ФК Смаргонь
| Смаргонь | |||
|---|---|---|---|
 | |||
| Поўная назва | ДУФКіС «Футбольны клуб „Смаргонь“» | ||
| Заснаваны | 1987 | ||
| Горад | Смаргонь, Беларусь | ||
| Стадыён |
«Юнацтва» Умяшчальнасць: 2650 |
||
| Дырэктар | Павел Люцько | ||
| Галоўны трэнер | Ігар Слесарчук | ||
| Чэмпіянат | Вышэйшая ліга | ||
| 2023 | 11 месца | ||
| |||
«Смаргонь» — беларускі футбольны клуб з горада Смаргонь, заснаваны ў 1987 годзе. У цяперашні час выступае ў Вышэйшай лізе чэмпіянату Беларусі.
Гісторыя[правіць | правіць зыходнік]
Першая каманда ў Смаргоні пабачыла свет у 1978 годзе. Прафесійны футбольны клуб пад назвай «Станкабудаўнік» быў заснаваны ў 1987 годзе.
У чэмпіянатах Беларусі каманда ўдзельнічала ў 1992—1994 гадах, але паказвала дрэнныя вынікі. У выніку ў 1994 годзе «Смаргонь» перайшла ў чэмпіянат вобласці. У 1998 годзе клуб вярнуўся ў чэмпіянат краіны, а ў 2002 годзе выйшаў у Першую лігу. У 2003—2005 гадах «Смаргонь» тройчы заставалася ў адным кроку ад выхаду ў Вышэйшую лігу.
У 2006 годзе каманда пад кіраўніцтвам Георгія Кандрацьева заняла другое месца і выйшла ў Вышэйшую лігу. У 2007—2009 гадах «Смаргонь» гуляла ў Вышэйшай лізе, дзе найлепшым вынікам стала восьмае месца ў 2008 годзе. У 2009 годзе «Смаргонь» заняла апошняе месца і вярнулася ў Першую лігу. Але і там смаргонцы апынуліся ў ніжняй палове турнірнай табліцы.
Сітуацыя выправілася ў 2013 годзе. «Смаргонь» папоўніла склад шэрагам вопытных ігракоў, якія дапамаглі клубу заняць шостае месца. Адзін з іх, Сяргей Крот, стаў найлепшым бамбардзірам турніру.
У сезоне 2014 пасля правальнага старту каманда стала трывала набіраць ачкі. У другой палове сезона «Смаргонь» актыўна ўмяшалася ў барацьбу за трэцяе месца, але ў выніку не здолела падвінуць адтуль «Віцебск» і скончыла сезон на чацвёртым радку. У 2015 годзе «Смаргонь» стала пятай. У сезоне 2016 амаль поўнасцю абнавіўся склад каманды, і «Смаргонь» спачатку апынулася ў ніжняй палове табліцы, але пазней сітуацыя выправілася, і сезон смаргонцы зноў скончылі на пятым месцы.
У пачатку 2017 года замест Мікалая Рындзюка галоўным трэнерам каманды стаў яго былы памочнік Аляксей Дварэцкі. Пасля перамог у першых двух турах вынікі «Смаргоні» рэзка пагоршыліся, і першую палову чэмпіянату каманда скончыла на апошнім месцы. Аднак, палепшыўшы вынікі ў другой палове сезона, «Смаргонь» выйшла з зоны вылету. Тым не менш, толькі ў апошнім туры каманда забяспечыла захаванне месца ў Першай лізе, заняўшы выніковае 13-е месца.
Сезон 2018 «Смаргонь» пачала пад кіраўніцтвам новага трэнера Мікалая Гергеля. Пасля добрага старту каманда пазней апусцілася ў ніжнюю частку табліцы. У жніўні Гергель быў звольнены, і трэнерам зноў стаў Аляксей Дварэцкі. Каманда скончыла сезон на 11-м месцы з 15.
Пачатак сезона 2019 для «Смаргоні» атрымаўся няўдалым — каманда пацярпела шэсць паражэнняў у першых шасці турах, пасля чаго быў звольнены Аляксей Дварэцкі, а трэнерам быў прызначаны Павел Раднёнак. Вынікі пасля гэтага трохі палепшыліся, улетку быў значна зменены склад каманды, аднак пазней каманда ізноў стала цярпець паражэнні, у выніку скончыла сезон на перадапошнім 14-м месцы, пасля чаго Павел Раднёнак пакінуў пасаду.
У 2020 годзе «Смаргонь» узначаліў Вячаслаў Герашчанка, каманда ўзмацнілася добрымі выканаўцамі. У выніку атрымалася паказаць добры вынік, «Смаргонь» некаторы час ішла ў лідарах і ўзначальвала табліцу Першай лігі, але пазней шэраг няўдач адкінуў каманду з першых радкоў. Тым не менш, клуб завяршыў сезон на шостым месцы.
У пачатку 2021 года клуб атрымаў прапанову заняць месца ў Вышэйшай лізе, якое стала вакантным пасля адмовы «Гарадзеі» ад выступленняў. Паспяхова прайшоўшы працэдуру ліцэнзавання, «Смаргонь» у сезоне 2021 далучылася да элітнага дівізіёна. Аднак, хутка сабраная каманда не здолела стварыць канкурэнцыю іншым клубам, і «Смаргонь» разам з рэчыцкім «Спадарожнікам» апынулася ў канцы табліцы. У ліпені «Спадарожнік» зняўся з турніру, а «Смаргонь» добра падмацавалася і выдала неблагі адрэзак, але пазней зноў пайшлі паражэнні. У верасні Герашчанка быў адпраўлены ў адстаўку, камандай стаў кіраваць яго памочнік Уладзіслаў Дукса разам з маладым расійскім спецыялістам Антонам Міхашонкам, аднак пад іх кіраўніцтвам смаргонская каманда пацярпела два разгромныя паражэнні, пасля чаго новым трэнерам стаў Ігар Трухаў. Аднак і ён не здолеў выправіць сітуацыю, хутка «Смаргонь» пазбавілася шанцаў застацца ў Вышэйшай лізе і фінішавала на 15-м месцы.
У сезоне 2022 «Смаргонь» значна абнавіла склад, але здолела запрасіць шэраг вопытных ігракоў і лічылася адным з магчымых фаварытаў. Старт чэмпіянату атрымаўся няўпэўненым, каманда ішла ў сярэдзіне табліцы, аднак пасля серыя з 9 перамог запар узняла каманду на першы радок табліцы. Далейшыя страты ачкоў не перашкодзілі за чатыры туры да фінішу гарантаваць вяртанне ў Вышэйшую лігу. Пасля гэтага «Смаргонь» прапусціла наперад «Нафтан» і заняла выніковае другое месца.
У 2023 годзе «Смаргонь» знаходзілася ў ніжняй палове табліцы Вышэйшай лігі, аднак выбыванне ёй не пагражала з-за таго, што іншыя клубы атрымалі вялікія ачковыя штрафы. У выніку каманда скончыла сезон на 11-м месцы з 15.
Папярэднія назвы[правіць | правіць зыходнік]
- 1987—1993: «Станкабудаўнік»
- 1993: «Камунальнік»
- з 1993: «Смаргонь»
Дасягненні[правіць | правіць зыходнік]
- Найлепшае дасягненне ў Вышэйшай лізе чэмпіянату Беларусі — 8 месца: 2008
- Самыя буйная перамога — 6:0 («Вертыкаль» Калінкавічы, 2004)
- Самая буйная параза — 0:8 (ЗЛіН Гомель, 1992)
Цяперашні склад[правіць | правіць зыходнік]
Станам на красавік 2024 года[1].
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Ігракі ў арэндзе[правіць | правіць зыходнік]
|
Рэзервовы склад[правіць | правіць зыходнік]
|
| ||||||||||||||||||||||||||||||||||||||||||||||||||||||||||||||||||||||||||||||
Трэнерскі штаб[правіць | правіць зыходнік]
Ігар Слесарчук (нар. 1976) — галоўны трэнер
Сяргей Дараховіч (нар. 1979) — трэнер- Леанід Ковель (нар. 1986) — трэнер
- Уладзімір Кухлей (нар. 1982) — трэнер
- Міхаіл Гайсін (нар. 1984) — трэнер брамнікаў
Статыстыка выступленняў[правіць | правіць зыходнік]
Чэмпіянат і Кубак Беларусі[правіць | правіць зыходнік]
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Другая (Д2) | 16 | 15 | 3 | 1 | 11 | 13–34 | 7 | 1/16 фіналу | |
| 1992/93 | Другая (Д2) | 16 | 30 | 4 | 5 | 21 | 17–70 | 13 | 1/16 фіналу |  Вылет у Трэцюю лігу
|
| 1993/94 | Трэцяя (Д3) | 17 | 34 | 4 | 9 | 21 | 27–80 | 17 | ||
| 4 сезоны на аматарскім узроўні (Д4) | ||||||||||
| 1998 | Другая — А (Д3) | 12 | 26 | 6 | 6 | 14 | 26–51 | 24 | ||
| 1999 | Другая — А (Д3) | 5 | 24 | 11 | 8 | 5 | 35–23 | 41 | ||
| 2000 | Другая — А (Д3) | 4 | 22 | 10 | 5 | 7 | 28–23 | 25 | 1/16 фіналу | Выхад у фінальны раўнд |
| Другая (Д3) | 4 | 14[A] | 5 | 3 | 6 | 14–17 | 18 | |||
| 2001 | Другая (Д3) | 2 | 34 | 25 | 4 | 5 | 63–16 | 79 | 1/16 фіналу |  Выхад у Першую лігу
|
| 2002 | Першая (Д2) | 14 | 30 | 8 | 5 | 17 | 21–36 | 29 | 1/32 фіналу | |
| 2003 | Першая (Д2) | 3 | 30 | 17 | 7 | 6 | 47–20 | 58 | 1/16 фіналу | |
| 2004 | Першая (Д2) | 3 | 30 | 14 | 11 | 5 | 49–21 | 53 | 1/32 фіналу | |
| 2005 | Першая (Д2) | 3 | 30 | 15 | 9 | 6 | 57–35 | 54 | 1/16 фіналу | |
| 2006 | Першая (Д2) | 2 | 26 | 16 | 7 | 3 | 57–27 | 55 | 1/16 фіналу | Выхад у Вышэйшую лігу
|
| 2007 | Вышэйшая (Д1) | 10 | 26 | 6 | 8 | 12 | 15–29 | 26 | 1/16 фіналу | |
| 2008 | Вышэйшая (Д1) | 8 | 30 | 10 | 9 | 11 | 26–39 | 39 | 1/8 фіналу | |
| 2009 | Вышэйшая (Д1) | 14 | 26 | 2 | 9 | 15 | 17–46 | 15 | 1/16 фіналу | Вылет у Першую лігу
|
| 2010 | Першая (Д2) | 12 | 30 | 8 | 8 | 14 | 33–43 | 32 | 1/16 фіналу | |
| 2011 | Першая (Д2) | 11 | 30 | 9 | 7 | 14 | 32–45 | 34 | 1/16 фіналу | |
| 2012 | Першая (Д2) | 10 | 28 | 7 | 10 | 11 | 23–32 | 31 | 1/16 фіналу | |
| 2013 | Першая (Д2) | 6 | 30 | 13 | 7 | 10 | 45–35 | 46 | 1/8 фіналу | |
| 2014 | Першая (Д2) | 4 | 30 | 13 | 7 | 10 | 42–32 | 46 | 1/16 фіналу | |
| 2015 | Першая (Д2) | 5 | 30 | 15 | 8 | 7 | 60–41 | 53 | 1/8 фіналу | |
| 2016 | Першая (Д2) | 5 | 26 | 10 | 8 | 8 | 40–39 | 38 | 1/8 фіналу | |
| 2017 | Першая (Д2) | 13 | 30 | 6 | 11 | 13 | 34–50 | 29 | 1/16 фіналу | |
| 2018 | Першая (Д2) | 11 | 28 | 6 | 10 | 12 | 19–44 | 28 | 1/16 фіналу | |
| 2019 | Першая (Д2) | 14 | 28 | 4 | 6 | 18 | 27–63 | 18 | 1/16 фіналу | |
| 2020 | Першая (Д2) | 6 | 26 | 10 | 6 | 10 | 29–26 | 36 | 1/32 фіналу | Атрыманне месца ў Вышэйшай лізе |
| 2021 | Вышэйшая (Д1) | 15 | 30 | 4 | 9 | 17 | 26–66 | 21 | 1/16 фіналу | Вылет у Першую лігу
|
| 2022 | Першая (Д2) | 2 | 24 | 16 | 4 | 4 | 46–27 | 52 | 1/16 фіналу | Выхад у Вышэйшую лігу
|
| 2023 | Вышэйшая (Д1) | 11 | 28 | 7 | 3 | 18 | 28–59 | 24 | 1/16 фіналу | |
- ↑ Уключаючы 6 гульняў, перанесеных з 1-га раўнда.
Галоўныя трэнеры[правіць | правіць зыходнік]
- Андрэй Маісейчанка (1998—2002)
- Уладзімір Уткін (2002—2004)
- Георгій Кандрацьеў (2005—2008)
- Аляксандр Лісоўскі (лістапад 2008 — ліпень 2009)
- Аляксандр Бразевіч (ліпень 2009 — студзень 2010)
- Генадзь Мардас (студзень 2010 — снежань 2011)
- Павел Бацюта (студзень 2012 — снежань 2014)
- Мікалай Рындзюк (студзень 2015 — люты 2017)
- Аляксей Дварэцкі (люты — снежань 2017)
- Мікалай Гергель (снежань 2017 — жнівень 2018)
- Аляксей Дварэцкі (жнівень 2018 — май 2019)
- Павел Раднёнак (май — лістапад 2019)
- Вячаслаў Герашчанка (студзень 2020 — верасень 2021)
- Уладзіслаў Дукса (в. а., верасень 2021)
- Ігар Трухаў (верасень 2021 — студзень 2024)
- Ігар Слесарчук (са студзеня 2024)
Крыніцы[правіць | правіць зыходнік]
- ↑ От "Динамо" до "Витебска": заявки клубов высшей лиги сезона-2024 (руск.). football.by (16 сакавіка 2024). Праверана 18 сакавіка 2024.
Спасылкі[правіць | правіць зыходнік]
- Профіль на сайце globalsportsarchive.com (англ.)
- Профіль на сайце wildstat.ru (руск.)
Тэматычныя сайты |
|---|
 | |
|---|---|
| |