Яна, 2-і ліст

З пляцоўкі Вікіпедыя
Перайсці да: рух, знайсці
Апостал Ян піша лісты, невядомы мастак, 16 ст.

Другі ліст апостала Яна - адзін з лістоў апостала Яна, які ўваходзіць у спіс кніг Новага Запавету. Змяшчаецца пасля першага ліста апостала Яна перад трэцім лістом Яна.

Аўтарства[правіць | правіць зыходнік]

У пачатку ліста вызначаецца аўтар ліста, але не называецца дакладнае імя. Аўтар вызначае сабе як Старшыня ці стары чалавек (у грэчаскай мове гэтыя словы абазначаюцца адным). У антычныя часы некаторыя даследчыкі лічылі, што аўтарам ліста мог быць Ян Прэсвітэр, пра якога пісаў Папій. Аднак абсалютная большасць хрысціян была ўпэўнена, што аўтар ліста не хто іншы, як Ян Багаслоў. Ліст звернуты да Панны, якая абрана Богам, і яе дзецям. На жаль, імя гэтай жанчыны невядома, а таму існуюць меркаванні, што адрасат ліста – гэта не нейкая асоба, а Царква, да якой звяртаецца апостал.

Працяглы час ліст быў амаль невядомы і не цытаваўся першымі хрысціянскімі пісьменнікамі, а таму не быў уключаны ў спіс кананічных кніг Новага Запавету. Магчыма, гэтак адбылося з-за невялікіх памераў ліста, таму ліст і не атрымаў шырокага распаўсюджання.

Асаблівасці ліста[правіць | правіць зыходнік]

Другі ліст выразна адрозніваецца ад першага. У ім ёсць усе асаблівасці ліста: пачатак, у якім указваецца аўтар і адрасат, сярэдзіна і канчатак ліста з традыцыйнымі прывітаннямі. Ідэі ліста амаль тыя ж, што і першага, што паказвае што ў абодвух лістоў адзін і той жа аўтар. Але другі ліст значна прасцейшы за першы. Розніцу можна растлумачыць тым, што першы ліст уяўляе сабой хутчэй шэраг пропаведзей, тады як другі - гэта ліст у яго традыцыйным разуменні.

Мэта напісання ліста[правіць | правіць зыходнік]

Мэта напісання амаль тая ж што і ў першым лісце: апостал жадае засцерагчы Царкву ад людзей, якія адвярнуліся ад вучэння Хрыста і прапаведваюць уласныя погляды. Таму аўтар вельмі задаволены, што яго чытачы прытрымліваюцца сапраўднага вучэння, але ў той жа час ён і засцерагае ад ілжэвучэння.

Змест ліста[правіць | правіць зыходнік]

Ліст вельмі малы, у ім толькі 13 вершаў, а таму складаецца з аднаго раздзела. Ліст пачынаецца з традыцыйнага прывітання, пасля якога аўтар выказвае радасць, што ўся сям’я Панны жыве згодна праўды. Апостал заклікае чытачоў да любові адзін да аднаго, таму што гэта і ёсць сэнс запавета. Ян засцерагае ад падманшчыкаў, якія ўносяць ілжэвучэнні. Небяспека іх вучэння настолькі вялікая, што аўтар нават загадвае не прывітацца з ілжэбратамі.

Месца і час напісання ліста[правіць | правіць зыходнік]

Дакладна вызначыць месца і час ліста напісання ліста немагчыма, мабыць усе тры ліста былі напісаны прыкладна ў адзін час. Таму мяркуюць, што ліст мог быць напісаны ў Эфесе ў апошнім дзесяцігодзі першага стагодзя.

Кароткі план ліста[правіць | правіць зыходнік]

  • Прывітанні(1-3)
  • Запавет любові (4-6)
  • Засцярога супраць ілжэвучэння (7-11)
  • Заключныя прывітанні (12-13)

Літаратура[правіць | правіць зыходнік]

  • Толковый Апостол. Соборные послания изъясненные Епископом Михаилом. Правило веры, 768с., 2010г., ISBN: 978-5-94759-099-9
  • Мэтью Генри. Толкование на книги Нового Завета. Том 5 Послания от Иакова - Коринфянам, МКПНП, 1999,406 стр.
  • Толковая Библия. Новый завет. В 7 томах. Том 7. Деяния. Соборные послания. Откровения Иоанна Богослова. Под редакцией А. П. Лопухина. Изд. Дарь, 2009г. 1296 стр. ISBN:978-5-485-00276-3

У сеціве[правіць | правіць зыходнік]

Другі ліст апостала Яна ў перакладзе В. Сёмухі