Red Hot Chili Peppers

З пляцоўкі Вікіпедыя
Перайсці да: рух, знайсці
Red Hot Chili Peppers
фота
Жанры

фанк-рок, альтэрнатыўны рок

Гады

1983 — нашы дні

Краіна

Flag of the United States.svg ЗША

Горад

Лос-Анджэлес

Мова песень

Англійская

Лэйблы

EMI, Warner Bros.

Склад

Энтані Кідзіс
Майкл "Флі" Балзары
Чэд Сміт
Джош Клінхофер

Былыя
ўдзельнікі

Джон Фрусчантэ
Хілел Словак
Дэйв Навара
Джэк Айранс
Кліф Марцінэз
Джэк Шэрман

Сайт

redhotchilipeppers.com

Red Hot Chili Peppersангл. — Чырвоныя вострыя перцы чылі) — рок-гурт з ЗША, заснаваны ў 1983 годзе ў Лос-Анджэлесе, Каліфорнія. Штат Каліфорнія ўспамінаецца ў мностве іх песень. Музычны стыль гурта, пабудаваны на сумесі традыцыйнага фанка, альтэрнатыўнага року, панку і іншых музычных жанраў. Ва ўсім свеце прададзена больш за 80 мільёнаў копій іх альбомаў. Паводле версіі VH1 «100 Greatest Artists of Hard Rock» занялі 30-е месца. 14 красавіка 2012 года гурт быў уключаны ў Зал славы рок-н-рола. Гурт заняў трэцяе месца ў сімвалічным спісе «Лепшыя выканаўцы за 10 гадоў скроблінга» сайту Last.fm.

Red Hot Chili Peppers запісалі 10 студыйных альбомаў. Першыя запісы былі даволі непаспяховымі, у той час гурт граў сумесь року і фанку. Склад RHCP змяняўся шмат разоў, аднак Кідзіс і Флі былі ў гурце з пачатку яго існавання і ніколі не пакідалі яго. Фрусчантэ і Сміт далучыліся ў 1989 годзе, неўзабаве выйшаў паспяховы альбом Mother's Milk. Гэты быў першы альбом гурта, які трапіў у музычны чарт Billboard. Пакуль Red Hot Chili Peppers былі ў турнэ 1992 года, пасля выхаду свайго пятага альбома Blood Sugar Sex Magik, Фрусчантэ пакінуў гурт з-за наркатычнай залежнасці.

Дэйв Навара стаў гітарыстам гурта пасля зыходу Фрусчантэ. Навара не надта добра ладзіў з іншымі членамі гурта. Удзельнікі RHCP папрасілі Навара пакінуць гурт у 1998 годзе, пасля аднаго альбома, які быў названы One Hot Minute. У гэты час Фрусчантэ ствараў сольныя альбомы. Ён цярпеў ад гераінавай залежнасці. Калі Фрусчантэ стаў адчуваць сябе лепш, Флі прапанаваў яму вярнуцца ў RHCP і Фрусчантэ згадзіўся. Наступны альбом гурта, Californication, стаў адным з іх самых папулярных запісаў. Red Hot Chili Peppers працягвалі працаваць і ў 2002 годзе выпусцілі наступны альбом, By The Way, які таксама меў поспех. Пасля гэтага гурт адправіўся ў сусветнае турнэ, а таксама выпусціў дыск лепшых песень. Вярнуўшыся, Red Hot Chili Peppers запісалі двайны альбом Stadium Arcadium, які складаўся з 28 песень. Праз некаторы час гурт быў прымушаны спыніць сваю дзейнасць з-за таго што Фрусчантэ зноў пакінуў RHCP дзеля ўласнай творчасці. У 2009 годзе яму на змену прыйшоў Джош Клінгофер, сябар Фрусчантэ. З ім гурт выпусціў альбом I'm with You, а таксама 17 бісайдаў.

Дыскаграфія[правіць | правіць зыходнік]

Студыйныя альбомы