Тамара Аляксандраўна Стагановіч

Тамара Аляксандраўна Стагановіч
Дата нараджэння	15 лістапада 1930(1930-11-15) (93 гады)
Месца нараджэння	Несутычы, гміна Гарадзечна, Навагрудскі павет, Навагрудскае ваяводства, Польская Рэспубліка
Грамадзянства	Польская Рэспубліка  СССР  ЗША
Бацька	Аляксандр Стагановіч
Род дзейнасці	мастачка
Вучоба	Калумбійскі ўніверсітэт

Тамара Аляксандраўна Стагановіч (15 лістапада 1930, вёска Несутычы, Навагрудскі раён, Гродзенская вобласць) — амерыканская мастачка беларускага паходжання.

Біяграфія

Дачка беларускага грамадскага і палітычнага дзеяча Аляксандра Стагановіча.

З 1950 года жыве ў ЗША. Скончыла Калумбійскі ўніверсітэт у Нью-Ёрку (1956).

Творчасць

Асноўныя творы адметныя вытанчанасцю і ўнутраным спакоем. Сярод жывапісных работ партрэты Францыска Скарыны, трыпціхі «Любоў. Вера. Надзея» і «А вясны не спыніць, не стрымаць», «Статуя Свабоды», «Чырвоны камень», «Зубры», «Ручай зімою», графічныя творы «Чыкары», «Барсук», цыкл «Таос Пуэбла».

У 2014 годзе пры падтрымцы Тамары Стагановіч была заснаваная прэмія за найлепшую кнігу ў галіне непрыдуманай літаратуры імя Аляксандра і Марыі Стагановічаў. Прэмія ўручалася ў 2015 і 2017 гадах.

Літаратура

• Крыштаповіч С. Я. Стагановіч Тамара Аляксандраўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 127. — 10 000 экз. — ISBN 985-11-0035-8. — ISBN 985-11-0251-2 (т. 15).
• Крыштаповіч С. Я. Стагано́віч Тамара Аляксандраўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 681. — 800 с. — 5 000 экз. — ISBN 985-11-0026-9.

Спасылкі

• Стагановіч Тамара Аляксандраўна на сайце анлайн-энцыклапедыі «Беларусь у асобах і падзеях»