Музычны журналіст Сяргей Будкін з «Нашай Нівы» адзначае, што «Дзёня і Пашка пайшлі яшчэ далей за сваіх гуру – Сашу і Сірожу, давёўшы да поўнага абсурду спосаб мысленьня і асаблівасьці маўленьня паасобных прадстаўнікоў тутэйшага грамадства», аднак «немудрагелістыя рыфмоўкі „пацанаў“ запамінаюцца зь першага разу і назаўжды». Музычны крытык Дзмітрый Падбярэзскі з партала Experty.by мяркуе, што «музычны бок альбома дастаткова аднолькавы і, нягледзячы на тэкставы ажыўляж, усё ж аднастайны». Музычны журналіст Алег Клімаў з партала Experty.by негатыўна ацаніў альбом, яго гумар і нібыта іронію.