Kaltherzig

З пляцоўкі Вікіпедыя
Jump to navigation Jump to search
Kaltherzig
Жанры Готык-рок
Darkwave
Сінтпоп
Гады 2007-2015
Краіна Flag of Belarus.svg Беларусь
Горад Мінск
Мова песень Англійская
Беларуская

Kaltherzig — беларускі музычны праект з Мінска, які выконваў музыку ў сінт-гатычным накірунку.

Гісторыя[правіць | правіць зыходнік]

Kaltherzig у 2007 пачынаўся, як one-man праект (першапачаткова пад назвай KAlt). Заснавальнікам гурта з'яўляецца Аляксандр Круп, вядомы як лідар беларускага гурта Saudade, які выконваў музыку ў стылі love-metal.

KAlt[правіць | правіць зыходнік]

Праз год пасля заснаваньня да праекта далучылася вакалістка JadFeel. Пры яе удзеле была запісана першае прома «Sip The Entity» (жнівень 2008), а таксама рэалізаваны першыя жывыя выступы праекта на буйнейшым на прасторах СНД штогадовым фестывалі цёмнай культуры «Чорна Рада: Дзеці ночы» ў Кіеве ды легендарным пецярбургскім клубе Арктыка. Але супрацоўніцтва з JadFeel было нядоўгім. На змену ёй прыйшла Alice з Гомеля — праект з таго часу стаў геаграфічна раскіданы. Першым вынікам гэтага супрацоўніцтва быў падвойны інтэрнэт-сінгл «Separated». На ім прысутнічае першая беларускамоўная песня гурта пад назвай «Distant Love».

Kaltherzig[правіць | правіць зыходнік]

2010 год пачаўся для праекта папаўненнем складу. Да праекта далучылася Nika Noname, дагэтуль ня меўшая ніякага дачынення да гатычнай субкультуры і спяваўшая ў асноўным у рознага кшталту R'n'B праектах. Гэта дадало гучанню праекта новых адценняў і дынамікі. Акурат пасля гэтага, у маі праект вымушаны змяніць назву. Падчас перамоваў з лэйблам высветлілася, што гурт з такой назвай ужо існуе ў Германіі. У выніку з KAlt гурт ператварыўся ў Kaltherzig. Улетку было абвешчана аб пачатку супрацоўніцтва з нямецкім лэйблам «Batleth' Records». На ім у красавіку 2011 быў выдадзены дэбютны поўнафарматны альбом «The First Cold», куды ўвайшлі перазапісаныя песні з ранняй творчасці праекта, а таксама некалькі невыдадзеных ды новых песень. У верасні таго ж года выйшаў інтэрнэт-рэліз пад назвай «Dead/Angels», дзе апроч арыгінальных кампазіцый было некалькі рэміксаў ад польскіх Lily Of The Valley і Controlled Collapse, шведскага Waves Under Water, а таксама літоўскага Mirrors Of Mind. Дадзены сінгл вылучыўся тым, што ў адрозненні ад мінулых, дзе аўтарам усяго матэрыяла з'яўляўся Аляксандр Круп, аўтарам тэксту песні «Angels» стала Nika Noname.

Пасля гэтага ў дзейнасці калектыва адбыўся пэўны перапынак, але які быў скончаны ў 2012 годзе[1]. У той жа час гурт пакінула Alice. У сакавіку 2014 года на нямецкім лэйбле «Cold Insanity Music» выдаецца альбом «Songs Made of Solitude and Pain», над каторым акрамя Аляксандра Крупа і вакалісткі Nika Noname (пакінула праект у працэсе запісу альбома) працавалі запрошаныя вакалісты Sven Rebentisch і Margret Aleshkevich[2]. У снежні 2014 года гурт выпускае апошні альбом пад назвай «Greatest Love Songs Vol. 777»[3]. У рэліз увайшлі перазапісаныя лепшыя кампазіцыі, а таксама новыя песні і два кавера на Depeche Mode і HIM. Пасля рэліза Аляксандр Круп абвясціў пра творчы перапынак праекта, але ўжо ў 2015 годзе, адначасова з прэзентацыяй кліпа на беларускамоўную песню «Distant Love», ён паведаміў аб канчатковым спыненні існавання калектыва[4].

Дыскаграфія[правіць | правіць зыходнік]

Альбомы[правіць | правіць зыходнік]

  • The First Cold (2011)
  • Songs Made of Solitude and Pain (2014)[2]
  • Greatest Love Songs Vol. 777 (2014)[3]

Сінглы, EP[правіць | правіць зыходнік]

  • Sip The Entity (2008, EP)
  • Separated (2009, падвойны інтэрнэт-сінгл)
  • Dead/Angels (2011, інтэрнэт-сінгл)[1]
  • Single (2013)[5]

Удзел у зборніках[1][правіць | правіць зыходнік]

  • Shadow Places: Selected tracks from the darker side (2010) — «Cross the Night»
  • Shadow Places 2: Halflights (2011) — «Angels»
  • An Inner Holiday — 2 (2011) — «Dead»

Рэміксы[правіць | правіць зыходнік]

  • Mirrors Of Mind — Dellamorte Dellamore — «Dellamorte Dellamore», EP
  • Lily Of The Valley — Recognize — «Recognize», сінгл
  • Riddle — Страсть — «Страсть», EP

Удзельнікі[правіць | правіць зыходнік]

  • Аляксандр Круп: спеў, музыка, словы, сэмплінг/праграмінг
  • Nika Noname: спеў, словы (2010-2014)
  • Alice: спеў (2009-2011)
  • JadFeel: спеў (2008)

Зноскі

Спасылкі[правіць | правіць зыходнік]