Ламітан

Горад Ламітан Lamitan Краіна Філіпіны Рэгіён Басілан Каардынаты 6°39′26″ пн. ш. 122°06′31,70″ у. д. Заснаваны 1886 Першая згадка 1886 Горад з 2007 Плошча 354,45 км² Вышыня цэнтра 300 м Насельніцтва 74782 чалавекі (2015) Канфесійны склад іслам Часавы пояс UTC+8, летам UTC+9 Тэлефонны код +63 (0)62 Паштовы індэкс 7302 Афіцыйны сайт lamitancity.gov.ph Ламітан на карце Філіпінаў

Медыяфайлы на Вікісховішчы

Ламітан (тагальск.: Lamitan) — горад на поўдні Філіпінаў, адміністрацыйны цэнтр правінцыі Басілан. Насельніцтва (2015 г.) — 74 782 чал.

Геаграфія

Ламітан знаходзіцца на поўначы вострава Басілан. Месціцца на схілах пагоркаў да 300 м над узроўнем акіяну. Характэрны спрыяльны трапічны клімат з сярэдняй тэмпературай +27°C і адсутнасцю сталых тайфунаў. У непасрэднай блізкасці ад горада месцяцца пясчаныя пляжы і маляўнічыя вадаспады.

Гісторыя

Ламітан узнік у 1886 г. як рэзідэнцыя князя Педра Куэваса, які захапіў уладу сярод яканаў і імкнуўся аб'яднаць іх землі. У 1899 г. Ламітан быў далучаны амерыканцамі да Філіпінаў, аднак нашчадкі П. Куэваса працягвалі кіраваць у ім да 1936 г. У 2017 г. горад стаў адміністрацыйным цэнтрам правінцыі Басілан.

Эканоміка

Асноўныя галіны эканомікі: абслугоўванне і турызм. Ламітан прыцягвае блізкасцю да найбольш славутых мясцін Басілана. Працуюць 4 каледжы. У канцы чэрвеня арганізуецца штогадовы фестываль, прысвечаны заснаванню горада.

Спасылкі

• Афіцыйны сайт
• Гарадскі профіль