Tanki X

Tanki X
Распрацоўшчык	AlternativaPlatform[d]
Выдавец	AlternativaPlatform[d]
Дата анонсу	23 кастрычніка 2015
Дата выпуску	13 сакавіка 2018
Жанры	massively multiplayer online game[d] і танкавы сімулятар
Тэхнічныя даныя
Платформы	Windows і macOS
Гульнявы рухавік	Unity[d]
Рэжым гульні	шматкарыстальніцкая гульня
Мовы інтэрфейсу	англійская, руская і турэцкая мова
Носьбіт	лічбавае распаўсюджванне[d]
Кіраванне	камп’ютарная клавіятура і камп’ютарная мыш
Афіцыйны сайт

Tanki X — шматкарыстальніцкая аркадная анлайн-відэагульня ў жанры танкавага сімулятара. Была створана на рухавіку Unity кампаніяй AlternativaGames.

Гульня выкарыстоўвала бізнес-мадэль Free-to-play. Аднак гульцы маглі здзяйсняць мікратранзакцыі, каб набыць «X-Крышталі». Гэтыя «X-Крышталі» разблакавалі спецыяльныя касметычныя функцыі для танкаў, а таксама кантэйнеры з чарцяжамі, з дапамогай якіх можна было разблакаваць і палепшыць модулі. Адкрытае бэта-тэставанне пачалося 15 верасня 2016 года, а поўная гульня была выпушчана ў Steam 13 сакавіка 2018 года. У сувязі з нізкай актыўнасцю і эканамічнай неэфектыўнасцю праекта 3 верасня 2019 года было абвешчана аб закрыцці, а падтрымка гульні была спынена ў лютым 2020 года.

Геймплэй

Гульцы кіравалі ўласным танкам, створаным з мноства камбінацый вежаў і карпусоў, і спаборнічалі адзін з адным на розных мапах і ў гульнявых рэжымах. У Tanki X мела тры рэжымы гульні: Кожны сам за сабе, Каманды бой і Захоп сцяга. Гульцы маглі ствараць сваю ўласную камбінацыю танкаў з разнастайных вежаў і карпусоў — усе яны былі ўнікальныя па сваіх моцных і слабых месцах.

Гульнявая валюта і сістэма званняў

За кожны знішчаны танк або захоплены сцяг гульцы атрымлівалі пэўную колькасць XP (ачкоў рангавага досведу), і ачкі кантэйнера. Колькасць атрыманага досведу вызначалася рознымі фактарамі, уключаючы колькасць знішчаных супернікаў, кілстрык і колькасць досведу, заробленага за матч. Колькасць атрыманых XP гульцоў мела свой набор узнагарод. Гульцы атрымлівалі новыя званні на пэўных этапах XP, якія публічна паказвалі іх узровень майстэрства, самаадданасць і час, праведзены ў гульні.

Гульцы таксама маглі набыць «X-Крышталі». «X-Крышталі» былі прэміяльнай валютай, якую куплялі за рэальныя грошы, і з дапамогай якой адкрывалі спецыяльныя скіны, графіці, спецыяльныя расфарбоўкі для вежаў і колеры стрэлаў, фарбы для танкаў і кантэйнеры з чарцяжамі модуляў. «X-Крышталі» таксама можна зарабіць, выконваючы місіі і ўводзячы пэўныя прома-коды.

Рэйтынгавыя баі

Сістэма рэйтынгавых баёў уяўляла сабой рэйтынгавую лесвіцу, якая арганізоўвала гульцоў з дапамогай RP (ачкоў рэпутацыі), колькасць якіх павялічвалася або паменшалася напрыканцы кожнага бою. Гэтыя ачкі ставілі гульцоў у пэўную лігу ў залежнасці ад колькасці RP. Ад самага нізкага да вышэйшага было 5 ліг: Трэніроўка, Бронза, Срэбра, Золата і Майстры. Пасля ўваходу ў лігу ў першы раз гульня давала гульцам фарбу і 5 кантэйнераў для адпаведнай лігі. Кожныя 2 месяцы сістэма лігі ўступала ў новы сезон. У гэта перыяд гульня ўзнагароджвала гульцоў крышталямі, X-крышталямі і кантэйнерамі лігі, у залежнасці ад той лігі, у якой яны скончылі сезон. Гульня таксама зніжала RP кожнага гульца на пэўную колькасць, у залежнасці ад таго, дзе яны знаходзіліся.

Гл. таксама

• Tanki Online