Курскі электраапаратны завод
| Курскі электраапаратны завод | |
|---|---|
 | |
| Заснаванне | 1945 |
| Размяшчэнне |
 Расія, г. Курск, вул. Луначарскага д.8 |
| Адрас | |
| Галіна | электратэхніка |
| Прадукцыя | нізкавольтная электрычная тэхніка |
| Колькасць супрацоўнікаў | больш 1500 |
| Сайт | keaz.ru |
Курскі электраапаратны завод (КЭАЗ) — адзін з найбуйнейшых[1] расійскіх вытворцаў электратэхнічных вырабаў.
Прадпрыемства з’яўляецца пастаўшчыком гатовых рашэнняў ў галіне кіравання электраэнергіяй, абароны ад негатыўнага ўздзеяння электрычнага току, вымярэння і ўліку актыўнасці энергіі для многіх іншых буйных кампаній, будаўніча-мантажных арганізацый, атамных электрастанцый, метрапалітэнаў.
Курскі электрааппаратный завод выпускае нізкавольтнае абсталяванне пад трыма гандлёвымі маркамі: «KEAZ Optima», «КЭАЗ» і «KEAZ-Ferraz».
Гісторыя
[правіць | правіць зыходнік]Савецкі перыяд
[правіць | правіць зыходнік]6 лістапада 1945 года намеснікам старшыні Саўнаркама СССР Лаўрэнціем Берыяй была падпісана пастанова № 2843—825с «Аб арганізацыі ў Курску завода па вытворчасці нізкавольтнай апаратуры Наркомэлектрапрама» У рэестравую кнігу Курска, дзе рэгіструюць новыя прадпрыемствы «Электраапарат» занесены пад № 1[2].
У сакавіку 1946 года быў пабудаваны завод па вытворчасці нізкавольтнай апаратуры для патрэб вугальнай і металургічнай прамысловасці СССР. На той момант у кожным з цэхаў працавала па 15 чалавек, усяго да канца 1946 года на заводзе было 150 рабочых. Першай электратэхнічнай прадукцыяй завода сталі засцерагальнік тыпу НПН-60 з напаўняльнікам і трохполюсны рубільнік на 200 А і 500 В[3].
Першае рэзкае павелічэнне вытворчасці адбылося ў 1950-х гадах. Гэта было звязана з пачаткам серыйнага выпуску распрацаваных уласным КБ аўтаматычных выключальнікаў серыі АП-25 і АП-50, засцерагальнікаў вялікай магутнасці і масавым выпускам вырабаў для хатніх халадзільнікаў. Тады ж завод выпусціў новыя засцерагальнікі серыі ПН-2 (распрацоўка якіх таксама была ажыццёўлена на Курскім электрааппаратным заводзе). Попыт на іх апынуўся настолькі вялікі, што Міністэрства палічыла неабходным арганізаваць іх вытворчасць яшчэ на некалькіх заводах краіны[4].
Завод больш за 120 разоў прызнаваўся лепшым сярод прадпрыемстваў Мінэлектрапрамысловасці, а ў 1981 годзе за высокія дасягненні ўзнагароджаны ордэнам Працоўнага Чырвонага Сцяга[5].
Расійскі перыяд
[правіць | правіць зыходнік]У 1992 годзе завод «Электрааппарат» рэарганізаваны ў акцыянернае таварыства.
У 2003 годзе інвестыцыі ў асноўны капітал павялічыліся ў 3,5 разы. Прадпрыемства набыло абсталяванне ў вядучых вытворцаў Германіі, Японіі, Паўднёвай Карэі[5]. У тым жа годзе была набыта і ўкаранёна ў вытворчасць САПР на базе Solid Works, якая дазволіла праектаваць і рыхтаваць вытворчасць новых тыпаў выключальнікаў за 14 месяцаў замест 30 месяцаў, якія патрабаваліся раней[4].
У кастрычніку 2003 года КЭАЗ перадаў Курскай епархіі Васкрасенскі храм, размешчаны на тэрыторыі завода. У будынку храма больш за 50 гадоў знаходзіліся асноўныя таварныя і матэрыяльныя склады прадпрыемства[6].
У 2004 годзе Курскае ААТ «Электраапарат» увайшло ў 20-ку ўдзельнікаў праекта ТЭРФ[7].
5 чэрвеня 2007 года кіраўніцтва завода падпісала дамову аб стратэгічным партнёрстве з французскай кампаніяй Ferraz Shawmut. Прадметам дагавора стаў вывад на рынак новай лінейкі хуткадзейных засцерагальнікаў пад сумесным гандлёвым брэндам «KEAZ-FERRAZ»[8].
У верасні 2011 года ААТ «Электроаппарат» было перайменавана ў "Курскі электрааппаратны завод — «КЭАЗ», а ўжо ў 2012 годзе ў вытворчасць была запушчана новая лінейка электратэхнічнай прадукцыі пад брэндам «KEAZ Optima», якая ўключае ў сябе аўтаматычныя выключальнікі, прылады дыферэнцыяльнай абароны, рэле напружання, лічыльнікі электраэнергіі, пераўтваральнікі частаты і многае іншае.
У 2017 годзе завод пачаў вырабляць высакавольтныя засцерагальнікі ПКТ-VK на намінальныя напружання 6 і 10 кВ.
У пачатку 2020-х гадоў завод будзе перанесены на новую пляцоўку ў ходзе падрыхтоўкі да святкавання 1000-годдзя Курска[9].
Прадукцыя
[правіць | правіць зыходнік]- Выключальнікі аўтаматычныя OptiDin ВМ63
- Выключальнікі нагрузкі модульныя OptiDin ВМ63Р
- Прылады дыферэнцыяльнай абароны OptiDin
- Аксэсуары да аўтаматычных выключальнікаў
- Прылады абароны ад імпульсных перанапружанняў (1, 2 і 3 тыпу)
- Рэле напружання (адно — і трохфазныя)
- Рэле выбару фаз і рэле часу
- Праграмуемыя таймеры з фотарэле і кантролем напружання
- Рэле абмежаванні току і магутнасці
- Рэле абароны рухавіка
- Рэле тэмпературныя
- Лічыльнікі электраэнергіі
- Пераўтваральнікі частаты
- Кулачковыя выключальнікі
- Карпусы для электрашчытоў
- Стабілізатары напружання
Гандлёвая марка КЭАЗ ўключае ў сябе:
- выключальнікі аўтаматычныя блокавыя
- выключальнікі-раз’яднальнікі
- Кантактары і магнітныя пускальнікі
- Засцерагальнікі
- Электраўстановачныя вырабы
Зноскі
- ↑ Проект строительства делового комплекса в центре Курска вынесут на общественные слушания, Агентство Бизнес Информации — Экономические/бизнес новости Черноземья — Воронеж — Бел …. Архівавана з першакрыніцы 6 сакавіка 2016. Праверана 7 снежня 2012.
- ↑ Тайны «Электроаппарата»: как все начиналось. Архівавана з першакрыніцы 1 лютага 2014. Праверана 29 лістапада 2012.
- ↑ Краткая история ОАО «Электроаппарат» (КЭАЗ) — Производители реле — Музей-коллекция реле, релейной защиты, системной и противоаварийной автоматики. Архівавана з першакрыніцы 4 сакавіка 2016. Праверана 29 лістапада 2012.
- ↑ а б Низковольтная аппаратура Электроаппарата. Архівавана з першакрыніцы 4 сакавіка 2016. Праверана 29 лістапада 2012.
- ↑ а б КЭАЗ «RB.ru» Компании(недаступная спасылка). Архівавана з першакрыніцы 19 жніўня 2012. Праверана 5 снежня 2012.
- ↑ Кому мешает «Электроаппарат»?. Архівавана з першакрыніцы 1 лютага 2014. Праверана 5 снежня 2012.
- ↑ Евросоюз делает ставку на коллектив «Электроаппарата». Архівавана з першакрыніцы 4 сакавіка 2016. Праверана 5 снежня 2012.
- ↑ «Электроаппарат» заработает по-французски. Архівавана з першакрыніцы 4 сакавіка 2016. Праверана 5 снежня 2012.
- ↑ Встреча с врио губернатора Курской области Романом Старовойтом. Архівавана з першакрыніцы 30 жніўня 2019. Праверана 30 жніўня 2019.