Фрэд Хойл

Фрэд Хойл
Sir Fred Hoyle
300px
Дата нараджэння:	24 чэрвеня 1915(1915-06-24)
Месца нараджэння:	Gilstead, Вялікабрытанія
Дата смерці:	20 жніўня 2001(2001-08-20) (86 гадоў)
Месца смерці:	Борнмут, Вялікабрытанія
Краіна:	Вялікабрытанія
Навуковая сфера:	астраномія
Альма-матэр:	Кембрыджскі ўніверсітэт
Вядомы як:	аўтар тэрміна Вялікі выбух суаўтар тэорыі стацыянарнага Сусвету

Фрэд ХОЙЛ (Fred Hoyle; 24 чэрвеня 1915, Бінглі, Вялікабрытанія — 20 жніўня 2001) — англійскі астраном, папулярызатар навукі, пісьменнік. Член Лонданскага каралеўскага таварыства (1957), Каралеўскага астранамічнага таварыства (1940; у 1971—73 прэзідэнт). Замежны член Нацыянальнай АН ЗША (1969).

Скончыў Кембрыджскі ўніверсітэт (1939), дзе і працаваў (з 1967 дырэктар Інстытута тэарэтычнай астраноміі). 3 1975 у Кардыфскім універсітэце.

Навуковыя працы па астрафізіцы, касмагоніі Сонечнай сістэмы, пазагалакгычнай астраноміі. Прапанаваў мадэль стацыянарнага сусвету з бясконцым утварэннем рэчыва падчас яго расшырэння (1948), увёў тэрмін «Вялікі выбух» для пачатковай стадыі касмалагічнай эвалюцыі (1950). Пастуляваў асноўныя працэсы нуклеасінтэзу ў зорках (1957, з М. і Дж. Бэрбіджамі, У. А. Фаўлерам). Выказаў гіпотэзу аб занясенні жыцця на Зямлю мікраарганізмамі з міжзоркавай прасторы (тэорыя пансперміі). Аўтар больш як 40 навуковых і навукова-папулярных кніг, навукова-фантастычных раманаў.

Атрымаў Каралеўскі медаль (1974). Яго імем названа малая планета.

Літаратура

• Касцюковіч М. Хойл // БЭ ў 18 т. Т. 17. Мн., 2003.