Адрыян Картон дэ Віярт

Адрыян Картон дэ Віярт
Adrian Carton de Wiart
Партрэт пэндзля Уільяма Орпена, 1919 год.
Мянушка	«Шчаслівы Адысей»
Дата нараджэння	5 мая 1880(1880-05-05)
Месца нараджэння	Брусель, Бельгія
Дата смерці	5 чэрвеня 1963(1963-06-05) (83 гады)
Месца смерці	графства Корк, Манстэр, Ірландыя
Бацька	Léon Carton de Wiart[d]
Альма-матар	Бэйліял-каледж
Грамадзянства	Вялікабрытанія
Прыналежнасць	Вялікабрытанія
Род войскаў	Брытанская армія
Гады службы	1899—1923 1939—1947
Званне	Лейтэнант-генерал
Камандаваў	134-я (2/1-я Гэмпшырская) брыгада 61-я пяхотная дывізія
Бітвы/войны	Англа-бурская вайна Першая сусветная вайна Савецка-польская вайна Польска-ўкраінская вайна Польска-літоўская вайна Другая сусветная вайна
Узнагароды і званні	Вялікабрытанія: Крыж Вікторыі Кавалер ордэна Брытанскай імперыі, ваенны Кавалер шаноўнейшага ордэна Лазні Кавалер ордэна «За выдатныя заслугі» Польшча: Virtuti Militari (ступень невядомая) Бельгія:
Сувязі	Анры Картон дэ Віярт (брат)
У адстаўцы	з 1924 па 1939; з 1947
Медыяфайлы на Вікісховішчы

Сэр Адрыян Картон дэ Віярт (5 мая 1880, Брусель — 5 чэрвеня 1963) — брытанскі ваенны, генерал-лейтэнант, арыстакрат з багатай знатнай сям’і ірландска-бельгійскага паходжання.

Біяграфія

Удзельнічаў у ваенных аперацыях, што праводзіліся брытанцамі ў 1898 годзе ў Самалі, дзе страціў вока, і ў Паўднёвай Афрыцы, дзе быў паранены ў лёгкае.

Прымаў удзел у бітвах Першай сусветнай вайны: на Соме (раненні ў галаву і ногі), у Пашэндэйле (раненне ў сцягно), Камбрэ (паранены ў нагу) і на Іпры, дзе страціў руку. У лютым 1919 года ўваходзіў у склад місіі саюзнікаў ва Усходняй Галіцыі, і неўзабаве стаў кіраўніком брытанскай ваеннай місіі ў Варшаве, дзе служыў падчас польска-бальшавіцкай вайны. Быў сувязным звяном паміж брытанскім ваенным міністэрствам і польскім кіраўніцтвам. Дапамагаў перавозцы зброі з Венгрыі ў Польшчу. Беспаспяхова спрабаваў пераканаць брытанскіх ваенных у неабходнасці дапамогі польскаму боку. Высока цаніў моц Чырвонай Арміі. Пасля вайны заставаўся ў Польшчы да 1924 года кіраўніком ваеннай місіі.

Пасля жыў у міжваеннай Польшчы на Палессі на рацэ Льве ў маёнтку Прастынь (цяпер в. Старына Столінскага р-на, Брэсцкая вобл.), які яму падарыў Караль Радзівіл. Быў рэзідэнтам брытанскай разведкі ў Польшчы.

Улетку 1939 года прызваны на дзейсную службу кіраўніком ваеннай місіі ў Польшчы. Па пачатку вайны з’ехаў у Румынію. Адтуль каб пазбегнуць інтэрнавання з’ехаў з фальшывым пашпартам. Прымаў удзел у ваенных кампаніях Другой сусветнай, у тым ліку ў Нарвегіі. У пустыннай кампаніі, быў узяты ў палон італьянцамі, адкуль збег. Пазней быў прадстаўніком Чэрчыля з генералісімусам Чан Кайшы.

Спасылкі

• На Вікісховішчы ёсць медыяфайлы па тэме Адрыян Картон дэ Віярт