Ганна Гродская

Ганна Гродская
Anna Grodzka
Дэпутат Сойму Рэспублікі Польшча 7 сходу з 8 лістапада 2011
Намесніца старшыні Камісіі грамадскага дыялогу па справах роўных адносінаў пры Прэзідэнце Сталічнага горада Варшава ? — канец 2011
Нараджэнне	16 сакавіка 1954(1954-03-16) (70 гадоў) Атвоцк, Атвоцкі павет, Мазавецкае ваяводства, Польшча
Імя пры нараджэнні	польск.: Krzysztof Bogdan Bęgowski
Дзеці	сын
Веравызнанне	атэізм
Партыя	Рух Палікота (2014) ПАРП (1990) Партыя зялёных[d] (2016) Polska Partia Socjalistyczna[d] Сацыял-дэмакратычная партыя Рэспублікі Польшча[d] (1999) Саюз дэмакратычных левых сіл (2011)
Адукацыя	факультэт псіхалогіі Варшаўскага ўніверсітэта[d]
Дзейнасць	грамадскі актывіст[d]
Сайт	annagrodzka.pl (польск.)
Медыяфайлы на Вікісховішчы

Ганна Гродская дае інтэрв’ю ў Сойме

Анджэй Разэнэк, Ганна Гродская і Роберт Бядронь на акцыі падтрымкі для гомасексуальных дзяцей у Расіі.

Ганна Гродская (польск.: Anna Grodzka; нар. 16 сакавіка 1954, Атвоцк) — польская грамадская дзячка, прадпрымальніца і палітык, адна з заснавальніц Фонду Транс-Фузія, дэпутат Сейму Рэспублікі Польшча 7-га склікання.

Біяграфія

Асабістае жыццё

Ганна Гродская — транссексуал, ад нараджэння яе пол быў мужчынскі, яна звалася Кшыштафам Богданам Бэнгоўскім. У 2007 годзе яна даведалася, што яе ўсынавілі Юзаф і Казіміра. Судова вырашаць пытанне палавой прыналежнасці і фізічна змяніць пол яна вырашыла толькі пасля таго, як яе сын ад ранейшага шлюбу з жанчынай (скончанага разводам) быў ужо дарослы. Аперацыю па змене полу яна зрабіла ў клініцы ў Бангкоку. Працэсу змены полу (фармальна завершанаму ў 2010 годзе) быў прысвечаны дакументальны фільм «Транс-акцыя», зняты ў 2010 годзе тэлевізійнай кампаніяй HBO.

Прафесійная і палітычная дзейнасць

Ганна Гродская скончыла навучанне па спецыяльнасці клінічная псіхалогія ў Варшаўскім універсітэце. У перыяд ПНР яна была членам Асацыяцыі Польскіх Студэнтаў (АПС) і Польскай аб’яднанай партыі рабочых (між іншым у партыйнай арганізацыі ва ўніверсітэце). Працавала палітычным інструктарам у АПС. У 1986 стала дырэктарам прадпрыемства Alma Press. Потым яна займалася ўласным бізнесам, шмат гадоў працавала ў выдавецкай, рэкламнай і паліграфічнай галінах. Займалася вытворчасцю фільмаў для Польскага тэлебачання. У 2003—2006 гадах была членам дырэкцыі «Радыё для цябе». Дзейнічала ў партыі Сацыял-дэмакратыя Рэспублікі Польшча, а пазней, да верасня 2011 года, уваходзіла ў склад Саюза дэмакратычных левых у Варшаве. Уваходзіла таксама ў склад Таварыства «Ардынацкая». У 2008 годзе яна ўдзельнічала ў стварэнні Фонду Транс-Фузія. Гэтая арганізацыя, у якой яна з лістапада 2011 года выконвала абавязкі старшыні, мае на мэце распаўсюджванне ведаў наконт трансгендэрызму, а таксама дзейнасць, накіраваную на падтрымку транссексуалаў і трансвестытаў. Да канца 2011 года Анна Гродская была таксама намесніцай старшыні Камісіі грамадскага дыялогу па справах роўных адносін пры Прэзідэнце Сталічнага горада Варшава.

У 2011 годзе Ганна Гродская была кандыдаткай на выбарах у Сейм. На выбарчым спісе Руху Палікота ў Кракаўскай акрузе заняла першае месца (у наступстве старту ад гэтай партыі была выдалена з СДЛ у верасні 2011). У галасаванні 9 кастрычніка атрымалася 19 451 галасоў і стала дэпутатам. Такім чынам стала першай у Польшчы і першай у Еўропе асобай, якая адкрыта кажа пра свой транссексуалізм, якая была абранай у дзяржаўны парламент. У Сейме 7-га склікання стала намесніцай старшыні дэпутацкага клуба Руху Палікота, а таксама намесніцай старшыні Камісіі культуры і сродкаў масавай інфармацыі, член парламенцкай Камісіі справядлівасці і правоў чалавека, а таксама намесніцай старшыні Парламенцкай групы жанчын. У лютым увайшла ў склад партыі Рух Палікота, пасля змены назвы ў кастрычніку 2013 — партыі Твой рух.