Фрыдэберт Туглас

Фрыдэберт Туглас
Friedebert Tuglas
Асабістыя звесткі
Імя пры нараджэнні	Фрыдэберт Міхкельсан
Дата нараджэння	2 сакавіка 1886(1886-03-02)
Месца нараджэння	Ліфляндская губерня, Расійская імперыя
Дата смерці	15 красавіка 1971(1971-04-15)[…] (85 гадоў)
Месца смерці	Талін, Эстонская ССР, СССР
Пахаванне	Лясныя могілкі
Грамадзянства	Расійская імперыя Эстонія СССР
Жонка	Elo Tuglas[d]
Альма-матар	Гімназія Хуга Трэфнера[d]
Месца працы	Тартускі ўніверсітэт
Прафесійная дзейнасць
Род дзейнасці	перакладчык, літаратурны крытык, журналіст, гісторык літаратуры, пісьменнік
Гады творчасці	1906—1971
Кірунак	неарамантызм, рэалізм, натуралізм, сімвалізм
Мова твораў	эстонская мова
Грамадская дзейнасць
Член у	Эстонская акадэмія навук Маладая Эстонія Siuru[d]
Прэміі	літаратурная прэмія Фрыдэберта Тугласа[d] (1972)
Узнагароды	Народны пісьменнік Эстонскай ССР[d]
Медыяфайлы на Вікісховішчы

Фрыдэберт Туглас, да 1923 — Фрыдэберт Міхкельсан (эст.: Friedebert Tuglas; 2 сакавіка 1886, мыза Ах’я, Ліфляндская губерня цяпер Пылвамаа — 15 красавіка 1971, Талін) — эстонскі празаік, літаратурны крытык, перакладчык, мастацтвазнавец, літаратуразнавец. Член-карэспандэнт Акадэміі навук ЭССР.

Біяграфія

Нарадзіўся 2 сакавіка 1886 года ў сям’і цесляра. Вучыўся ў Тартускай гарадской школе і гімназіі (1901—1905). За ўдзел у рэвалюцыйных выступленнях 1905 года быў арыштаваны. З восені 1906 да сакавіка 1917 года ў эміграцыі — Фінляндыя, Францыя, інш. краіны Заходняй Еўропы. Пасля вяртання ў Эстонію Ф. Туглас актыўна ўдзельнічае ў літаратурным жыцці, у 1923—1926 — рэдактар часопіса «Ломінг» («Творчасць»).

Творчасць

Літаратурную дзейнасць пачаў у гімназіі. Вершы і навелы эміграцыйнага перыяду ўвайшлі ў кнігі «Удваіх» (1908), «Пясочны гадзіннік» (1913), «Вечаровае неба» (1913), «Лёс» (1917). У 1915 годзе выйшаў яго першы раман «Фелікс Ормусан». Пасля вяртання ў Эстонію, з друку выходзяць новыя зборнікі навел «Дух прыгнёту» (1920), «Вандраванне душ» (1925), падарожныя нататкі «Падарожжа ў Паўночную Афрыку» (у 3-х тамах, 1928—1930), гісторыка-літаратурныя працы «Юхан Ліў» (1927), «Эстонскае літаратурнае таварыства» (1932), шэраг эсэ і артыкулаў. У 1937 годзе выходзіць раман «Малы Ілімар», па ўспамінах маленства. У пасляваенны перыяд Ф. Тугласам былі напісаныя толькі некалькі навел, апублікаваныя дзённікавыя нататкі пра літаратуру і мастацтва «Маргіналіі» (1966).

Прызнанне

Народны пісьменнік Эстоніі (1946).

Беларускія пераклады

На беларускую мову паасобныя творы Ф. Тугласа перакладалі Ян Скрыган і Сяргей Шупа.

Літаратура

• Хрэстаматыя па літаратуры народаў свету. — Мн., 1995.