Яўген Аркадзьевіч Чканікаў

Яўген Аркадзьевіч Чканікаў
Міністр юстыцыі БССР 1984 — 1986
Кіраўнік урада	Уладзімір Бровікаў
Папярэднік	Аляксандр Здановіч
Пераемнік	Уладзімір Каравай
Нараджэнне	5 сакавіка 1932(1932-03-05) (92 гады) Цёмкіна, Цёмкінскі раён, Смаленская вобласць
Адукацыя	Мінскі юрыдычны інстытут (1953)

Яўге́н Арка́дзьевіч Чка́нікаў (нар. 5 сакавіка 1932, Смаленская вобласць) — адвакат, міністр юстыцыі БССР (1984—1986).

Біяграфія

Скончыў Мінскі юрыдычны інстытут (1953).

Нарадзіўся ў сям’і ваеннаслужачага. У гады Вялікай Айчыннай вайны разам з маці быў у эвакуацыі ў Тамбоўскай вобласці. Пасля вайны разам з бацькамі пераехаў у Мінск, дзе ён скончыў школу і ў 1949 годзе паступіў у Мінскі юрыдычны інстытут. Пасля заканчэння інстытута працаваў ва ўпраўленні юстыцыі Віцебскага аблвыканкама: рэвізор судовага аддзела Упраўлення Міністэрства юстыцыі БССР па Віцебскай вобласці, член Судовай калегіі па грамадзянскіх справах Віцебскага абласнога суда, член Судовай калегіі па крымінальных справах Віцебскага абласнога суда, старшы народны суддзя Першамайскага раёна г. Віцебска, намеснік старшыні Віцебскага абласнога Суда.

З сакавіка 1971 па чэрвень 1976 на пасадзе Старшыні Віцебскага абласнога Суда, пасля працаваў загадчыкам аддзела адміністрацыйных і гандлёва-фінансавых органаў Віцебскага абкама КПБ.

З 1981 па 1984 год — намеснік Міністра юстыцыі БССР, з 1984 па 1986 год — Міністр юстыцыі БССР.

У 1986 годзе прыняты ў члены Мінскай абласной калегіі адвакатаў, працаваў адвакатам Мінскай абласной юрыдычнай кансультацыі.

З 1986 года — намеснік Старшыні прэзідыума Мінскай абласной калегіі адвакатаў.

З 1999 па сакавік 2002 года — Старшыня прэзідыума Мінскай абласной калегіі адвакатаў.

Літаратура

• Конон М. С. От консультанта до министра / М. С. Конон // Ради истины и справедливости. К 85-летию Витебского областного суда(недаступная спасылка) / М. С. Конон; под общ. ред. Т. В. Вороновича. — Витебск, 2008. — С. 180—193.