Магалістан
Магалістан, Магулістан, Магалістанскае ханства — цюркская дзяржава ў 14-16 стагоддзях на тэрыторыі сучасных Казахстана, Кыргызстана, Узбекістана і Таджыкістана. Заснавана ў 1340-я гады нашчадкам Чынгісхана Таглук-Цімурам пасля распаду Джагатайскага (Чагатайскага) улуса. Напачатку ўключаў яго ўсходнюю частку (Усходні Туркестан, Сямірэчча і Паўднёвую Сібір), у 1360-61 гадах да Магалістана далучаны і Маверанахр (адпаў пасля смерці Таглук-Цімура ў 1363 годзе). Як незалежная дзяржава Магалістан існаваў да 1570-х гадоў на тэрыторыі Усходняга Туркестана. Часам тэрмін «Магалістан» выкарыстоўваюць для вызначэння Усходняга Туркестана.
Літаратура
[правіць | правіць зыходнік]- Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).