Стасіс Лазарайціс Малодшы

Стасіс Лазарайціс
літ.: Stasys Lozoraitis
Пасол Літвы ў Італіі 1993 — 1994
Папярэднік	Пасада заснавана Стасіс Лазарайціс Старэйшы (да 1940 года)
Пераемнік	Раманас Пагадзяліс
Пасол Літвы ў ЗША 1991 — 1993
Папярэднік	Пасада заснавана Павілас Жадзяйкіс (да 1940 года)
Пераемнік	Альфонсас Эйдзінтас
Нараджэнне	2 жніўня 1924(1924-08-02) Берлін, Вольная дзяржава Прусія, Веймарская рэспубліка, Германскі рэйх
Смерць	13 чэрвеня 1994(1994-06-13) (69 гадоў) Вашынгтон, акруга Калумбія, ЗША
Месца пахавання	Пятрашунскія могілкі, Каўнас, Літва
Бацька	Стасіс Лазарайціс Старэйшы
Маці	Вінцэнта Матулайціце-Лазарайціене
Жонка	Даніэла д’Эрколе
Веравызнанне	каталіцтва
Адукацыя	Рымскі ўніверсітэт Ла Сапіенца
Дзейнасць	дыпламат
Узнагароды	Кавалер Вялікага крыжа ордэна Крыжа Віціса Медаль Памяці 13 студзеня

Стасіс Лазарайціс (літ.: Stasys Lozoraitis; 2 жніўня 1924, Берлін, Германія — 13 чэрвеня 1994, Вашынгтон, ЗША) — літоўскі дыпламат і палітычны дзеяч. Пасол Літвы у ЗША (1991—1993) і Італіі (1993—1994).

Сын міністра замежных спраў Літвы (1934—1938), дыпламата Стасіса Лазарайціса Старэйшага, Лазарайціс Малодшы з юначых гадоў дапамагаў яму ў арганізацыі дзейнасці Літоўскай дыпламатычнай службы ў выгнанні, ЛДС у Ватыкане, у 1983 годзе перабраўся ў літоўскую дыпламатычную місію ў Вашынгтоне, а ў 1987 годзе — узначаліў ЛДС. Пасля здабыцця Літвой незалежнасці Лазарайціс быў прызначаны паслом краіны ў ЗША. У канцы 1992 года правыя і цэнтрысцкія палітычныя сілы Літвы ініцыявалі вылучэнне Лазарайціса на пасаду прэзідэнта краіны. На прэзідэнцкіх выбарах 1993 года ў Літве Лазарайціс супрацьстаяў Альгірдасу Бразаўскасу і пацярпеў паражэнне, атрымаўшы 38,28 % галасоў выбаршчыкаў. Неўзабаве пасля паражэння ў выбарах, у маі 1993 года, Лазарайціс быў пераведзены з Вашынгтона ў Рым, а яшчэ праз год сканаў.

Літаратура

• Ashbourne A. Lithuania: The Rebirth of a Nation, 1991—1994. — Lanham: Lexington Books, 1999. — 219 p. — ISBN 0-7391-0027-0.
• Sužiedėlis S. Historical Dictionary of Lithuania. — Lanham — Toronto — Plymouth, UK: The Scarecrow Press, Inc., 2011. — P. 180. — 427 p. — ISBN 978-0-8108-4914-3.
• Адамкус В. Имя судьбы — Литва(руск.) // Дружба народов : журнал. — 2004. — № 4. — С. 163—182. — ISSN 0012-6756.

Спасылкі

• Lozoraitis S., Jr. A Case for Liberation(англ.) // Lituanus. — June 1956. — № 2 (7). — ISSN 0024-5089. Архівавана з першакрыніцы 16 жніўня 2016.