Гельветы

Гельветы — кельцкае племя на тэрыторыі Галіі, якія засялялі паўночна-заходнюю частку сучаснай Швейцарыі. Рымляне называлі яе Гельвецыя (лац. Helvetia).

Першыя пісьмовыя крыніцы аб гельветах адносяцца да II ст. да н. э. У 58 да н. э. гельветы былі разбітыя Цэзарам і спачатку сталі залежнымі ад Рыма федэратамі, а пазней былі цалкам падпарадкаваныя Рыму. Гэта прывяло да значнай раманізацыі гельветаў.

Назва гельветаў захавалася ў лацінскім варыянце назвы Швейцарскай канфедэрацыі (лац. Confoederatio Helvetica), таксама гэта назва сустракаецца ў абрэвіятуры швейцарскай валюты, у аўтамабільным кодзе Швейцарыі і ў назве швейцарскага інтэрнэт-дамена (CH). На паштовых марках Швейцарыі таксама выкарыстоўваецца назва Helvetia.

Літаратура

• Andres Furger-Gunti: Die Helvetier: Kulturgeschichte eines Keltenvolkes. Neue Zürcher Zeitung, Zürich 1984. ISBN 3-85823-071-5.
• Alexander Held: Die Helvetier. Verlag Neue Zürcher Zeitung, Zürich 1984.
• Felix Müller / Geneviève Lüscher: Die Kelten in der Schweiz. Theiss, Stuttgart 2004. ISBN 3-8062-1759-9.