Ядвіга Смасарска

Ядвіга Смасарска
польск.: Jadwiga Smosarska
Дата нараджэння	23 верасня 1898(1898-09-23)[…]
Месца нараджэння	Варшава, Царства Польскае, Расійская імперыя
Дата смерці	1 лістапада 1971(1971-11-01)[…] (73 гады)
Месца смерці	Варшава, Польшча
Месца пахавання	Старыя Павонзкі
Грамадзянства	Польшча
Муж	Зыгмунт Пратасевіч[d]
Прафесія	актрыса
Кірунак	кінематограф, тэатр
Узнагароды
IMDb	ID 0810682
Медыяфайлы на Вікісховішчы

Ядвіга Смасарска (польск.: Jadwiga Filipina Smosarska; 23 верасня 1898, Варшава — 1 лістапада 1971, там жа) — польская актрыса тэатра і кіно.

Біяграфія

Магіла Я. Смасарскай на варшаўскіх могілках Старыя Павонзкі

Скончыла прыватны пансіён ў Варшаве. Яшчэ будучы вучаніцай, у канцы 1916 года дэбютавала на сцэне сталічнага Тэатра Польскага ў драме «Нябоская камедыя» З. Красінскага ў ролі Першай Дамы.

Брала прыватныя ўрокі акцёрскага майстэрства. Затым вучылася ў драматычнай школе ў Варшаве, якую скончыла у 1920 годзе. Да пачатку Другой сусветнай вайны выступала на сцэнах многіх варшаўскіх тэатраў (Разнастайнасці — 1920-1923 г., Польскі і Малы — 1924 г., Летні — 1927 г., Народны, Новы, Летні і Польскі — 1928-1939 г.). На сцэнах Варшавы згуляла ў спектаклях больш за 40 роляў.

У 1919 годзе сыграла сваю першую ролю ў кіно «Ў імя шчасця» (пол. Dla szczęścia) па драме С. Пшыбышэўскага. Хоць Я. Смасарска згуляла ў 26 польскіх фільмах, яна, галоўным чынам, была тэатральнай артысткай.

Ролі ў кіно, аднак, прынеслі ёй вялікую папулярнасць. На думку гледачоў і крытыкаў Я. Смасарска была самай яркай зоркай даваеннага польскага кіно.

У 1932 годзе пасля ролі княгіні Лавіцкай, ёю зацікавіліся амерыканскія рэжысёры. Аднак Ядвіга адхіліла выгадны кантракт з адной з вядучых галівудскіх студый, не жадаючы на доўгі час пакінуць Польшчу.

Пасля пачатку вайны яна пераехала ў Літву, а затым у ЗША, дзе займалася грамадскай дзейнасцю у асяроддзі польскіх эмігрантаў. У 1941 годзе арганізавала «Камітэт дапамогі польскім актёрам ў выгнанні». З вясны 1944 г. гуляла ў Польскім Тэатры Артыстаў у Нью-Ёрку.

У пасляваенны перыяд — адна з арганізатараў Лігі польскага актёра. Пасля 1945 года неаднаразова прыязджала на радзіму, а ў 1970 г. вярнулася ў Польшчу і пасялілася ў Варшаве.

Памерла ў 1971 годзе і пахаваная на Алеі Заслужаных, могілак «Старыя Павонзкі» ў Варшаве.

Фільмаграфія

• 1919 — У імя шчасця / Dla szczęścia  — Хелена
• 1920 — Геройства польскага скаўта / Bohaterstwo polskiego skauta — Ганка
• 1921 — Цуд над Віслай / Cud nad Wisłą — Крыста
• 1922 — Таямніца трамвайнага прыпынку / Tajemnica przystanku tramwajowego — Казіміра
• 1922 — Стрэл / Strzał — Мары Гронска
• 1922 — Кізя / Kizia — Кізя-Мізя
• 1923 — Нявольніца любові / Niewolnica miłości — Бронка
• 1924 — Аб чым не гавораць / O czem się nie mówi — Франя
• 1925 — Прыгожая грэшніца Івонка / Iwonka — Івонка
• 1926 — Пракажоная / Trędowata — Стэфка Рудзецка
• 1927 — Усмешка лёсу / Uśmiech losu — Ирена Глебоцкая
• 1927 — Зямля абетаваная / Ziemia obiecana — Анка Куроўска
• 1928 — Тайна старажытнага роду / Tajemnica starego rodu — Аліцыя-сястра князя / Лидзія, дачка рыбака
• 1929 — Грахоўнае каханне / Grzeszna miłość — Моніка
• 1930 — У Сібір / Na Sybir — Рэна Чарская
• 1932 — Княгіня Ловіч / Księżna Łowicka — Жанэта Грудзінска
• 1932 — Год 1914 / Rok 1914 — Ганка
• 1933 — Пракурор Аліцыя Горн / Prokurator Alicja Horn — Аліцыя Горн
• 1934 — Няўжо Люцына дзяўчына? / Czy Lucyna to dziewczyna? — Люцына Бартноўска ці Юліян Квяткоўскі
• 1935 — Дзве Іоасі / Dwie Joasie — Іоася
• 1936 — Ядзя / Jadzia — Ядвіга
• 1936 — Барбара Радзівіл / Barbara Radziwiłłówna — Барбара Радзівіл
• 1937 — Улан князя Юзэфа / Ułan Księcia Józefa — Кася
• 1937 — Схлусіўшая / Skłamałam — Хелена Урбанкувеа-Бурска
• 1939 — Жыццё перавернулася / Życie na opak (фільм застаўся няскончаным, у сувязі з пачаткам вайны)

Літаратура

• «Polski Słownik Biograficzny» t. 39. s. 346-350.

Спасылкі

• Jadwiga Smosarska на сайце filmpolski.pl (польск.) 
• Фатаграфіі на сайце fototeka.fn.org.pl