Раска
| Раска | ||||||||||||||||
 |
||||||||||||||||
| Навуковая класіфікацыя | ||||||||||||||||
|---|---|---|---|---|---|---|---|---|---|---|---|---|---|---|---|---|
| Царства: | ||||||||||||||||
| Аддзел: | ||||||||||||||||
| Клас: | ||||||||||||||||
| Парадак: | ||||||||||||||||
| Сямейства: | ||||||||||||||||
| Падсямейства: | ||||||||||||||||
| Род: |
Раска |
|||||||||||||||
| Навуковая назва | ||||||||||||||||
|
Lemna L., 1753 |
||||||||||||||||
|
||||||||||||||||
Ра́ска (Lemna), жабіна дзяружка — род кветкавых раслін падсямейства раскавых.
Каля 10 відаў. Пашыраны амаль усюды. На Беларусі распаўсюджаны 3 віды.
Трапляюцца ў азёрах, старыцах, канавах, часам утвараюць суцэльнае покрыва на паверхні стаячага вадаёма.
Шматгадовыя водныя травы ў выглядзе авальнай або падоўжанай лістападобнай зялёнай пласцінкі (называецца лісцец, або фронд) даўжынёю да 1 см, з карэньчыкам або без яго і з бакавой кішэнькай. Свабодна плаваюць на паверхні вады ці ў яе тоўшчы адзіночна або ў групах па 2-10. Размнажаюцца пераважна вегетатыўна — пупышкамі, якія закладваюцца ў кішэньцы, часам развіваецца суквецце з 2 тычынкавых і 1 песцікавай моцна рэдукаваных кветак. Плод (калі ён угвараецца) — мяшочкападобны, 1-7-насенны. Зімуе раска на дне вадаёма. Увесну з вегетатыўных пупышак утвараюцца новыя расліны і ўсплываюць на паверхню вады.
Кармавыя расліны для рыб і вадаплаўных птушак.
