Хелаты
Хела́ты, хела́тныя злучэнні, таксама унутрыкомплексныя злучэнні — клас комплексных злучэнняў, у якіх цэнтральны атам (ці іон) звязаны з двума і больш атамамі ліганду, у выніку чаго ўтвараецца некалькі гетэрацыклаў.
Найбольш пашыраны хелаты металаў. Характарызуюцца высокай устойлівасцю. Некаторыя хелатныя злучэнні (хларафіл, гемаглабін, вітамін В12 і інш.) адыгрываюць важную ролю ў працэсах жыццядзейнасці.
Выкарыстоўваюцца пры аналізе і раздзяленні хімічных элементаў, для вывядзення цяжкіх і радыеактыўных металаў з арганізма і інш.
Літаратура
[правіць | правіць зыходнік]- Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).