Замак Страканіцы

Замак
Замак Страканіцы
Hrad Strakonice
Від на замак
49°15′30″ пн. ш. 13°54′06″ у. д.
Краіна	Чэхія
Горад	Страканіцы
Архітэктурны стыль	готыка, барока
Заснавальнік	Бавар I са Страканіцаў
Дата заснавання	1220
Будаўніцтва	1220—1280 гады
Статус	Нацыянальны помнік культуры ЧР № 196 NP
Медыяфайлы на Вікісховішчы

Замак Страканіцы (чэшск.: Strakonice) — гатычны замак XIII стагоддзя ў горадзе Страканіцы Паўднёвачэшскага края, адзін з найстарэйшых у Чэхіі. Замак размешчаны на ўзгорку ля зліцця рэк Отава і Волінька. На працягу працяглага часу замак служыў рэзідэнцыяй Вялікага прыёра Ордэна іаанітаў. У 1995 годзе абвешчаны нацыянальным помнікам культуры Чэшскай Рэспублікі.

Палац ва ўнутраным двары замка.

Від з поўдня: вежа Еленка і касцёл Святога Пракопа.

Замак быў заснаваны ў 1220 годзе звікаўскім бургграфам і крыжаком Баварам I з дваранскага роду Бавараў са Страканіцаў.

Замак будаваўся ў некалькі этапаў: пры Бавары I (пам. 1260) былі ўзведзены каменныя сцены, пракапаны глыбокі роў з паўднёвай і заходняй бакоў замка, збудавана заходняя частка касцёла з вежай, пабудаваны клуатр і палац з капітульнай залай. Бавар II са Страканіцаў у 1260—1280 гадах пабудаваў 35-мятровую вежу Румпаль і новы палац, а таксама пашырыў клуатр. Напачатку XIV стагоддзя Бавар III са Страканіцаў перабудаваў заходнія ўмацаванні замка і вежу Румпаль.

У 1243 годзе Бавар I ахвяраваў усходнюю палову замка рыцарам-іаанітам (гаспітальерам), якія заснавалі тут сваё комтурства. У 1402 годзе гаспітальеры выкупілі ўвесь замак, які ў 1421 годзе стаў рэзідэнцыяй Вялікага прыёра Ордэна гаспітальераў у Чэхіі.

Спасылкі

• Описание и история замка на www.hrady.czАрхівавана 24 верасня 2015.
• Hradní věž Rumpál на сайце музея Страканіцаў Архівавана 26 лютага 2014.