Сербы ў Босніі і Герцагавіне

Сербы ў Босніі і Герцагавіне (баснійскія сербы, басн.: Srbi u Bosne i Hercegovine, харв.: Srbi u Bosni i Hercegovini, сербск.: Срби у Босни и Херцеговини) — сербы, якія пражываюць на тэрыторыі Босніі і Герцагавіны.

З’яўляюцца адным з дзяржаваўтваральных народаў Босніі і Герцагавіны (разам з баснякмі і харватамі). 49% тэрыторыі Босніі і Герцагавіны складае Рэспубліка Сербская — дзяржаўнае ўтварэнне сербаў.

Былі адным з супрацьлеглых бакоў у ходзе грамадзянскай вайны 1992—1995 гадоў, імкнуліся да захавання адзінай дзяржаўнасці з Сербіяй.

Многія ваенныя лідары баснійскіх сербаў былі асуджаны Міжнародным трыбуналам па былой Югаславіі як ваенныя злачынцы.