Густаў Шведскі (1799)

З Вікіпедыі, свабоднай энцыклапедыі
Густаў Шведскі
Нараджэнне 9 лістапада 1799(1799-11-09)[1][2][…]
Смерць 5 жніўня 1877(1877-08-05) (77 гадоў)
Месца пахавання
Род герцаг Гальштэйн-Готарпскі[d]
Бацька Густаў IV Адольф
Маці Фрэдэрыка Бадэнская
Жонка Луіза Амелія Бадэнская[d][6]
Дзеці Карола Шведская[d] і Людвіг Ваза[d][7]
Дзейнасць афіцэр
Званне генерал-маёр і фельдмаршал-лейтэнант[d][8]
Узнагароды
ордэн Святога апостала Андрэя Першазванага Knight Grand Cross of the Order of Saint Stephen of Hungary ордэн Серафімаў
Лагатып Вікісховішча Медыяфайлы на Вікісховішчы

Густаў Ваза (шведск.: Gustav av Wasa; 9 лістапада 1799(1799-11-09)[1][2][…], Стакгольм[3] — 5 жніўня 1877(1877-08-05), Пільніц[d][4]) — спадчынны прынц Швецыі, сын караля Швецыі Густава IV Адольфа і каралевы Фрыдэрыкі.

Біяграфія[правіць | правіць зыходнік]

Быў старэйшым сынам караля Густава IV і адразу пасля нараджэння абвешчаны спадчыннікам прастола. Калі яму было дзесяць гадоў, яго бацька быў зрынуты ў выніку перавароту. Жадаючы захаваць карону за сынам, кароль 29 сакавіка 1809 года адрокся ад прастола, аднак 10 мая рыксдаг абвясціў, што ён і ўсе яго нашчадкі пазбаўляюцца права займаць шведскі прастол, пасля чаго сям’і давялося адправіцца ў выгнанне і жыць у розных краінах Еўропы.

Прыхільнікі караля — густавіянцы — некалькі разоў спрабавалі дамагчыся прызнання Густава законным спадчыннікам прастола, але беспаспяхова. У 1816 годзе прыняў тытул графа Ітэнбурга, служыў афіцэрам у арміі габсбургскай Аўстрыі і ў 1829 годзе ўдастоены тытула князя Вазы ад імператара Франца II. У 1836 годзе стаў фельдмаршал-лейтэнантам аўстрыйскай арміі.

У 1828 годзе заручыўся з прынцэсай Марыянай Нідэрландскай, але з палітычных прычын быў вымушаны разарваць заручыны і 9 лістапада 1830 года ў Карлсруэ ажаніўся са сваёй стрыечнай сястрой Луізай Амаліяй Бадэнскай, з якой развёўся ў 1843 годзе. У шлюбе нарадзіліся сын Людвіг (1832), які памёр у маленстве, і дачка, прынцэса Карола (1833—1907), якая выйшла пасля замуж за караля Саксоніі Альберта, але гэты шлюб быў бяздзетным.

У 1830 і 1862 гадах кандыдатура Густава ўсплывала ў сувязі з выбарамі караля Грэцыі, аднак сур’ёзнай падтрымкі ён не атрымаў.

У 1884 годзе рэшткі Густава і яго сына былі перапахаваны ў Стакгольме.

Зноскі

  1. ↑ а б Lundy D. R. Gustaf von Holstein-Gottorp, Prince of Vasa // The Peerage Праверана 9 кастрычніка 2017.
  2. ↑ а б Schweden, Kronprinz Gustav // CERL Thesaurus — Consortium of European Research Libraries. Праверана 9 кастрычніка 2017.
  3. ↑ а б Deutsche Nationalbibliothek Агульны нарматыўны кантроль — 2012—2016. Праверана 15 снежня 2014.
  4. ↑ а б Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.
  5. ↑ Olsson M. Riddarholmskyrkan - inventories and graves — 1937. — С. 422. Праверана 21 лютага 2019.
  6. ↑ (unspecified title) Праверана 7 жніўня 2020.
  7. ↑ Lundy D. R. The Peerage
  8. ↑ Dr. Constant v. Wurzbach Wasa, Gustav, Prinz von // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 53. — S. 125.

Спасылкі[правіць | правіць зыходнік]

Узята з "https://be.wikipedia.org/w/index.php?title=Густаў_Шведскі_(1799)&oldid=4377822"