Прамысловы рэгіён Кэсон

З Вікіпедыі, свабоднай энцыклапедыі
Прамысловы рэгіён Кэсон
кар.: 개성공업지구
Краіна
Статус Прамысловы рэгіён
Уваходзіць у
Дата ўтварэння 2004
Плошча
  • 66 км²
Прамысловы рэгіён Кэсон на карце
Часавы пояс UTC+9
Лагатып Вікісховішча Медыяфайлы на Вікісховішчы

Прамысловы рэгіён Кэсон (кар. 개성 공업 지구, 開城工業地區) — спецыяльны адміністрацыйны рэгіён ў КНДР. Быў аддзелены ў 2002 ад горада Кэсон. Размешчаны за 10 км на поўнач ад дэмілітарызаванай зоны. Плошча рэгіёна — 66 км².

Гісторыя стварэння[правіць | правіць зыходнік]

Кэсонскі прамысловы парк (тэхнапарк Кэсон) быў заснаваны сумесна з урадам Паўднёвай Карэі. Будаўніцтва пачалося ў чэрвені 2003 года, а ў жніўні 2003 года КНДР і Паўднёвая Карэя падпісалі некалькі пагадненняў, якія тычацца інвестыцый у рэгіён.

Пачатковая фаза будаўніцтва была скончаная да чэрвеня 2004 года, а адкрыўся прамысловы парк у снежні 2004 года[1]. У пачатку існавання парка тут размясцілі вытворчасць 15 паўднёвакарэйскіх кампаній. Да сакавіка 2005 года тры з іх запусцілі вытворчасць. Комплекс уключае 120 паўднёвакарэйскіх малых і сярэдніх кампаній, якія ажыццяўляюць вытворчасць адзення, посуду, гадзіннікаў і іншай прадукцыі на агульную суму, якая склала 1,65 млрд даляраў з 2004 па 2011 гады. Прадпрыемствы выплачваюць падаходны падатак у памеры ад 10 да 14 %, за выключэннем першых пяці гадоў, і 50 % падатку на працягу трох гадоў, пачынаючы з моманту прыбытковасці[2]. Перавозка тавараў з прамзоны ў Кэсон ўносіць асноўны ўклад у таваразварот паміж двума Карэямі[3].

На комплексе занята (на 2012 год) — 53 448 паўночнакарэйскіх (72 % сярод іх — жанчыны) і 786 паўднёвакарэйскіх рабочых[4].

Мадэльны прамысловы комплекс у прамысловым рэгіёне Кэсон, КНДР.

Нягледзячы на ўсе цяжкасці, спрычыняныя як Пхеньянам, так і Сеулам, пэўная выгада ў комплексе ёсць — на навучанне тэхнічным навыкам паўночнакарэйскага працоўнага патрабуецца 1—3 месяцы (на навучанне кітайскага працоўнага — 6 месяцаў), сярэдні працоўны тыдзень (з улікам звышурочных, афіцыйна 48 гадзін) складаў у 2006 годзе 55,2 гадзіны ў тыдзень, у 2012 годзе 61,6 гадзін у тыдзень[5]. Прадукцыйнасць працы складала 70—80 % ад паўднёвакарэйскага ўзроўню. Тым не менш, па выніках 2011 года 119 паўднёвакарэйскіх фірмаў у Кэсоне выйшлі ў чыстую страту і толькі 4 атрымалі прыбытак[6]. Заробак паўночнакарэйскім рабочым выдаецца (пасля ўсіх вылікаў) уладамі КНДР у выглядзе даляравых купонаў на набыццё тавараў у спецыяльных крамах[6].

Прыпыненне працы ў 2013 годзе[правіць | правіць зыходнік]

У сувязі з абвастрэннем адносін паміж Паўднёвай і Паўночнай Карэяй, у красавіку 2013 года КНДР закрыла доступ у Кэсон спачатку паўднёвакарэйскім работнікам, затым — і паўночнакарэйскім. Такім чынам, вытворчасць у прамысловым парку спынілася. Па паведамленнях прэсы, у Кэсоне засталося некалькі сотняў паўднёвакарэйскіх супрацоўнікаў, каб сачыць за абсталяваннем, пакуль не скончацца запасы ежы.[7]

У жніўні 2013 года КНДР заявіла аб намеры аднавіць працу прамысловага рэгіёну Кэсон[8].

16 верасня 2013, пасля доўгіх і напружаных перамоваў паміж Поўначчу і Поўднем, бакі аднавілі працу сумеснага комплексу. Былі таксама прыняты рашэнні:

  • стварыць сумесны орган па кіраванню комплексам[9];
  • прыцягваць замежных інвестараў;
  • павысіць падаткі з працуючых у Кэсоне кампаній;
  • аднавіць лінію ваеннай сувязі паміж Пхеньянам і Сеулам.

Таксама бакі абвясцілі аб рашэнні надалей не спыняць працу праекта ні пры якіх абставінах[10].

Закрыццё ў 2016 годзе[правіць | правіць зыходнік]

10 лютага 2016 года Паўднёвая Карэя заявіла аб спыненні працы прамысловай зоны Кэсон пасля выпрабаванняў КНДР ракеты далёкага радыусу дзеяння. 11 лютага ўлады Паўночнай Карэі выправадзілі 280 рабочых з поўдня з тэрыторыі тэхнапарку і перакінулі туды вайсковыя падраздзяленні.

12 лютага Паўднёвая Карэя перапыніла падачу электраэнергіі і вады на тэрыторыю комплексу. Паўднёвакарэйскае абсталяванне было вывезена[11].

Аднаўленне водазабеспячэння[правіць | правіць зыходнік]

10 кастрычніка 2018 года Паўднёвая Карэя аднавіла пастаўкі вады ў рэгіён[12]. 11 кастрычніка 2018 года мясцовая ачышчальная станцыя была адноўлена[13].

Зноскі

  1. ↑ www.nautilus.org. Архівавана з першакрыніцы 24 кастрычніка 2005. Праверана 18 жніўня 2006.
  2. ↑ S. Korean company in Kaesong paid first corporate tax to N. Korea. Архівавана з першакрыніцы 17 жніўня 2012. Праверана 4 жніўня 2012.
  3. ↑ N. Korean economy logs first growth in 3 years in 2011. Архівавана з першакрыніцы 17 жніўня 2012. Праверана 4 жніўня 2012.
  4. ↑ Захарова Л. В. Межкорейские экономические отношения: от истоков до современности. — М., 2014. — С. 131
  5. ↑ Захарова Л. В. Межкорейские экономические отношения: от истоков до современности. — М., 2014. — С. 132—133
  6. ↑ а б Захарова Л. В. Межкорейские экономические отношения: от истоков до современности. — М., 2014. — С. 137
  7. ↑ КНДР полностью остановила работу индустриальной зоны Кэсон // Lenta.ru
  8. ↑ Специальное заявление представителя Комитета по делам мирного объединения Родины.(недаступная спасылка) // КП
  9. ↑ В межкорейской промзоне Кэсон открылся секретариат
  10. ↑ Промзона Кэсон вернулась к работе
  11. ↑ Южная Корея отрезала Кэсон от света и воды. bbc.com. Праверана 2016-2-12.
  12. ↑ https://www.scmp.com/news/asia/east-asia/article/2167781/south-korea-resumes-supplying-water-kaesong-border-town-north
  13. ↑ http://english.hani.co.kr/arti/english_edition/e_northkorea/865440.html

Спасылкі[правіць | правіць зыходнік]

Узята з "https://be.wikipedia.org/w/index.php?title=Прамысловы_рэгіён_Кэсон&oldid=4191756"