-за пастаяннай змены гучання музыкі[29]. Альбом American Tragedy запісаны ў тым жа стылі, але з вялікай колькасцю класічных рок-інструментаў, а таксама сінтэзатараў і электронных элементаў, і большасць трэкаў можна аднесці хутчэй да рэп-року, чым да хіп-хопу.

Большасць песень Hollywood Undead сур’ёзныя і песімістычныя(«Day of the Dead», «Paradise Lost», «City», «S.C.A.V.A.», «Lion», «Save Me», «Coming Back Down», «Does Everybody In The World Have To Die», «Let Go», «Your Life», «Something To Believe», «Live Fast Die Young», «Second Chances», «Nightmare», «Monsters», «Worth It»), але сустракаюцца і танцавальныя, прыдатныя для выканання ў клубах («No.5», «Comin’ in Hot», «One More Bottle», «Delish», «War Child», «Lights Out», «Usual Suspects», «Cashed Out», «Riot», «Another Level», «Killin’ It», «Ghost Out»).

Гурт заявіў у інтэрв’ю, што кожны член гурта грае сваю ролю ў песні, напісаўшы і выканаўшы свой урывак у кампазіцыях[30].

Большасць песень робяцца наступным чынам: 2, 3 (рэдка 4) рэп-куплета, прыпеў, выкананы чыстым вакалам, і брыдж, звычайна ўяўляе сабой сумесь таго і другога. Таксама сустракаюцца песні без выкарыстання рэп-куплетаў («Take Me Home», «I’ll Be There», «Second Chances», «Medicate», «Unholy») і без чыстага вакалу («Take Me Home», «I’ll Be There», «Second Chances», «Medicate», «Unholy»).

Да 2009 года партыі, выкананыя чыстым вакалам, спяваў Deuce. З выхадам American Tragedy яго ролю ўзяў на сябе Danny. Da Kurlzz і Shady Jeff звычайна не мелі свайго ўрыўка ў песнях, выконваючы ролю скрым-вакалістаў. Johnny 3 Tears і J-Dog звычайна выконваюць куплеты ў сур’ёзных песнях, а Charlie Scene і Funny Man — у вясёлых песнях клубнай накіраванасці. Ёсць песні, Усе куплеты у якіх выконвае адзін удзельнік гурта: «No Other Place», «Delish», «Cashed Out» (Funny Man), «Young», «S.C.A.V.A.», «Pour Me», «Lion», «Outside», «The Diary», «Paradise Lost», «Ghost», «Pray (Put Em In the Dirt)», «Something To Believe», «Second Chances» (Johnny 3 Tears), «This Love, This Hate»(Deuce), «Everywhere I Go», «Kill Everyone», «Bloody Nose», «Medicate», «Unholy» (Charlie Scene), «From The Ground», «Nobody’s Watching» (J-Dog), «Ghost Beach» (Danny). Толькі ў чатырох песнях прымаюць удзел адразу шэсць членаў гурта «Christmas in Hollywood», «Lump Your Head», «How We Roll», «Gravity». У «The Natives» прымаюць удзел усе сем удзельнікаў, уключаючы Shady Jeff’а. У «Scene for Dummies» таксама прымае ўдзел былы сёмы ўдзельнік, Shady Jeff, выконваючы скіт. У песнях «California Dreaming», «Bang Bang», «We Own the Night», «Time Bomb», «Empire», «Enemy», «Chaos», «Wild In These Streets» і ў «Trap God» удзельнічаюць усе пяць удзельнікаў.

Маскі[правіць | правіць зыходнік]

На ўсіх канцэртах удзельнікі гурта носяць маскі, апранаючы іх таксама падчас фотасесій і некаторых інтэрв’ю. Удзельнікі самі распрацоўваюць стыль сваіх масак.

Першыя маскі з’явіліся ў самым пачатку творчага шляху «Hollywood Undead» і былі досыць прымітыўнымі. Іх можна сустрэць на нешматлікіх фотаздымках гурта таго перыяду. Таксама яны з’яўляюцца ў першым кліпе на песню «No.5» (2006).

Першыя змены маскі зведалі перад выхадам альбома «Swan Songs». Яны сталі больш складанымі і прадуманымі. У кожнай маскі з’явілася яшчэ адна вакальная версія, з выразам для рота. На жывых выступах гурт стаў здымаць маскі пасля некалькіх першых песень. Наступныя змены адбыліся ў 2010 годзе, пасля сыходу Deuce і перад выпускам альбома «American Tragedy». На масках Da Kurlzz, Johnny 3 Tears і J-Dog з’явіліся светлавыя элементы. У адным з сваіх інтэрв’ю Charlie Scene заявіў, што гурт будзе мяняць маскі з выхадам кожнага новага альбома[31].

Улетку 2019 года гурт заявіў, што адмаўляецца ад нашэння масак. Johnny 3 Tears патлумачыў гэтае рашэнне тым, што «ўдзельнікі гурта выраслі з дадзеных вобразаў», а таксама лішнімі выдаткамі пры транспартоўцы масак. Канцэрты з 2020 года праходзілі ўжо без масак.

Удзельнік 2005—2007 2008—2009 2010—2012 2013—2014 2015—2016 2017—2019


J-Dog
 Бэжавая хакейная маска з круглявымі выразамі для вачэй. Рот залеплены доларам, на шчоках бясформенныя чырвоныя плямы — «кровападцёкі». Белая больш рэльефная маска, прарэзы для вачэй звузіліся. Пад вачыма — пырскі крыві, на роце — крывавы далар (ёсць два варыянты маскі). Белая маска з шэрымі, «абвугленымі» плямамі. Вочы «выпалены», свецяцца, на роце — двухдоларавая банкнота. На масцы своеасаблівы складаны малюнак. Маска белага колеру, з фільтрамі ад процівагаза на шчоках. Замест купюры на роце намаляваны знак долара. Таксама на лбе з’явілася выява Усёвідушчага Божага Вока. Вочы «выпалены» і свецяцца чырвоным. Вочы «выпалены» больш, пад вачыма — сінякі, намаляваны знак долара. На лбе надпіс «UNDEAD» і Усёвідушчае Вока. Маска стала прасцей у дызайне. Вакол адтулін для вачэй фарбай намаляваная выпаленасць і таго ж колеру сцякаючая кроў. Чатыры струменьчыкі з аднаго боку і тры з другога. На месцы рота маецца аб’ёмны знак долара ($). На лбе трохвугольная выпукласць. Маецца тры віды маскі: чорна-залатая, срэбрана-сіняя і чырвона-белая.


Charlie Scene
 На галаве — папяровы пакет з рэстарана Del Taco. Паверх — чорныя акуляры. Чорна-белая бандана з надпісам Charles P. Scene, якая затуляе рот і чорныя акуляры. Белая бандана з надпісам Charlie Scene і чорныя акуляры. Шэрая бандана з надпісам Charlie Scene. Аправа акуляраў матавага чорнага колеру. Бандана, як і ў 2008, чорнага колеру з крыху змененым малюнкам. Бандана, на якой ёсць надпіс «HOLLYWOOD CHARLIE SCENE», а таксама маюцца выявы пальмаў і знака LA, які прысутнічае на папярэдніх банданах. Маецца тры выгляду: чорна-залатая, чорна-белая з сіняватым адценнем і чырвона-белая.


Johnny 3 Tears
 Белая хакейная маска, пад вачыма чорныя падцёкі, рот заклеены накрыж чырвонай/срэбнай ізастужкай, на лбе некалькі круглых адтулін. Блакітная маска, вакол правага вока — чорны матылёк, на правай шчацэ і на падбародку яшчэ некалькі, пад левым вокам — лічба 3. На галаве — бела-залатая капітанская фуражка. Маска стала больш выцягнутая па вертыкалі, лічба 3 размяшчаецца па ўсёй левай палове твару і свеціцца, узор матылёў больш складаны. Капітанская фуражка стала чорнага колеру. Маска з элементамі мазаікі ці ж з эфектам парэпання, якая складаецца з маленькіх частак. Тройка, як і раней, знаходзіцца на левай палове твару, а правую ўпрыгожвае ўзор з матыля, да таго ж стала залатой. Маска мае белыя і сінія рысы, тройка «выбіта» на левай шчацэ. Таксама маюцца элементы парэпання. Уверсе, правей тройкі, бачны матылі, а таксама голуб з гранатай. Уся маска пакрыта выразанымі на ёй матылькамі. Выява тройкі адпавядае папярэдняму варыянту, толькі цяпер маецца яшчэ адна тройка, сіметрычная ёй, на другой шчацэ. Маецца тры віды маскі: чорна-залатая, сярэбрана-сіняя і чырвона-белая.


Da Kurlzz
 Простая белая тэатральная маска з вузкімі прарэзамі для вачэй, двума круглымі адтулінамі для носа і маленькім ротам. Белая маска, правая частка якой ухмыляецца, а левая — злуецца. Правая частка мае відавочнае падабенства з Майклам Джэксанам. Белая маска, левая частка якой — вясёлая, а правая — злая. На масцы стала больш маршчын, на «злой» палове праступаюць чырвоныя святлівыя прожылкі. Таксама свеціцца лінія пасярэдзіне маскі, якая падзяляе дзве паловы. Валасы растрапаныя. Маска захавала свае старыя рысы, але цяпер стала больш грознай. Маршчын стала яшчэ больш, і цяпер у маскі дзве новыя паловы: сумная, спалоханая з адкрытым ротам і абгарэлая, злая. У маскі дзве паловы: левая сумная (белая) і правая вясёлая (чорная). Больш дэталізаваны рэльеф, шмат маршчын і зморшчын. —


Funny Man
 На галаве — чорная тканіна без прарэзаў, па-над акулярамі з белай аправай. Чорная маска з залатымі літарамі FM на левай шчацэ і тры залатыя кропкі пад правым вокам, маркотны выраз твару. Чорная тканкавая маска без прарэзаў, на левай шчацэ белы значок з надпісам UNDEAD, на правай шчацэ тры белыя кропкі. Чорная тканкавая маска. На твары срэбраны ўзор, які надае масцы стыль мексіканскіх барацьбітоў Луча Лібрэ. На правай шчацэ віднеюцца тры белыя кропкі, а на лбе надпіс FM. Чорная тканкавая маска без прарэзаў, на левай шчацэ белы надпіс LA. На правай тры белыя кропкі. Хакейная маска са мноствам дзірак. На месцы носа дзве дзіркі, як у чэрапа. На правай шчацэ тры белыя кропкі. Адтуліны вачэй і носа зашытыя тканінай. Маецца тры віды: чорная, сіняя і чырвоная.


Danny
 — Залатая маска з чорнымі плямамі Залатая маска з металічным бляскам. Вакол левага вока — лацінскі крыж. Залатая маска са стражэйшымі рысамі твару. Лацінскі крыж замянілі гільзы ад патронаў. Маска сплецена з кольцаў (накшталт кальчугі) залатога колеру, адсутнічаюць прарэзы для вачэй і рота, каля левага вока — сілуэт гільзы. Маска з ухмылкай, з крыжом і плямамі на правай шчацэ. Маецца тры віды: чорна-залатая, срэбрана-сіняя і чырвона-белая.


Deuce
 Белая хакейная маска з блакітнымі падцёкамі пад вачыма. Рот залеплены трыма палоскамі ружовай ізаленты рознай даўжыні. Срэбная маска. Рот залеплены трыма палоскамі ружовай ізаленты рознай даўжыні, маецца прарэз для рота. Як сольны выканаўца: Срэбная маска. Рот залеплены трыма палоскамі ружовай ізаленты рознай даўжыні, маецца прарэз для рота. Як сольны выканаўца: Срэбраная маска, пакрытая люстранымі пласцінамі; маска, размаляваная ў колеры амерыканскага сцяга; чырвоная маска, пакрытая надпісамі «Danger». Як сольны выканаўца: Срэбная хакейная маска з украпінамі белага, рот залеплены трыма палоскамі ружовай ізаленты рознай даўжыні. Як сольны выканаўца: Срэбная хакейная маска з украпінамі белага, рот залеплены трыма палоскамі ружовай ізаленты рознай даўжыні.


Shady Jeff
 Чорная\чырвоная бандана, чорныя сонечныя акуляры. — — — — —

Дыскаграфія[правіць | правіць зыходнік]

  • 2008: Swan Songs
  • 2011: American Tragedy
  • 2013: Notes From The Underground
  • 2015: Day of the Dead
  • 2017: Five
  • 2020: New Empire Vol.1
  • 2020: New Empire, Vol. 2
  • 2022: Hotel Kalifornia

Узнагароды і намінацыі[правіць | правіць зыходнік]

Год Намінант Катэгорыя Вынік Месца
2009 Hollywood Undead Rock On Request: Top Crunk/Rock-rap Band[8] Перамога 1
2011 «Been to Hell» AOL Radio: Top 10 Rock Songs of 2011[32] Перамога 5
«Levitate (Digital Dog Club mix)» WGRD’s 2011 Favorite Listener Band of The Year[33] Перамога 1

Склад[правіць | правіць зыходнік]

; Цяперашні склад
Цяперашнія сесійныя ўдзельнікі
Былыя ўдзельнікі
  • Da Kurlzz — ударныя, перкусія, скрым (2005—2017)
  • Shady Jeff — вакал, скрым (2005—2007)
  • Deuce — вакал, скрым, бас-гітара (2005—2009)
Былыя сесійныя ўдзельнікі
  • Glendon «Biscuitz» Crain — ударныя, перкусія (2008—2010)
  • Daren Pfeifer — ударныя, перкусія (2010—2014)
  • Tyler Mahurin — ударныя, перкусія (2014—2017)
  • Matt Oloffson — ударныя, перкусія (2017—2019)|}

Часавая шкала[правіць | правіць зыходнік]

Дадатковыя факты[правіць | правіць зыходнік]

  • Мянушкі удзельнікаў звязаныя з чым-небудзь, напрыклад: J-Dog — з ініцыяламі «JD» (Jorel Decker), Johnny 3 Tears утворана ад назвы яго ранейшага гурта «3 Tears», Da Kurlzz назвалі ў гонар яго кучаравых валасоў, Deuce — скарачэнне Tha Producer, Funny Man — з-за яго вясёлага нораву і часцяком нясмешных жартаў, Charlie Scene — па словах Чарлі, гэта першае, што прыйшло яму ў галаву, Danny — ад яго сапраўднага імя — Daniel[34].
  • Многія фанаты прымаюць песню «I Must Be Emo» за творчасць Hollywood Undead, аднак яна напісана дуэтам Adam & Andrew. «Людзі настолькі, блін, тупыя, што лічаць гэтую песню нашай!» — пракаментаваў Da Kurlzz[35].
  • Сімвалам гурта з’яўляецца голуб, які нясе гранату. Па словах Johnny 3 Tears, ён азначае, што ў любым становішчы ёсць выбар, за які мы пасля нясем адказнасць[34].

Зноскі

  1. ↑ https://web.archive.org/web/20100901154805/http://new.music.yahoo.com/hollywood-undead/news/hollywood-undead-lives-vibrantly-on-alt-scene--62000659
  2. ↑ http://www.deadpress.co.uk/album-hollywood-undead-american-tragedy/
  3. ↑ We did it everyone! WeAreHU (англ.). Instagram. Архівавана з першакрыніцы 21 студзеня 2013. Праверана 19 студзеня 2013.
  4. ↑ Shave Magazine Interview(недаступная спасылка)
  5. ↑ 10 questions for J-Dog. Архівавана з першакрыніцы 26 лютага 2014.
  6. ↑ Jeff Philips on CNN News. CNN. Архівавана з першакрыніцы 9 чэрвеня 2012. Праверана 3 ліпеня 2011.
  7. ↑ Swan Songs - Hollywood Undead. billboard.су. Архівавана з першакрыніцы 20 кастрычніка 2009.
  8. ↑ а б 2009 Top In Rock Awards(недаступная спасылка). Rock on Request. Архівавана з першакрыніцы 23 снежня 2009. Праверана 8 снежня 2022.
  9. ↑ Charlie Scene and J-Dog interviewed by rock.com. Архівавана з першакрыніцы 19 сакавіка 2014.
  10. ↑ Hollywood Undead know how to put on a show. Standard.net (16 мая 2011). Архівавана з першакрыніцы 9 чэрвеня 2012. Праверана 2 чэрвеня 2011.
  11. ↑ Niet compatibele browser. Facebook. Архівавана з першакрыніцы 8 красавіка 2005. Праверана 20 чэрвеня 2011.
  12. ↑ Melodic Net – Hollywood Undead Infiltrate I Heart Radio. Melodic.net. Архівавана з першакрыніцы 9 чэрвеня 2012. Праверана 20 чэрвеня 2011.
  13. ↑ Exclusive Hollywood Undead: Radio Dead Webisode. Архівавана з першакрыніцы 20 снежня 2013. Праверана 26 студзеня 2014.
  14. ↑ "Hollywood Undead lives vibrantly on alt scene". Yahoo!. Праверана 2010-07-29.
  15. ↑ Hollywood Undead Talk "American Tragedy," Darkness, Movies and "Hear Me Now" – ARTISTdirect News. Artistdirect.com. Архівавана з першакрыніцы 9 чэрвеня 2012.
  16. ↑ Comin' in Hot release
  17. ↑ Nightmare after christmas tour Архівавана {{{2}}}.
  18. ↑ Retrieved February 2011
  19. ↑ Niet compatibele browser. Facebook. Архівавана з першакрыніцы 12 красавіка 2014.
  20. ↑ Hollywood Undead headlines the Revolt Tour. Hollywood Undead. Архівавана з першакрыніцы 10 мая 2011. Праверана 14 чэрвеня 2011.
  21. ↑ Endless Summer Tour. Hollywood Undead. Архівавана з першакрыніцы 9 чэрвеня 2012. Праверана 14 чэрвеня 2011.
  22. ↑ Dates Revealed For «World War III Tour» (Hollywood Undead, Asking Alexandria, Etc.) | Theprp.com — Metal, Hardcore And Rock News, Reviews And More. Архівавана з першакрыніцы 28 верасня 2011.
  23. ↑ Фотографии профиля | Facebook. Архівавана з першакрыніцы 24 студзеня 2016.
  24. ↑ "The Buried Alive tour". Архіўная копія(недаступная спасылка). Архівавана з першакрыніцы 20 мая 2012. Праверана 8 снежня 2022.Архіўная копія(недаступная спасылка). Архівавана з першакрыніцы 20 мая 2012. Праверана 8 снежня 2022.
  25. ↑ Liz Ramanand. Hollywood Undead’s Charlie Scene Talks Remix Disc, Giving Wedgies + More. Loudwire (29 лістапада 2011). Архівавана з першакрыніцы 9 чэрвеня 2012. Праверана 29 лістапада 2011.
  26. ↑ EXCLUSIVE INTERVIEW: HOLLYWOOD UNDEAD TALK 'AMERICAN TRAGEDY REDUX' & REVEAL NEW ALBUM DETAILS. The Daily Blam (5 снежня 2011). Архівавана з першакрыніцы 24 студзеня 2013.
  27. ↑ Most Anticipated Albums of 2012. Artistdirect. Архівавана з першакрыніцы 9 чэрвеня 2012.
  28. ↑ Hollywood Undead Return With a 'Dead Bite'. Noisecreep (19 кастрычніка 2012). Архівавана з першакрыніцы 21 лістапада 2012. Праверана 19 кастрычніка 2012.
  29. ↑ Allmusic Swan Songs Review. Архівавана з першакрыніцы 4 красавіка 2011.
  30. ↑ In an interview with ArtistDirect, J-Dog states it.. Архівавана з першакрыніцы 9 чэрвеня 2012.
  31. ↑ EXCLUSIVE INTERVIEW: HOLLYWOOD UNDEAD TALK 'AMERICAN TRAGEDY REDUX' & REVEAL NEW ALBUM DETAILS (англ.). The Daily Blam (5 снежня 2011). Архівавана з першакрыніцы 24 студзеня 2013. Праверана 4 студзеня 2012.
  32. ↑ 10 Best Rock Songs of 2011. Архівавана з першакрыніцы 9 чэрвеня 2012. Праверана 15 снежня 2011.
  33. ↑ Vote For WGRD's 2011 Favorite Listener Band of The Year. Архівавана з першакрыніцы 9 чэрвеня 2012. Праверана 15 снежня 2011.
  34. ↑ а б Johnny 3 Tears about Tatoos Архівавана 3 кастрычніка 2012. (недаступная спасылка — гісторыя, копія)
  35. ↑ 12 Questions for Da Kurlzz(недаступная спасылка)

Спасылкі[правіць | правіць зыходнік]
Узята з "https://be.wikipedia.org/w/index.php?title=Hollywood_Undead&oldid=4639402"