Уладзімір Гуляй
Уладзімір Гуляй | |||||||
|---|---|---|---|---|---|---|---|
 | |||||||
|
| |||||||
|
|||||||
| Дыяцэзія | Гродзенская дыяцэзія | ||||||
|
|||||||
| Дыяцэзія | Гродзенская дыяцэзія | ||||||
| Папярэднік | Аляксандр Кашкевіч | ||||||
|
|
|||||||
| Адукацыя | |||||||
| Дзейнасць | каталіцкі святар, каталіцкі біскуп | ||||||
| Нараджэнне |
14 чэрвеня 1975 (49 гадоў) |
||||||
 Медыяфайлы на Вікісховішчы | |||||||
Уладзімір Гуляй (нар. 14 чэрвеня 1975, г. Ваўкавыск) — беларускі рымска-каталіцкі царкоўны дзеяч, дапаможны біскуп Гродзенскай дыяцэзіі (з 2024).
Біяграфія
[правіць | правіць зыходнік]Нарадзіўся ў 1975 годзе ў Ваўкавыску, другое дзіця ў сям’і Юрыя Гуляя і Марыі Гуляй (Невалеўскай). Быў ахрышчаны ў касцёле Найсвяцейшай Тройцы ў Росі[1]. Пасля заканчэння ў 1992 г. сярэдняй школы паступіў у Вышэйшую духоўную семінарыю ў Гродне. У 1992—1998 гг. вывучаў у семінарыі філасофію і тэалогію.
29 верасня 1997 г. прыняў дыяканскае пасвячэнне, 26 чэрвеня 1999 г. — прэзбітэрскае. Атрымаўшы ў Люблінскім каталіцкім універсітэце ступень магістра тэалогіі, у 1998—2001 гг. вучыўся ў тым жа ўніверсітэце ў дактарантуры (спецыялізацыя «дагматычная тэалогія»), у 2000 г. абараніў ліцэнцыят, у 2011 г. — дактарат.
У 2000—2001 гг. вікарый парафіі Святога Францішка Ксаверыя ў Гродне. З 2000 г. выконваў функцыі дыяцэзіяльнага душпастыра моладзі. У 2001 г. быў прызначаны прэфектам і выкладчыкам дагматычнай тэалогіі Вышэйшай духоўнай семінарыі ў Гродне. З 2003 г. пробашч парафіі Узвышэння Святога Крыжа ў Лідзе. З 2016 г. выконвае функцыі дыяцэзіяльнага цэнзара, з 2018 г. належыць да калегіі кансультантаў Гродзенскай дыяцэзіі, а таксама з’яўляецца старшынёй Сінадальнай камісіі па справах экуменізму і міжрэлігійнага дыялогу.
5 красавіка 2024 года Папа Рымскі Францыск прызначыў ксяндза Уладзіміра Гуляя біскупам-каад’ютарам Гродзенскай дыяцэзіі[2].