Дахнарскае

Дахнарскае
Морфаметрыя
Вышыня над узроўнем мора	122 м
Даўжыня	0,89 км
Шырыня	0,7 км
Плошча	0,47 км²
Аб’ём	0,0005 км³
Даўжыня берагавой лініі	2,71 км
Найбольшая глыбіня	1,7 м
Сярэдняя глыбіня	1,1 м
Гідралогія
Салёнасць	0,115 ‰
Празрыстасць	1,7 м
Басейн
Плошча вадазбору	73,8 км²
Упадаюць	рака Дахнарка, ручай
Выцякаюць	рака Дахнарка
Размяшчэнне
Краіна	Беларусь
Рэгіён	Віцебская вобласць
Дахнарскае
Дахнарскае

Дахна́рскае — возера ў Полацкім раёне Віцебскай вобласці ў басейне ракі Дахнарка, прыкладна за 10 км на поўнач ад Полацка, каля вёскі Рудня.

Плошча паверхні 0,47 км², даўжыня 0,89 км, найбольшая шырыня 0,7 км. Даўжыня берагавой лініі 2,71 км. Найбольшая глыбіня возера 1,7 м, сярэдняя 1,1 м. Плошча вадазбору 73,8 км². Аб'ём вады ў возеры 0,5 млн. м³.
Катлавіна Дахнарскага возера рэшткавага тыпу. Схілы катлавіны спадзістыя вышынёй 2—3 м. Берагавая лінія слабазвілістая. Берагі возера пераважна сплавінныя, у паўночнай частцы забалочаныя. Вакол возера забалочаная пойма шырынёй ад 10—20 да 200—250 метраў. Дно плоскае, выслана слоем крэменязёмістага сапрапелю таўшчынёй каля 3,6 м.
Возера дыстрофнае, праточнае. Цалкам зарастае падводнай расліннасцю. Праз возера працякае рака Дахнарка (прыток Дрысы), упадае ручай.

У возеры водзяцца шчупак, лінь, акунь, карась, плотка і іншыя віды рыб.

Літаратура

• Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш.. — Мн.: БелЭн, 1998. — Т. 6. — С. 69. — 576 с. — 10 000 экз. — ISBN 985-11-0106-0 (т. 6).
• Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 20. — 72 с. — 10 000 экз. — ISBN 978-985-508-136-5. (руск.)