Томаш Шалевіч

Томаш Шалевіч
Шалава[d]
Нараджэнне	6 лістапада 1890(1890-11-06) Калдычэва, Навагрудскі павет, Мінская губерня, Расійская імперыя
Смерць	24 снежня 1961(1961-12-24) (71 год) Лондан, Лонданскае графства, Англія, Вялікабрытанія або Варшава, Варшаўскае ваяводства, Польская Народная Рэспубліка
Род	Шалевічы[d]
Партыя	Беспартыйны блок супрацоўніцтва з урадам[d]
Адукацыя	Ягелонскі ўніверсітэт
Узнагароды

Томаш Вітольд Шалевіч (польск.: Tomasz Witold Szalewicz, 6 лістапада 1890, Калдычэва, Баранавіцкі павет, цяпер Баранавіцкі раён Брэсцкай вобласці — 24 снежня 1961, Лондан) — польскі грамадска-палітычны дзеяч, звязаны з Наваградчынай. Пасол Сойма IV склікання (1935—1938).

Біяграфія

Нарадзіўся ў шляхецкай сям’і ў маёнтку Калдычэва, цяпер у Баранавіцкім раёне.

Скончыў земляробчы факультэт Ягелонскага Універсітэта. У 1918—1920 гадах ваяваў у 1-ы палку ўлан Крахавецкіх. Пасля заканчэння вайны з бальшавікамі вярнуўся на радзіму. Стварыў Земляробчае таварыства і аб’яднанне землеўласнікаў Баранавіцкага павета. Таксама займаўся кааперацыяй. Засядаў у Гмінным Савеце ў Гродне, кіраваў Рэвізійнай камісіяй Баранавіцкага павета. У 1935 абраны ад Баранавіцкай акругі паслом Сойма Польскай Рэспублікі.

Быў жанаты з Геленай Брахоцкай, меў двух дзяцей — Кшыштафа і Зоф’ю.

У яго маёнтку ў 1942 годзе немцы стварылі Калдычэўскі лагер смерці.