Джэймс Энсар

З пляцоўкі Вікіпедыя
Перайсці да: рух, знайсці

Джэймс Энсар (англ.: James Sidney Edouard, Baron Ensor; 13 красавіка 1860, Астэндэ — 19 лістапада 1949, Астэндэ) — бельгійскі мастак, графік і жывапісец.

Вучыўся ў Антверпенскай акадэміі мастацтваў (з 1877), з 1881 года жыў у г. Астэндэ. У ранні перыяд творчасці пад уплывам фламандскага жывапісу 17 стагоддзя. і Г. Ж. Д. Курбэ пісаў бытавыя сцэны («Хлопчык з лямпай», 1880; «Снеданне з устрыцамі», 1882). Пазней звярнуўся да сімволіка-фантастычных, крыкліва-яркіх па каларыце кампазіцый з выявамі масак, шкілетаў, у якіх вострая іронія і гратэск, сатыра на пошасць навакольнага свету спалучаюцца са злавеснай пародыяй на жыццё чалавецтва: «Раззлаваныя маскі» (1883), «Уезд Хрыста ў Брусель» (1888). Ствараў шматфігурныя афорты, напоўненыя напружаным драматызмам: «Сабор» (1886), «Смерць пераследуе чалавечы статак» (1896).

Літаратура[правіць | правіць зыходнік]

  • Энсар // Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш — Мн.: БелЭн, 2004. — Т. 18. — С. 131. — 472 с. — 10 000 экз. — ISBN 985-11-0295-4 (Т. 18 Кн. 1).