McDonald’s
McDonald's Corporation — амерыканская карпарацыя, да 2010 года найбуйнейшая ў свеце сетка рэстаранаў хуткага харчавання. Па выніках 2010 года кампанія займае 2-е месца па колькасці рэстаранаў ва ўсім свеце пасля рэстараннай сеткі Subway. Уваходзіць у спіс Fortune Global 500 2011 года (403-е месца). Штаб-кватэра кампаніі размешчана ў Оўк-Брук — прыгарадзе Чыкага, ЗША.
Гісторыя[правіць | правіць тэкст]
Кампанія заснавана ў 1940 годзе братамі Дзікам і Макам Макдоналдам (першы рэстаран адкрыўся ў Сан-Бернардзіна, штат Каліфорнія), у 1948 годзе ўпершыню ў свеце сфармулявала прынцыпы канцэпцыі «хуткага харчавання». У 1954 годзе Рэй Крок набыў у братоў Макдоналдаў права выступаць у якасці эксклюзіўнага агента па франчайзінгу. У 1955 годзе ён адкрыў свой першы McDonald's у мястэчку Дэс-Плейнз, штат Ілінойс (у цяперашні час — музей карпарацыі). У 1955 годзе Крокам была зарэгістравана кампанія McDonald's System, Inc (у 1960 годзе перайменаваная ў McDonald's Corporation). У 1961 годзе ўсе правы на кампанію былі цалкам выкупленыя Крокам.
Уласнікі і кіраўніцтва[правіць | правіць тэкст]
Амаль 100 % акцый кампаніі знаходзіцца ў вольным абароце. Капіталізацыя на сярэдзіну чэрвеня 2009 года — $ 64,2 млрд. Старшыня савета дырэктараў і галоўны кіраўнік кампаніі — Джэймс Скінар, прэзідэнт — Дон Томпсан.
