Латвійская Савецкая Сацыялістычная Рэспубліка

Гістарычная дзяржава
Латвійская Савецкая Сацыялістычная Рэспубліка
лат.: Latvijas Padomju Sociālistiskā Republika
Герб Сцяг
Гімн: Гімн Латвійскай ССР
5 жніўня 1940 — 4 мая 1990
Сталіца	Рыга
Мова(ы)	латышская і руская
Афіцыйная мова	латышская і руская
Грашовая адзінка	савецкі рубель
Плошча	64 589 км²
Насельніцтва	2 666 567 чал. (1989)
Форма кіравання	Савецкая рэспубліка і аднапартыйная сістэма
Медыяфайлы на Вікісховішчы

Латвійская Саве́цкая Сацыялісты́чная Рэспу́бліка, Латвійская ССР — адна з рэспублік Саюзу Савецкіх Сацыялістычных Рэспублік.

Гісторыя

Створана на тэрыторыі Латвіі ў ліпені 1940 года пасля ўвода частак Чырвонай арміі і стварэння новага ўрада на чале з Аўгустам Кірхенштэйнам, які арганізаваў выбары ў Народны Сейм, у якіх перамогу атрымаў пракамуністычны «Блок працоўнага народа», чый спіс быў адзіным дапушчаным да выбараў. 21 ліпеня на сваім першым пасяджэнні Народны Сейм абвясціў савецкую ўладу, змяніў назву дзяржавы на «Латвійская Савецкая Сацыялістычная Рэспубліка» і накіраваў у Маскву просьбу прыняць Латвійскую ССР у склад СССР. 5 жніўня ЛатССР ўвайшла ў склад СССР як адна з саюзных рэспублік.

4 мая 1990 года была прынята «Дэкларацыя аб аднаўленні дзяржаўнай незалежнасці Латвійскай Рэспублікі». Згодна з гэтым дакументам, усталёўваўся пераходны перыяд для перамоў з СССР, на працягу якога Латвія заставалася ў складзе СССР. 21 жніўня 1991 года была абвешчана поўная незалежнасць. 6 верасня незалежнасць Латвіі прызнаў Дзяржаўны Савет СССР.

Спасылкі

• На Вікісховішчы ёсць медыяфайлы па тэме Латвійская Савецкая Сацыялістычная Рэспубліка