Саксонія (правінцыя)

Саксонія
Герб Сцяг
Краіна	каралеўства Прусія  Германская імперыя  Веймарская рэспубліка
Уваходзіць у	каралеўства Прусія (1815—1918) Вольная дзяржава Прусія (1918—1947)
Адміністрацыйны цэнтр	Магдэбург
Дата ўтварэння	30 красавіка 1815
Дата скасавання	1 ліпеня 1944 і 1946
Насельніцтва	3 618 458 чал. (1939)
Плошча	25 529 км² (1939)
Медыяфайлы на Вікісховішчы

Саксонія (ням.: Provinz Sachsen) — пруская правінцыя ў цэнтральнай частцы Германіі. Была ўтворана ў 1815 годзе ў як герцагства. Займала тэрыторыю ў 25.529 кв.км з насельніцтвам — 3.618.700 чалавек (1939). Галоўны горад — Магдэбург (336.600 жыхароў).

Раён з развітай сельскай гаспадаркай, які вылучаўся ў Германіі вытворчасцю цукровага бурака і пшаніцы. Шырока развітая бурачнацукровая прамысловасць давала да Другой сусветнай вайны каля 1/3 выпрацоўкі цукру ў Германіі. Развіты таксама свінагадоўля і малочная гаспадарка. Багатыя радовішчы бурых вугляў, калійных соляў (Стасфурт) і каменнай солі, на базе якіх узнікла шырокая горназдабыўная і разнастайная апрацоўчая прамысловасць. Асабліва вылучаецца хімічная вытворчасць у раёне Мерзебурга, Леўна, Магдэбурга, Стасфурта, Хале (Гале), пераўтворанага германскім фашызмам у найбуйнейшую базу ваенна-хімічнай індустрыі. У перыяд другой сусветнай вайны толькі на заводах Лоўна было занята да 100 тыс. рабочых. У маі — чэрвені 1943 гэтыя гарады падвергліся разбурэнню ўзмоцненай бамбардзіроўкай англа-амерыканскай авіяцыі.

Гісторыя

Саксонія ахапіла тэрыторыю гарадоў Магдэбург, Гальберштат, Мюльгаўзен, Нордгаўзен і Эрфурт і частку саксонскай тэрыторыі, якая пасля паражэння Напалеона (Саксонія была яго саюзнікам) перайшла да Прусіі. Іншыя былыя саксонскія тэрыторыі былі ўключаны ў правінцыі Сілезія і Брандэнбург. Правінцыя Саксонія была адным з самых багатых рэгіёнаў Прусіі з высокаразвітай сельскай гаспадаркай і прамысловасцю. Яна існавала да ліквідацыі Прусіі пасля Другой сусветнай вайны. На тэрыторыі правінцыі і зямлі Анхальт у 1946 годзе была створана федэральная зямля Германіі Саксонія-Анхальт.

Спасылкі

• На Вікісховішчы ёсць медыяфайлы па тэме Саксонія (правінцыя)