YPbPr

Злучальны кабель

YP_bP_r — трохмерная колерная прастора, ужываная ў аналагавым кампанентным відэа для асобнай перадачы сігналаў яркасці і колеравасці. YP_bP_r — аналагавая версія YC_bC_r; YP_bP_r — суцэльная прастора і ўжываецца ў аналагавых сістэмах, у той час як YC_bC_r — дыскрэтная і прызначана для лічбавага відэа.

Як правіла, сігналы YP_bP_r перадаюцца трыма кааксіальнымі кабелямі, абсталяванымі раздымамі BNC альбо RCA. Набор раздымаў на перадатчыку ці прымальніку для далучэння гэтых кабеляў звычайна завуць «кампанентным раздымам», аднак гэта не зусім дакладна, бо існуюць і іншыя тыпы кампанентнага відэа (напрыклад, RGB).

Некаторыя відэакарткі маюць порты Video In Video Out (VIVO), што дазваляе здзейсніць злучэнне з іншымі прыладамі праз кампанентны відэавыхад / відэаўваход.

Тэхнічныя дэталі

YP_bP_r пераўтвораны з відэасігнала RGB. Ён спалучае ў сабе тры кампаненты:

• Y — перадае ўзроень яркасці (далей luma), а таксама сінхраімпульсы;
• P_b — передае розніцу паміж узроўнем сіняга і luma (B — Y);
• P_r — передае розніцу паміж узроўнем чырвонага і luma (R — Y).

Перадача ўзроўню зялёназа была б залішняй, бо ён можа быць вылічаны з агульнай яркасці і ўзроўняў сіняга і чырвонага. Формула разліку:

G = 1.704 × Y — 0.509 × R — 0.194 × B

Здавалася б, YP_bP_r не дае ніякіх пераваг у параўнанні з RGB — у абодвух фарматах перадаюцца тры сігналы. Аднак, варта памятаць, што YP_bP_r узнік дзякуючы каляроваму тэлебачанню, якое патрэбна было зрабіць сумяшчальным з чорна-белым (то бок каб на каляровым тэлевізары можна было прымаць чорна-белы сігнал, а на чорна-белым тэлевізары — каляровы, зразумела, без колеру). Для гэтага ў якасці аднаго з кампанентаў тэлевізійнага сігнала павінна абавязкова быць яркасць (Y), якая адлюстроўвае чорна-белую выяву. Колеравасць у фарматах NTSC, SECAM і PAL перадавалася асобна, на адмысловых колеравых паднясучых частотах. Акрамя таго, паколькі разрозненне чалавечага вока па колеру меней, чым па яркасці, колеравую выразнасць зрабілі ўдвая меньшай за яркасную, што дазволіла тэлевізійнаму сігналу займаць меньшую паласу.

Кабелі YP_bP_r фізічна не адрозніваюцца ад кабеляў для передачы кампазітнага відэа і могуць выкарыстоўвацца ўзаемназамяняльна. Гэта значыць, што тры кааксіальных кабеля з раздымамі RCA могуць ужывацца для передачы YP_bP_r.

Перавагі YP_bP_r

Стандарт YP_bP_r быў распрацаваны для зніжэння патрабаванняў да паласы прапускання сігнала з захаваннем якасці выявы.

S-Video і кампазітнае відэа змешваюць сігналы разам праз электроннае мультыплексаванне. Пры гэтым, у большасці выпадкаў, якасць адноўленага сігнала пагаршаецца ў параўнанні з арыгіналам. Мультыплексаваныя сігналы змешваюцца адзін з адным і выклікаюць эфект размыцця колераў на мяжах аб’ектаў (Dot crawl). YP_bP_r дакладна падзяляе сігналы, таму мультыплексаванне не ўжываецца, а дэкадаваная выява адпавядае кадаванай (за выключэннем стратаў пры перадачы сігналу).

Гл. таксама

• Раздымы аналагавых сігналаў:
  • Кампанентны раздым (YPbPr-раздым)
  • S-Video
  • VGA
• Раздымы аналага-лічбавых сігналаў:
  • SCART
  • DVI
• Раздымы лічбавых сігналаў:
  • HDMI
  • DisplayPort
• Тэхналогіі перадачы сігнала
  • Токавая пятля
  • TMDS
  • LVDS
  • BLVDS
  • MLVDS