Арцём Чыркоў
| Арцём Чыркоў | |
|---|---|
| Дата нараджэння | 6 чэрвеня 2001 (23 гады) |
| Месца нараджэння | Гомель, Беларусь |
| Краіна |
 Беларусь |
| Месца працы | Першая прадзюсерская кампанія |
| Музычная дзейнасць | |
| Прафесія | спявак |
| Гады актыўнасці | з 2021 |
Арцём Чыркоў (нар. 6 чэрвеня 2001, Гомель, Беларусь) — беларускі спявак, фіналіст першага сезона праекта X Factor Belarus.
Біяграфія
[правіць | правіць зыходнік]Нарадзіўся 6 чэрвеня 2001 года ў Гомелі. 6 лістапада 2021 года з’явіўся ў 8 выпуску праекта X Factor Belarus, дзе выканаў песню гурта Віягра — «У меня появился другой». Арцём атрымаў чатыры «так» ад настаўнікаў праекта і прайшоў у наступны этап — трэніровачны лагер[1].
13 і 14 лістапада 2021 года ў эфір выйшлі выпускі трэніровачнага лагера з удзелам Арцёма. На першым этапе трэніровачнага лагера выканаў песню Артура Піражкова — «Алкоголичка». Паспяхова прайшоўшы далей, у наступным этапе трэніровачнага лагера выканаў песню Zivert — «Life» і змог прайсці ў паўфінал праекта. У паўфінале праекта на этапе «крэсла» Арцём выканаў песню Макса Барскіх — «Туманы». Пасля стала вядома, што Арцём прайшоў у фінал X Factor Belarus і яго настаўнікам у прамых эфірах стане Сярога[2].
21 лістапада 2021 года адбыўся першы прамы эфір праекта X Factor Belarus. Тэмай эфіру былі абраныя «радыёхіты». Арцём выканаў песню Лабады — «Superstar». Па выніках глядацкага смс галасавання Арцём патрапіў у намінацыю на вылет. У якасці выратавальнай песні Арцём выканаў песню Дзімы Білана — «Невозможное возможно». Згодна з рашэннем настаўнікаў, Арцём Чыркоў пакінуў праект пасля першага прамога эфіру[3].
Пасля праекта заключыў кантракт з Першай прадзюсарскай кампаніяй.
29 красавіка 2022 года быў выпушчаны дэбютны сінгл Арцёма Чыркова пад назвай «Мы с тобою на диско»[4]. Песня трапіла ў ратацыю найбуйнейшых радыёстанцый Беларусі, а таксама гучыць у ТБ-эфірах.
17 ліпеня 2022 года прыняў удзел у канцэрце майстроў мастацтваў Беларусі «Натхненне Жыцця» на Славянскім Базары ў Віцебску. Канцэрт трансліраваўся ў прамым эфіры тэлеканала Беларусь 1[5].
Увосень 2022 году. прыняў удзел у праекце «Залятай у трэнды», дзе выканаў сваю песню «Мы с тобою на диско», але не змог пераадолець першы этап[6].
У той жа перыяд з’явіўся ў трэцім выпуску другога сезона праекту Factor BY падчас выступу аднаго з удзельнікаў кастынгу, дзе выступіў сам, а затым часова стаў адным з настаўнікаў і прыняў удзел у абмеркаванні ўдзельніка[7].
У 2023 годзе з песняй «Мы с тобою на диско» неаднаразова станавіўся пераможцам хіт-парада на першым нацыянальным канале Беларускага радыё[8].
У студзені 2024 года. з'явіўся ў адным з выпускаў праекта «Вы поете великолепно», дзе выступіў у якасці ўдзельніка, выканаўшы песню Дзімы Білана — «Невозможное возможно»[9].
Вядзе актыўную творчую дзейнасць, гастралюючы ў рамках шоў-тура фіналістаў першага сезона праекту X Factor Belarus[10][11].
Зноскі
[правіць | правіць зыходнік]- ↑ Артем Чирков - У меня появился другой. Х-Фактор Беларусь. Кастинг. Выпуск 8.
- ↑ Артём Чирков - Туманы (Макс Барских). Х-Фактор Беларусь. Стулья. Выпуск 11.
- ↑ X-Factor Belarus покинули Виталий Дроб и Артем Чирков.
- ↑ Мы с тобою на диско.
- ↑ Артем Чирков - Мы с тобою на диско (Славянский базар).
- ↑ Артем Чирков - Мы с тобою на диско (Залетай в тренды. Кастинг).
- ↑ Никита хотел восстановить справедливость и вызвал на батл Артема Чиркова, что из этого получилось – смотрите в видео..
- ↑ ПРЕМЬЕРА || НАШ ХИТ-ПАРАД || Новогодняя версия!.
- ↑ Вы поёте великолепно, 9 выпуск.
- ↑ ЖИЗНЬ ПОСЛЕ ПРОЕКТА: ФИНАЛИСТЫ «X-FACTOR. БЕЛАРУСЬ» ВЫСТУПИЛИ В МОГИЛЕВЕ // mogilove.by.
- ↑ Шоу «Х-фактор. Беларусь» состоялось в Лидском замке // lidanews.by.