Мікелоца дзі Барталамеа

З пляцоўкі Вікіпедыя
Перайсці да: рух, знайсці
Палацца Медычы-Рыкардзі - плод 20 гадоў працы архітэктара

Мікелоца дзі Барталамеа (італ.: Michelozzo di Bartolomeo, 1396, Фларэнцыя7 кастрычніка 1472, там жа), італьянскі архітэктар і скульптар Эпохі Адраджэння. Разам з Мазаліна да Панікале і Ларэнца Гіберці сыграў значную ролю ў распаўсюджванні мастацкай мовы эпохі Адраджэння.

Біяграфія[правіць | правіць зыходнік]

Сын выхадцаў з Бургундыі. З 1417 па 1424 гады быў памочнікам Ларэнца Гіберці як майстар па ліцці і чаканцы, з 1425 па 1438 гады працаваў з Данатэла ў агульнай майстэрні[1]. Мікелоца і Данатэла стварылі надмагілле антыпапы Яна XXIII (каля 1422—1428) і алтар Сабора ў Прата (1428-1438).

Паміж 1420 і 1427 гадамі Мікелоца пабудаваў царкву Сан Франчэска аль Боска аль Фраці ў Сан-П'ера-а-Сьевэ.

У 1433 годзе Мікелоца суправаджаў у выгнанне свайго заступніка Козіма Медычы. Апошні, вярнуўшыся ва Фларэнцыю даручыў архітэктару ў 1444 годзе будаўніцтва палацца, вядомага ў наш час як палацца Медычы-Рыкардзі. Таксама ў Фларэнцыі Мікелоца была даручана рэканструкцыя манастыра Сан Марка (паміж 1436 і 1443). У 1454 годзе было завершана ўзвядзенне манастырскай бібліятэкі. Яе прастору архітэктар падзяліў на тры нефы калонамі іанічнага ордара і аркамі з пясчаніку, памяшканне асвятляецца праз вялікія бакавыя вокны: бібліятэка такога роду стала тыповай для эпохі Адраджэння. У 1458 — 1461 гадах Мікелоца кіраваў будаўніцтвам вілы Медычы ва Ф'езоле каля Фларэнцыі. У 1462 годзе архітэктар працаваў у Мілане.

Зноскі

  1. N. Pevsner, J. Fleming, H. Honour, Dizionario di architettura, Torino, Einaudi, 1981, voce Micchelozzo.

Литература[правіць | правіць зыходнік]

  • Giorgio Vasari, Le vite de' più eccellenti pittori, scultori e architettori, 1560, 1568.
  • Ottavio Morisani, Michelozzo architetto, Torino, Einaudi, 1951 ("Collana storica di architettura", 1).
  • Harriet McNeal Caplow, Michelozzo, New York-London, Garland, 1977 ("Outstanding Dissertations in the Fine Arts").
  • Miranda Ferrara, Francesco Quinterio, Michelozzo di Bartolomeo, prefazione di Franco Borsi, Firenze, Salimbeni, 1984.
  • Gabriele Morolli Michelozzo scultore e architetto, 1396-1472, Atti del Convegno tenuto a Firenze e a San Piero a Sieve nel 1996, Firenze, Centro Di, 1998 ("ADSI, Associazione dimore storiche italiane, Sezione Toscana").

Спасылкі[правіць | правіць зыходнік]