Герб Саламонавых Астравоў
| Герб Саламонавых Астравоў | |
|---|---|
 |
|
| Дэталі | |
| Суб’ект | Саламонавы Астравы |
| Зацверджаны | 7 ліпеня 1978 |
Шлем |
Шлем з серабрыста-сінім бурэлетам і наміткай |
Шчытатрымальнікі |
Кракадзіл і акула |
| Заснаванне | 7 ліпеня 1978 |
Дэвіз |
«Весці наперад значыць служыць» |
Герб Саламонавых Астравоў быў прыняты ў 1978 годзе пасля атрымання незалежнасці.
На залатым гербавым шчыце намаляваны зялёны андрэеўскі крыж, на якім, у сваю чаргу, дзве перакрыжаваныя серабрыстыя дзіды, чорныя стрэлы і традыцыйны карычневы шчыт. Справа і злева ад выявы шчыта знаходзяцца выявы карычневай чарапахі. У верхняй сіняй частцы шчыта размешчана выява арла паміж двума фрэгатамі (у натуральных колерах).
Краі гербавага шлема маюць серабрыста-сіні колер. Над шлемам — выява традыцыйнай лодкі, над якой — стылізаваная выява сонца. Шчытатрымальнікамі з'яўляюцца зялёны кракадзіл і акула.
Шчыт знаходзіцца на стылізаванай карычневай выяве фрэгата, пад якім размешчаны нацыянальны дэвіз Саламонавых Астравоў: «To Lead is To Serve» (у перакладзе з англійскай мовы «Весці наперад значыць служыць»).
Шматлікія сімвалы на шчыце ўвасабляюць чатыры акругі, якія існавалі падчас брытанскага пратэктарата. Арол — акруга Малаіта, узбраенне — Цэнтральная акруга, чарапахі — Заходняя акруга і фрэгаты — Усходняя акруга. Гэтыя чатыры сімвалы таксама знаходзіліся на каланіяльным гербе, у верхняй частцы якога таксама была размешчана выява льва. На іншым каланіяльным гербе знаходзіцца выява сярэбранай чарапахі; верхняя частка герба афарбавана ў чорны колер з васьмю сярэбранымі вастрыямі, якія сімвалізуюць восем галоўных астравоў былой калоніі.
Спасылкі
[правіць | правіць зыходнік]- Інфармацыя пра герб (англ.)