Саўская банавіна

Саўская банавіна (сербахарв.: Savska banovina, Савска бановина) — правінцыя (банавіна) у Каралеўстве Югаславія ў перыяд з 1929 па 1939 год.

Геаграфія

Саўская банавіна была размешчана ў заходняй частцы каралеўства, на тэрыторыі сучаснай Харватыі (Гістарычная Харватыя і Славонія). На поўначы банавіна межавала з Драўскай банавінай, на ўсходзе — з Дунайскай банавінай і з Венгрыяй, на захадзе — з Італіяй, на паўднёвым захадзе — з Прыморскай банавінай, на поўдні і паўднёвым усходзе — з Врбаскай банавінай і Дрынскай банавінамі.

Банавіна атрымала сваю назву па рацэ Сава. Яе адміністрацыйным цэнтрам лічыўся горад Заграб.

Гісторыя

У 1939 годзе Саўская і Прыморская банавіны былі аб'яднаны ў Харвацкую банавіну.

У 1941 годзе, падчас Другой сусветнай вайны большая частка Саўскай банавіны ўвайшла ў склад Незалежнай дзяржавы Харватыя. Італія і Венгрыя акупавалі асобныя раёны.

Пасля вайны рэгіён увайшоў у СФРЮ ў складзе Сацыялістычнай Рэспублікі Харватыя.

Гл. таксама

• Каралеўства Югаславія
• Незалежная дзяржава Харватыя

Спасылкі

• Карта Архівавана 18 лютага 2021.
• Канстытуцыя Каралеўства Югаславія