Ізатопы радону

Ізатопы радону — разнавіднасці атамаў (і ядраў) хімічнага элемента радону з атамным нумарам 86, якія маюць розную колькасць нейтронаў у ядры.

Усе ізатопы радону радыеактыўныя. Найбольш стабільны — ізатоп ²²²Rn, які з’яўляецца даччыным прадуктам распаду ізатопа радыю ²²⁶Ra. Ізатоп ²²²Rn перажывае α-распад з перыядам паўраспаду 3,823 дня.

У хіміі ізатопы радону часта называюць эманацыямі.

Гістарычныя назвы ізатопаў радону

Актынон (An), эманацыя актынію — ²¹⁹Rn.
Тарон (Tn), эманацыя торыю (ThEm) — ²²⁰Rn.
Радон (Rn), эманацыя радыю — ²²²Rn (назва супадае з назвай элемента).

Табліца ізатопаў радону

Вядома 39 ізатопаў радону з вагавымі лікамі ад 193 да 231 і перыядамі паўраспаду ад 0,3 нс да 3,8 сут. Чатыры ізатопы радону сустракаюцца ў прыродзе, уваходзячы ў прыродныя радыеактыўныя шэрагі: ²²²Rn і ²¹⁸Rn ўваходзяць у шэраг ²³⁸U, ²²⁰Rn - у шэраг ²³²Th, ²¹⁹Rn - у шэраг ²³⁵U. Гэтыя прыродныя ізатопы з’яўляюцца даччынымі прадуктамі α-распаду ізатопаў радыю (за выключэннем ²¹⁸Rn, які ўзнікае ў рэдкай бакавой галіне рада пры β-распадзе ²¹⁸At) і самі ў сваю чаргу падпадаюць пад α-распад, утвараючы ізатопы палонію.

Лёгкія ізатопы радону (²⁰⁸Rn — ²¹²Rn) сінтэзуюцца ў рэакцыях глыбокага расшчаплення ядраў урану або торыю часціцамі (у асноўным пратонамі) высокай энергіі або па рэакцыях тыпу ¹⁹⁷Au(¹⁴N,хn), дзе х — лік нейтронаў (звычайна большы за тры).

Гл. таксама

Эманацыя (фізіка)