Рытаў (Брагінскі раён)

Пасёлак Рытаў Краіна Беларусь Вобласць Гомельская Раён Брагінскі Сельсавет Малажынскі Каардынаты 51°45′17″ пн. ш. 30°28′45″ у. д. Першая згадка XVII стагоддзе Насельніцтва 91 чалавек (2004) Часавы пояс UTC+3 Тэлефонны код 2344 Паштовыя індэксы 247642 Аўтамабільны код 3 СААТА 3203836041 Рытаў на карце Беларусі ±

Ры́таў (трансліт.: Rytaŭ, руск.: Ритов) — пасёлак у Брагінскім раёне Гомельскай вобласці. Уваходзіць у склад Малажынскага сельсавета.

Геаграфія

Размяшчэнне

У 22 км на паўднёвы ўсход ад Брагіна, 48 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 139 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Камарын — Брагін.

Планіроўка складаецца з просталінейнай вуліцы, блізкай да мерыдыянальнай арыентацыі, да якой з усходу пад прамым кутом далучаюцца 2 кароткія, паралельныя паміж сабой вуліцы. Забудова драўлянымі хатамі сядзібнага тыпу.

Гісторыя

Па пісьмовых крыніцах вядомы з XVII стагоддзя як паселішча ў Рэчыцкім павеце Менскага ваяводства ВКЛ. У інвентары Гомельскага стараства 1640-х гадоў згадана як сяло Рытавічы. Пасля 2-га раздзела Рэчы Паспалітай (1793 год) у складзе Расійскай імперыі.

Найболей актыўна забудоўвалася ў 1920-я гады. У 1931 годзе арганізаваны калгас. Падчас Вялікай Айчыннай вайны фашысты ў верасні 1943 года цалкам спалілі вёску. У 1959 годзе ў складзе калгасу «Першамайск» (цэнтр — вёска Малажын).

Насельніцтва

Колькасць

• 2004 год — 35 гаспадарак, 91 жыхар.

Дынаміка

• 1930 год — 38 двароў, 200 жыхароў.
• 1940 год — 46 двароў.
• 1959 год — 239 жыхароў (паводле перапісу).
• 2004 год — 35 гаспадарак, 91 жыхар.
• 2006 год — 32 гаспадаркі, 86 жыхароў

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0