Rammstein

З пляцоўкі Вікіпедыя
Перайсці да: рух, знайсці
Rammstein
фота
Канцэрт «Rammstein», 2005 год
Жанры

Industrial metal, Neue Deutsche Härte

Гады

1994 — па наш час

Краіна

Flag of Germany.svg Германія

Адкуль

Берлін

Лэйблы

Universal Music Group

Склад

Ціль Ліндэман
Рыхард Круспэ
Пауль Ландэрс
Олівер Рыдэль
Крыстоф Шнайдэр
Крысціан Лорэнц

Акцёры

Ціль Ліндэман
Рыхард Круспэ
Пауль Ландэрс
Олівер Рыдэль
Крыстоф Шнайдэр
Крысціан Лорэнц

Сайт

http://rammstein.de/

Rammstein — рок-гурт з усходняга Берліну, створаны ў 1994 г. Музыкальны стыль самі ўдзельнікі гурта вызначаюць як індастрыял-метал з элементамі нямецкай цяжкай сцэны (Neue Deutsche Härte). Rammstein — сусветна вядомы гурт, амаль усе песні выконваюць на роднай мове. Візітнай карткай гурта з’яўляюцца захапляючыя сцэнічныя вогненныя шоу, непаўторны стыль і эпатажныя тэксты.

Паходжанне назвы[правіць | правіць зыходнік]

Назва гурта походзіць ад назвы ваеннай базы ЗША ў Германіі Рамштайн (Ramstein). 28 жніўня 1988 на авіябазе падчас авіяшоў здарылася сутыкненне трох самалётаў. У выніку трагедыі загінула каля 70 чалавек, больш як 300 атрымалі раненні. Першая версія назвы гурта гучала як «Rammstein-Flugschau», менавіта з дзвума «m». Потым другую частку назвы удзельнікі выдалілі, а назва авіябазы так і засталася напісана з памылкай. Іншая трактоўка «Rammstein» — у перакладзе з нямецкага — «таранны камень» — моцна і жорстка, так удзельнікі характарызуюць гучанне сваіх песень.

Гісторыя[правіць | правіць зыходнік]

Herzeleid, Sehnsucht

Гурт створаны ў 1994 у Берліне Рыхардам Круспэ. Сваю музыкальную працу ён пачаў у гурце «Orgasm Death Gimmick» у 1989 г. Пасля абяднання Германіі Рыхард вяртаецца на радзіму ў горад Шверын. Там ён знаеміцца з будучымі ўдзельнікамі гурта Оліверам Рыдэлем і Крыстоферам Шнайдэрам, крыху пазней і з Цілям Ліндэманам. Ліндэман, які граў раней на барабанах, у новым гурце заняў месца саліста. Упершыню кампазіцыі калектыва прагучалі 19 лютага 1994 г. на конкурсе маладых гуртоў у Берліне. Яны выканалі песні «Das alte Leid», «Seemann», «Weißes Fleisch» і «Rammstein» і перамаглі, атрымаўшы права на запіс у прафесійнай студыі. Пазней да гурта далучыліся Пауль Ладэрс і Крысціан Лорэнс, якія раней гралі ў «Feeling B». У такім складзе быў запісаны першы альбом Herzeleid (Сардэчны боль) пад лэйблам Motor Music. Усе тэксты напісаў Ціль Ліндэман. Дыск разышоўся вялікім тыражом і праз некаторы час меў ужо статус «залатога». У падтрымку новага альбома Rammstein здзейснілі тур па Еўропе на разагрэве ў Clawfinger. Услед за альбомам выходзіць сінгл «Engel», на які зняты кліп.

У 1997 гурт выпускае другі студыйны альбом «Sehnsucht», які адразу ж становіцца плацінавым.

Mutter

Сусветную вядомасць гурту прынес наступны альбом «Mutter» (Маці), запісаны ў 2001. Пазней выйшлі сінглы — «Ich Will», «Mutter», «Feuer Frei!» і відэакліпы да іх.

Reise, Reise, Rosenrot

Перад выхадам наступнага альбома Rammstein здымае новы кліп «Mein Teil», а крыху пазней і сам альбом. Сусветны тур здейснены у гэтым жа годзе. Канцэрты у рамках тура суправаджаліся вогненным, светавым, лазерным шоу, а таксама тэатральнымі сцэнамі. 28 кастрычніка 2005 выходзіць наступны, пяты альбом гурта. У 2006 годзе выходзіць DVD «Volkerball» з канцэртнымі запісамі.

Liebe ist für alle da

Пасля доўгага перарыву стала вядома, што на кастрычнік 2009 запланаваны выпуск шостага альбома Rammstein. 18 верасня выйшаў сінгл «Pussy», а ўжо 16 кастрычніка свет убачыў і сам альбом «Liebe Ist Fur Alle Da» (Каханне для ўсіх). Альбом, як потым аказалася, стаў самым скандальным за ўсю гісторыю гурта. Па-першае, кліп «Pussy», у якім прысутнічаюць устаўкі з порнафільмаў. Кліп быў забаронены для паказу па тэлебачанні. Па-другое, тэкст кампазіцыі «Ich Tu Dir Weh» паказаўся, на думку нямецкага дзяржаўнага камітэта па СМІ, небяспечным для моладзі. Тэкст песні змяшчаў элементы садамазахізму і насілля. Вокладка альбома была прызнана непрыстойнай і на продаж альбома ў Германіі быў накладзены узроставы цэнз.

Кампазіцыя «Engel», 07.03.2010, Мінск

Канцэрты[правіць | правіць зыходнік]

У канцэртным туры «Liebe Ist Fur Alle Da» у спісе, між іншых, упершыню аказваецца і Беларусь. Гэта навіна вызвала даволі актыўную рэакцыю з боку прадстаўнікоў савета ветэранаў і грамадскага савета па маральнасці, якія вырашылі дабівацца адмены канцэрта[1]. Сярод моладзі, у сваю чаргу, гэта заява подверглася крытыцы. 25 лютага 2010 міністр культуры Павел Латушка заявіў, што не бачыць пагроз і прычын для адмены канцэрта[2]. 7 сакавіка на «Мінск-Арэне» канцэрт усе ж такі адбыўся[3]. Канцэрт наведалі 11.000 чалавек.

Склад[правіць | правіць зыходнік]

Дыскаграфія[правіць | правіць зыходнік]

Год Альбом
1995 Herzeleid
1997 Sehnsucht
2001 Mutter
2004 Reise, Reise
2005 Rosenrot
2009 Liebe ist für alle da

Зноскі

Спасылкі[правіць | правіць зыходнік]