Патрык Зюскінд

Патрык Зюскінд (ням.: Patrick Süskind, нарадзіўся 26 сакавіка 1949 у Амбаху) — нямецкі пісьменнік і кінасцэнарыст.

Нарадзіўся ў 1949 у сям'і пісьменніка Вільгельма Эмануэля Зюскінда. Атрымаў музычную адукацыю, вывучаў гісторыю ў Мюнхенскім універсітэце. Пазней вучыўся ў Экс-ан-Правансе (Францыя). Змяніў шмат прафесій — працаваў у патэнтным аддзеле фірмы Siemens, тапёрам у танцавальнай зале, трэнерам па настольным тэнісе.

Поспех прыйшоў пасля выхада яго першага твора, аднаактавага маналога «Кантрабас». У 1985 выйшаў раман «Парфумер», які зрабіўся самым знакамітым творам аўтара.