Арыядна Хіль

Арыядна Хіль
катал.: Ariadna Gil Giner
Дата нараджэння	23 студзеня 1969(1969-01-23) (55 гадоў)
Месца нараджэння	Барселона, правінцыя Барселона, Каталонія, Іспанія
Грамадзянства	Іспанія
Бацька	Аўгуст Хіль Матамала[d]
Муж	Давід Труэба[d]
Дзеці	Віялета Труэба-і-Хіль[d]
Прафесія	кінаактрыса, акцёрка
Узнагароды	прэмія «Гоя» за найлепшую жаночую ролю[d] (1993) прэмія «Бутака» найлепшай каталонскай кінаактрысе[d] (1996)
IMDb	ID 0317725
Медыяфайлы на Вікісховішчы

Арыядна Хіль і Хінер (катал.: Ariadna Gil i Giner; нар. 23 студзеня 1969, Барселона) — іспанская актрыса. Уладальніца прэміі «Гоя» ў намінацыі Найлепшая жаночая роля за фільм «Прыгожая эпоха» (1992). Акрамя таго яшчэ пяць разоў была намініравана на гэтую кінаўзнагароду (чатыры разы ў намінацыі Найлепшая жаночая роля, адзін раз у намінацыі Найлепшая жаночая роля другога плана).

Біяграфія

Хіль — дачка вядомага адваката, у дзяцінстве займалася спевамі, танцамі і ігрой на скрыпцы, разам з двума братамі спявала ў гурце пад назвай «Matamala». Працавала ў тэатры і на каталонскім тэлебачанні, пакуль яе не заўважыў вядомы рэжысёр Бігас Луна, які запрасіў Арыядну для здымак у сваім фільме «Лола» (1986).

Сусветная вядомасць да Хіль прыйшла пасля фільма «Прыгожая эпоха» рэжысёра Фернанда Труэбы, які атрымаў «Оскар» за Найлепшы фільм на замежнай мове, а Арыядна атрымала нацыянальную кінапрэмію Іспаніі «Гоя» за Найлепшую жаночую ролю. З гэтага часу Хіль з’яўляецца адной з найбольш запатрабаваных актрыс іспанскага кінематографа, здольнай іграць самыя складаныя ролі. Актрыса яшчэ пяць разоў была намініравана на прэмію «Гоя».

З 1993 па 2008 год Хіль была замужам за рэжысёрам Давідам Труэбам. У іх ёсць двое дзяцей — дачка Віялета і сын Леа. З 2009 года Хіль знаходзіцца ў адносінах з акцёрам Віга Мортэнсенам.

Выбраная фільмаграфія

• «Лола» (1986)
• «Прыгожая эпоха» (1992)
• «Лабірынт фаўна» (2006)

Спасылкі

• Арыядна Хіль на сайце «Internet Movie Database»