Уладзімір Мікалаевіч Патупчык

Уладзімір Патупчык
Уладзімір Патупчык
	22 красавіка 2013 — 2 мая 2018
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў
Папярэднік	Аляксандр Азярэц
Пераемнік	Віктар Каранкевіч
Намеснік прэм'ер-міністра Рэспублікі Беларусь
	4 чэрвеня 2009 — 28 снежня 2010
Прэзідэнт	Аляксандр Лукашэнка
Кіраўнік урада	Сяргей Сідорскі
Міністр працы і сацыяльнай абароны Рэспублікі Беларусь
	5 мая 2006 — 4 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Антаніна Морава
Пераемнік	Марыяна Шчоткіна
Нараджэнне	17 лістапада 1958 (66 гадоў); Шацілкі, Беларусь;
Партыя	КПСС;
Адукацыя	БПІ (1980); Расійская акадэмія дзяржаўнай службы (2002);

Уладзі́мір Мікала́евіч Пату́пчык (нар. 17 лістапада 1958, Светлагорск, Беларуская ССР) — беларускі дзяржаўны дзеяч, міністр энергетыкі Рэспублікі Беларусь (2013—2018).

Біяграфія

Нарадзіўся ў Светлагорску Гомельскай вобласці ў 1958 г. У 1980 годзе скончыў Беларускі політэхнічны інстытут.

Працаваў машыністам-абходчыкам турбіннага абсталявання Мазырскай ЦЭЦ (1980—1981), машыністам, потым начальнікам змены на Светлагорскай ЦЭЦ (1981—1983). У 1983 годзе — намеснік начальніка цэнтральнай службы раённай энергетычнай управы «Гомельэнерга». У 1983—1984 гадах — начальнік лабараторыі металаў Светлагорскай ЦЭЦ.

Інструктар арганізацыйнага аддзела, загадчык прамыслова-транспартнага аддзела, загадчык арганізацыйнага аддзела Светлагорскага гаркаму КПБ (1984—1990). Намеснік старшыні Светлагорскага гарадскога Савета народных дэпутатаў (1990—1993). У 1993—1997 гадах — намеснік старшыні Светлагорскага гарвыканкама. У 1997—1998 гадах — першы намеснік старшыні Светлагорскага гарвыканкама. Старшыня камітэта па эканоміцы і рынкавых адносінах Гомельскага аблвыканкама (1998—2001). У 2001 годзе — старшыня Мазырскага гарвыканкама. У 2001—2004 гадах — намеснік старшыні Гомельскага аблвыканкама.

У 2002 годзе скончыў Расійскую акадэмію дзяржаўнай службы пры прэзідэнце Расійскай Федэрацыі.

У 2004 годзе прызначаны памочнікам Прэзідэнта Рэспублікі Беларусь — галоўным інспектрам па горадзе Мінску. 5 мая 2006 года прызначаны міністрам працы і сацыяльнай абароны Беларусі.

4 чэрвеня 2009 — 28 снежня 2010 — намеснік прэм’ер-міністра Рэспублікі Беларусь.

16 чэрвеня 2011 года стаў членам Савета Рэспублікі Нацыянальнага сходу Рэспублікі Беларусь 4-га склікання^[1], пазней абраны намеснікам старшыні Савета Рэспублікі.

22 красавіка 2013 прызначаны міністрам энергетыкі Рэспублікі Беларусь.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[2], а 17 снежня 2015 года ўказам Прэзідэнта № 500 зноў зацверджаны на пасадзе міністра^[3].

2 мая 2018 года зняты з пасады міністра энергетыкі Рэспублікі Беларусь^[4] з фармулёўкай «за садзейнічанне незаконнаму сямейнаму бізнэсу»^[5]. Адразу ж быў арыштаваны катэдж Патупчыка, пабудаваны непадалёку ад «Мінск-Арэны».

Сям’я

Жанаты, мае сына і дачку.

Узнагароды

Падзяка Прэзідэнта Рэспублікі Беларусь (2001)
Ганаровая грамата Савета Міністраў Рэспублікі Беларусь (2008)
Ганаровая грамата Нацыянальнага сходу Рэспублікі Беларусь (2012)

Зноскі

↑ УКАЗ ПРЕЗИДЕНТА РЕСПУБЛИКИ БЕЛАРУСЬ от 16 июня 2011 г. № 252 «О назначении В. Н. Потупчика»(недаступная спасылка) (руск.)
↑ Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.
↑ Назначаны члены ўрада Рэспублікі Беларусь (нявызн.). http://president.gov.by+(17 снежня 2015).
↑ Лукашэнка зняў Уладзіміра Патупчыка з пасады міністра энергетыкі (бел.) (нявызн.) ?. БЕЛТА. Праверана 02.05.2018.
↑ belta.by

Спасылкі

Старонка на праекце «Хто ёсць хто ў Рэспубліцы Беларусь» Архівавана 6 снежня 2010. (руск.)

[1] УКАЗ ПРЕЗИДЕНТА РЕСПУБЛИКИ БЕЛАРУСЬ от 16 июня 2011 г. № 252 «О назначении В. Н. Потупчика»(недаступная спасылка) (руск.)

[2] Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.

[3] Назначаны члены ўрада Рэспублікі Беларусь (нявызн.). http://president.gov.by+(17 снежня 2015).

[4] Лукашэнка зняў Уладзіміра Патупчыка з пасады міністра энергетыкі (бел.) (нявызн.) ?. БЕЛТА. Праверана 02.05.2018.

[5] ta.by

[1]

[2]

[3]

[4]

[5]