ZnaROCK
ZnaROCK | |
---|---|
Жанр |
гумарыстычны рок ска-панк акустыка |
Гады | 2006 — дагэтуль |
Краіна | Беларусь |
Горад | Мінск |
Мова песень | беларуская |
Склад | Іван Анішчанка, Ян Вараб’ёў, Яўген Сокалаў, Зміцер Цітоў |
vk.com/znarock |
«ZnaROCK» (бел.: Знарок) — беларускі гумарыстычны рок-гурт.[1]
Гісторыя[правіць | правіць зыходнік]
Ідэя стварыць электрычны гурт з’явілася, калі Ян Вараб’ёў, Іван Анішчанка і Яўген Сокалаў разам навучаліся ў Ліцэі БДУ, а потым – на фізічным факультэце БДУ. Час ажыццявіць задуму прыйшоў на пачатку 2006 года, тады і адбыліся першыя рэпетыцыі. Яшчэ раней Яўген Сокалаў і Ян Вераб’ёў сябравалі ў школе і ў 2004 годзе пачыналі граць разам[2].
Пасля таго як змянілася некалькі бубначоў, у ліпені 2006-га ў гурт прыходзіць навучэнец БНТУ бубнач Зміцер Цітоў. Ужо ў жніўні пачалі рэпетаваць новым складам. Так склалася кампанія маладых, вясёлых і крэатыўных сяброў.
Першы канцэрт адбыўся на «Halloween», пасля якога адбылася знакавая падзея для гурта ZnaROCK: напісалася новая песьня – «Піраты Менскага мора». Менавіта яна вызначыла стыль і ідэю будучага альбому.
Увесну 2007-га пачалі часцей выступаць на канцэртах, апошні з якіх адбыўся ў межах рок-фэсту БДУ пад канец красавіка.
У 2011 песня «Я эма, мама» трапіла ў лік галоўных гітоў сезона і выйшла на складанцы «Прэм’ер Тузін».
Гурт пачаў з лёгкай акустычнай музыкі, канчаткова жанрава спыніліся ў межах ска-панку. У тэкстах песень адлюстроўваюць кансумарызм сучаснага грамадства.
Склад[правіць | правіць зыходнік]
- Іван Анішчанка – бас-гітара
- Ян Вараб’ёў – спевы, рытм-гітара
- Яўген Сокалаў – сола-гітара
- Зміцер Цітоў – бубны
Дыскаграфія[правіць | правіць зыходнік]
Самотнікі[правіць | правіць зыходнік]
- «Хачу Tattoo!» (2015)[3]
Відэакліпы[правіць | правіць зыходнік]
- «Я эма, мама» (вытворчасць «TOtamTO Media & TV» Паўла Квасьнеўскага, рэж. Сяргей Пабягайла) — 2011
Зноскі
- ↑ Oksana Romanets (April 2, 2015). ZnaROCK feat. Сяргей Башлыкевіч - Тры чарапахi (N.R.M. cover). Belarus: YouTube.
- ↑ Вячеслав Радионов. ZnaROCK: «Беларуская мара — 500 усім даляраў» // Ultra-music.com. — 26.02.2013.
- ↑ ZNAROCK ПРЭЗЭНТАВАЎ САМОТНІК «ХАЧУ TATTOO!»: «ГЭТА ПАДАРУНАК НАШЫМ ХЭЙТЭРАМ» (ПРЭМ’ЕРА!) // Тузін Гітоў. — 28.05.2015.
Спасылкі[правіць | правіць зыходнік]
- Афіцыйная старонка ZnaROCK у сацыяльнай сетцы «ВКонтакте»
- «ZnaROCK» на сайце «Тузін Гітоў»
- ZnaROCK ў сацыяльнай сетцы «Facebook»
- ZnaROCK — Generation.by