Жменя пшаніцы (паэма)

Жменя пшаніцы
польск.: Garść pszenna
Жанр	Паэма Гутарка
Аўтар	Уладзіслаў Сыракомля
Мова арыгінала	польская
Дата напісання	1856
Пераклад на беларускую	1891
Перакладчык	Янка Лучына, Максім Лужанін
Тэкст твора ў Вікікрыніцах

«Жме́ня пшані́цы» (польск.: Garść pszenna) — патрыятычная гутарка Уладзіслава Сыракомлі.

Твор напісаны ў 1856 г. у Варшаве.

Змест

Мудры і добры войт Сцяпан ужо састарэў і мяркуе выбраць сабе замену. Народ спачатку ўстрывожаны, а потым пагаджаецца на аднаго з сыноў войта. Усе тры сыны пасылаюцца за мяжу (у Нямеччыну, Польшчу і Украіну). Двое з іх захапіліся чужымі звычаямі і культурай, а трэці прывёз мяшок пшаніцы, каб працаваць на карысць Радзімы. Апошні і абіраецца за войта як той, хто дбае пра свой край і народ.

Крытыка

Тадэвуш Піні пісаў:

… колькі ж у гэтым апавяданні, простым і нявымушаным, зразумення патрэб селяніна, якое замілаванне ўсім, што сваё, і агіда да чужых звычаяў і строяў.

Пераклады

Упершыню на беларускую мову пераклаў, хоць і вольна, значна скараціўшы твор, Янка Лучына і апублікаваў у «Альманаху Паўночна-Заходняга календара на 1892 г.» 1891 г. выдання («Горсць пшаніцы»). Пазней гэты пераклад увайшоў у пасмяротны зборнік «Вязанка» (1903). Больш дакладны пераклад зрабіў Максім Лужанін.

У 1953 г. выйшаў зборнік выбраных твораў Сыракомлі па-руску, дзе быў змешчаны пераклад Лявона Мартынава.

Літаратура

• Абрамавичус, Вл. Библиография по белорусской литературе XIX века (руск.). — Вильнюс, 1949.
• Сыракомля, У. Выбраныя творы (бел.). — Мінск: Беларуская навука, 2010. — 584 с. — (Беларускі кнігазбор). — 1 000 экз. — ISBN 978-985-6976-06-6.
• Pini, T. Władysław Syrokomla i jego utwory (польск.). — Lwów: Macierz Polska, 1901. — 247 с.

Спасылкі

• Драздова, З. Душа беларуса ў гутарках і вершах Уладзіслава Сыракомлі (бел.) // Полымя. — Мінск: Ліпень 2017. — № 7 (1053). — С. 134-138.