Аўтамабільная прамысловасць Сербіі
Аўтамабільная прамысловасць Сербіі з'яўляецца адным з найважнейшых сектараў прамысловасці краіны, прадукцыя якой складае 15 % ад усёй прамысловай прадукцыі Сербіі і 18 % ад усяго экспарту па стане на 2013 год.[1]
Гісторыя
[правіць | правіць зыходнік]Сербская аўтамабільная прамысловасць існуе ўжо на працягу больш за 70 гадоў, узыходзячы да часоў Югаславіі, калі ў горадзе Крагуевац у 1939 годзе была заснавана прамысловая кампанія Застава, якая вырабляла розныя мадэлі аўтамабіляў па ліцэнзіі Fiat.
Застава выпускала прадукцыю ў адпаведнасці з высокімі вытворчымі стандартамі, што дазволіла ёй канкураваць з іншымі заходнімі вытворцамі аўтамабіляў, такіх як Mercedes-Benz, Ford, PSA Peugeot Citroën, Renault і Opel.
Сёння аўтамабільная прамысловасць з'яўляецца адной з самых развітых вытворчых галін у Сербіі, на якую прыпадае амаль 10 % усяго аб'ёму ПЗІ ў Сербіі з 2000 года. 27 міжнародных інвестараў ўклалі амаль 1,5 млрд еўра ў гэты сектар, тым самым стварыўшы больш за 19 000 працоўных месцаў. Сербскі аўтапрам пастаўляе прадукцыю практычна ўсіх асноўным еўрапейскім і таксама некаторых азіяцкім вытворцам аўтамабіляў.[2]
Асноўнай прадукцыяй сербскага аўтапрама з'яўляюцца запчасткі для хадавых частак аўтамабіляў, асабліва шыны і дэталі падвескі. Іншымі найважнейшымі прадуктамі з'яўляюцца элементы электраправодкі і аўтамабільныя акумулятары. Таксама ў вытворчасці знаходзяцца розныя дэталі рухавікоў, пераважна адліваныя, разам з каванымі дэталямі накшталт размеркавальных валаў, тармазных дыскаў, клапанаў і махавікоў.
Вытворцы
[правіць | правіць зыходнік]Fiat Automobili Srbija
[правіць | правіць зыходнік]
У 2008 годзе кампанія FIAT набыла кантрольны пакет акцый Zastava Automobili і інвеставала больш за $1 млрд у аўтазавод у перыяд з 2008 па 2012 год, які цяпер выпускае 200 000 аўтамабіляў у год. У выніку гэтага назва «Zastava» цяпер не выкарыстоўваецца ў назве прадукцыі, і канвеер у Крагуевац цяпер вырабляе аўтамабілі FIAT (Fiat 500L).[3][4]
Акрамя асноўнага завода, які цяпер выпускае мадэлі FIAT, у Zastava group таксама ўваходзяць Zastava specijalni automobili і Zastava Kamioni.
BIK
[правіць | правіць зыходнік]BIK (Bus industries Kragujevac), у супрацоўніцтве з беларускім вытворцам грузавых аўтамабіляў і аўтобусаў МАЗ, пачаў вытворчасць аўтобусаў мадэлі BIK-203 у канцы 2000-х.[5][6] Гэтыя аўтобусы былі набытыя адміністрацыямі некалькіх сербскіх гарадоў і цяпер выкарыстоўваюцца ў якасці грамадскага транспарту.
FAP
[правіць | правіць зыходнік]
У 1952 годзе была заснавана Fabrika automobila Priboj (FAP). Год праз пачаўся выпуск грузавікоў на аснове ліцэнзіі ад аўтамабільнай кампаніі Saurer. У 1970 годзе FAP падпісала кантракт аб вытворчым, тэхнічным і фінансавым супрацоўніцтве з Daimler-Benz. У 1978 ФАП пачала сваё супрацоўніцтва з Ваенна-тэхнічным інстытутам у Бялградзе і пачала распрацоўку і вытворчасць ваеннай тэхнікі. У цяперашні час ФАП вырабляе ваенныя машыны, грузавікі, трактары і аўтобусы.
Ikarbus
[правіць | правіць зыходнік]
Ікарбус таксама з'яўляецца адным з сербскіх вытворцаў аўтобусаў. Кампанія ўпершыню была заснавана ў 1923 годзе і займалася вытворчасцю самалётаў. Пасля Другой сусветнай вайны кампанія была нацыяналізаваная і два іншых сербскіх авіавытворцы, Рогожарски і Змај, былі аб'яднаны ў Ікарус. Аднак падчас 1950-х гадоў большасць работнікаў і асноўная частка абсталявання авіяцыйнага завода была перамешчаная ў СOКО, і з тых часоў Ікарус цалкам засяродзіўся на вытворчасці аўтобусаў, спачатку па ліцэнзіі ад Saurer і MAN, а пазней перайшоўшы да распрацоўкі ўласных канструкцый. У 1992 годзе прадпрыемства было прыватызавана, але з-за спрэчкі з венгерскім вытворцам аўтобусаў Ikarus, яно змянілі назву на Ikarbus.
Neobus
[правіць | правіць зыходнік]Neobus быў яшчэ адным заводам па вытворчасці аўтобусаў. Заснаваны ў Нові-Садзе ў 1952 годзе пад назвай Autokaroserija. Цесна супрацоўнічаў са славенскім заводам Tovarna vozil Maribor. У 1992 годзе, пасля набыцця Славеніяй незалежнасці, супрацоўніцтва скончылася. Autokaroserija стала незалежным вытворцам аўтобусаў і змяніла сваю назву на Neobus. У 2012 годзе Neobus абвясціў банкруцтва.
IMT
[правіць | правіць зыходнік]IMT займаецца вытворчасцю трактароў і іншай сельскагаспадарчай тэхнікі з 1950 года.
Зноскі
- ↑ http://www.b92.net/biz/vesti/srbija.php?yyyy=2013&mm=10&dd=04&nav_id=761347
- ↑ Aerospace and Defense | RAS(недаступная спасылка). Архівавана з першакрыніцы 31 снежня 2015. Праверана 27 сакавіка 2017.
- ↑ Fiat Investing $1b into Zastava(недаступная спасылка). Macedoniaonline.eu. Архівавана з першакрыніцы 23 красавіка 2012. Праверана 29 лістапада 2008.
- ↑ http://www.b92.net/info/vesti/index.php?yyyy=2010&mm=09&dd=11&nav_id=458131
- ↑ Gas-powered bus from Kragujevac at ekapija.rs, 20-4-2009
- ↑ MAZ-BIK 203 at Vulović Transport official website