Ён Арнэ Рыісэ

Рыісэ ў 2008 годзе

Ён Арнэ Сэмундсэт Рыісэ (нарв. John Arne Semundseth Riise; 24 верасня 1980, Алесунд) — нарвежскі футбольны абаронца, выступае за італьянскую «Рому» і нацыянальную зборную Нарвегіі. Гуляе на левым флангу, адрозніваецца магутным ударам з левай нагі і велізарнай трываласцю, якая дазваляе яму «закрываць» увесь фланг. Яго малодшы брат, Б'ёрн-Хельзэ Рыісэ, таксама з'яўляецца прафесійным футбалістам, у 2007 годзе ён дэбютаваў у зборнай Нарвегіі.

Біяграфія

Сезоны 2006/2007 і 2007/2008 гадоў Ён-Арнэ правёў даволі слаба і быў выцеснены з складу бразільскім фулбэкам Фабіё Аўрэліё, адзіным недахопам якога было частае атрымоўванне ім траўмаў. У красавіку 2008 году ў першым матчы паўфіналу Лігі чэмпіёнаў супраць «Чэлсі» Фабіё атрымаў чарговую траўму і на 63-й хвіліне быў заменены. Рыісэ, які выйшаў замест яго на шостай дададзенай арбітрам хвіліне зрэзаў мяч у свае вароты і дазволіў лонданскаму клубу дамагчыся нічыей на «Энфілдзе». Такім чынам перад зваротным матчам «Чэлсі» атрымаў сур’ёзную перавагу і ў выніку здолеў ёй скарыстацца, упершыню ў сваёй гісторыі выйдучы ў фінал галоўнага еўрапейскага футбольнага турніру.

У чэрвені 2008 году Рыісэ перайшоў у «Рому».

Дасягненні

Трафеі ў «Манака»

• Чэмпіянат Францыі: 1999/00
• Суперкубак Францыі: 2000/01

Трафеі ў «Ліверпулі»

• Ліга чэмпіёнаў УЕФА: 2004/05
• Суперкубак Еўропы: 2001/02, 2005/06
• Кубак Англіі: 2005/06
• Кубак Англійскай Лігі: 2002/03
• Суперкубак Англіі: 2001/02, 2006/07

Асабістыя

• Прыз Кніксэна 2006 (лепшаму нарвежскаму футбалісту году)

• На ВікіСховішчы ёсць медыяфайлы па тэме Ён Арнэ Рыісэ