Джульета Мазіна

Джульета Мазіна
італ.: Giulietta Masina
Дата нараджэння	22 лютага 1921(1921-02-22)
Месца нараджэння	Сан-Джорджа-дзі-П'яна[d], Італія
Дата смерці	23 сакавіка 1994(1994-03-23) (73 гады)
Месца смерці	Рым, правінцыя Рым, Лацыа, Італія
Месца пахавання	Fellini tomb[d]
Грамадзянства	Каралеўства Італія  Італія
Муж	Федэрыка Феліні
Адукацыя	Рымскі ўніверсітэт Ла Сапіенца
Прафесія	тэатральная актрыса, кінаактрыса, акцёрка, сцэнарыст, television writer
Кірунак	неарэалізм[d] і auteur[d]
Узнагароды	вялікі афіцэр ордэна «За заслугі перад Італьянскай Рэспублікай»[d] (1990) прыз Канскага кінафестывалю за найлепшую жаночую ролю[d] (1957)
IMDb	ID 0556399
Медыяфайлы на Вікісховішчы

Джульета Мазіна (італ.: Giulietta Masina, 22 лютага 1921—23 сакавіка 1994) — італьянская актрыса, жонка кінарэжысёра Федэрыка Феліні, атрымала мянушку «Чаплін у спадніцы».

Біяграфія

Джулія Ганна Мазіна нарадзілася ў Сан-Джорджа-дзі-П’яна ў сям’і служачага і настаўніцы. Джулія была самай старэйшай з чатырох дзяцей. Ужо з ранніх гадоў яна праяўляла схільнасць да тэатра, танцаў і музыкі.

Пасля заканчэння пачатковай школы яе адправілі ў Рым да сваячкі, дзе яна трапіла ў гімназію сясцёр урсулінак. Джулія рыхтавалася стаць піяністкай, але паступіла ў Рымскі ўніверсітэт на філалагічны факультэт. Пасля яго заканчэння Мазіна атрымала дыплом выкладчыка сучаснай літаратуры.

Падчас вучобы Джулія грала ў студэнцкім тэатры. Пазней яна атрымала запрашэнне ў тэатр Каверын. Акрамя таго, каб палепшыць сваю дыкцыю і пазбавіцца ад паўночна-італьянскага акцэнту, Мазіна пачала працаваць на радыё. Там яна выступала ў радыёперадачах, сцэнарыі да якіх пісаў будучы вядомы італьянскі рэжысёр Федэрыка Феліні, падпісваў у той час свае працы як «Федэрыка». Ён працаваў карыкатурыстам ў адным з часопісаў. Федэрыка патэлефанаваў Джуліі і сказаў, што хоча зрабіць фільм па гэтай п’есе, і папрасіў яе аб сустрэчы. У кастрычніку 1943 года яны пажаніліся. Менавіта па яго просьбе яна змяніла сваё імя і стала Джульетай.

Яе дэбютнай працай у кіно стаў фільм Альберта Латуады «Без жалю» (1947 год), у якім яна згуляла ролю прастытуткі Марчэлы — шчырай, з добрай, даверлівай душой. За гэтую ролю яна атрымала «Срэбраную стужку».

Яна памерла ў Рыме 23 сакавіка 1994 г., праз паўгады пасля смерці мужа. Мазіна была пахавана ў Рыміні побач з мужам.

Фільмаграфія

• (1950) «Агні вар’етэ» — Меліна Амур
• (1952) «Белы шэйх» — Кабіры
• (1954) «Дарога» — Джэльсаміна
• (1955) «Махляры» — Ірыс
• (1957) «Ночы Кабірыі» — Кабірыя
• (1965) «Джульета і духі» — Джульета
• (1986) «Джынджэр і Фрэд» — Амелія Банэці («Джынджэр»)